Next
【投考ACO】考咗3次ACO都失敗 事主究竟衰喺邊？一文睇清助理文書主任/入職條件/人工/晉升
【投考ACO】考咗3次ACO都失敗 事主究竟衰喺邊？一文睇清助理文書主任/入職條件/人工/晉升
2023-02-28
政府工被譽為職場上的鐵飯碗，自然唔易考，當中的ACO（助理文書主任）更是人人「爭崩頭」。經過技能測驗篩選後，只有約16%考生成功進入面試環節。最近有網民於網上討論區發文，指自己由2016年開始報考ACO，經歷三屆面試仍然名落孫山。更令人頭痛的是，明明面試中問到的時事題、處境題都對答如流，加上英語會話流利，究竟問題出自哪裡？臨近新一屆招聘，面對困難重重的面試到底應該如何應對？
即睇事主經歷：
事主：2016年已經開始報，經歷埋2018、2020年，點知三屆都Reject咗我。
事主：如無意外下年又會開始新一屆招聘。
事主：國安法呢啲嘢背到滾瓜爛熟啦，佢考我我倒轉背都仲得。
事主：問題係佢問埋啲時事題、處境題我正常咁答、英文讀得流暢都照Reject，到底係咩事？
事主：究竟考到嘅人係咪大部份都大公司出身、起碼兩年或以上工作經驗、空窗期唔超過三個月？
即睇網民回覆：
網民：嘥氣啦。僧多粥少，每次招聘隔19個月，平均有33,831人申請但平均淨係取錄2,349人⋯⋯不過個機率都大過中六合彩。
網民：呢類基層工真係值得考咁多次？
網民：大學畢業考三次，AO、EO呢啲就值得，ACO就真係算吧啦。
網民：可以試下改變策略，就係放棄。
網民：樓主咩學歷？三大畢業穩陣啲⋯⋯
網民：政府工⋯⋯呢啲嘢好睇緣份。
網民：政府請人其實好random，畀你入到政府做都未必係好事。佢哋政府派人去各部門完全唔會睇下條友有乜經歷，例如有人以前做開客服，居然都唔派返佢去Counter位，求其派佢去個Filing位⋯⋯
網民：個考官見你之前已經Screen好你份Profile，有哂心水係咪請你，入到房望多你兩眼就決定請唔請，之後嘅問題環節純粹做樣。
網民：既然英文好，又好記憶力，點解唔試下其他職位？EO、AO每年都招人，其他政府部門都好需要人手，既然有能力點解唔試？
網民：莫講話考ACO，我覺得連考CA都勁難！好難答到考官心目中嘅答案，睇嚟下次真係要提早做足準備啦！
面試失敗唔知衰咩？即刻睇睇有無觸犯以下面試致命小動作。
延伸閱讀：【政府工】ACO呻返工無嘢做 網民︰好多人想做都做唔到
【投考助理文書主任 (Assistant Clerical Officer，簡稱「ACO」)】Q&A
問︰想投考助理文書主任(ACO)，須具備哪些入職條件？
答︰根據政府的資料顯示，現時投考助理文書主任(ACO)的申請人，必須具備以下學歷要求︰
1/ 香港中學文憑考試5科取得第2級或同等或以上成績，其中一科為數學，或具同等學歷；或香港中學會考5科取得第2級/ E級或以上成績，其中一科為數學，或具同等學歷
2/ 符合語文能力要求，即在香港中學文憑考試或香港中學會考中國語文科和英國語文科取得第2級或以上成績，或具同等成績
3/ 中文文書處理速度達每分鐘20字及英文文書處理速度達每分鐘30字，並具備一般商業電腦軟件的應用知識
4/ 在《基本法及香港國安法》測試取得及格成績
問︰申請人要參加技能測驗嗎？
答︰要。只有通過技能測驗的申請人才會獲邀參加面試。申請人通常會在參加技能測驗後10個星期內獲邀請參加面試，否則可視作已經落選。
問︰助理文書主任ACO的技能測驗要考甚麼？
答︰中及英文文書處理速度測驗、一般商業電腦軟件應用知識測驗，包括Microsoft Office Word 2016及Excel 2016。
問︰助理文書主任ACO人工有幾多？
答︰助理文書主任ACO的每月薪酬是由總薪級表第3點($15,950)至15點($32,545)。
問︰助理文書主任ACO的晉升階梯是如何？
答︰助理文書主任可升至文書主任 (Clerical Officer，簡稱「CO」，總薪級表第3點($15,950)至15點($32,545)，以及高級文書主任 (Senior Clerical Officer，簡稱「SCO」，($45,670 - $57,395)，兩個職位的平均晉升年資分別約15年及28年。
問︰助理文書主任ACO有甚麼員工福利？
答︰公務員可享的福利，視乎個人職級、服務年資、聘用條款及其他規例而定，包括醫療及牙科福利、教育津貼、房屋福利、假期、退休福利及旅費等。
問︰現時做公務員的退休年齡是甚麼？
答︰在香港退休金法例規定下，按可享退休金條款受聘的公務員在舊退休金計劃和新退休金計劃下的正常退休年齡分別為55歲及60歲；而退休金法例亦規定，紀律部隊人員在新退休金計劃下的訂明退休年齡為55歲或57歲。
延伸閱讀：【職場熱話】網民呻香港經濟產業單一 唔做醫生、金融、政府工難發圍？
延伸閱讀：【政府工略】文化體育及旅遊局請體育專員 月薪高達$213,700
延伸閱讀：【國安法懶人包】明年新聘請直資幼稚園教師須考國安法 會問咩題目？
最新專訪片︰
【Office豪華旅行團】物業顧問公司辦公室似私人會所 有韆鞦櫈、免費生果！
Look out for further updates on our Facebook fan page!
Follow CTgoodjobs for the latest career news, hot topics and recommended jobs!