【在家工作】疫情嚴峻 問老細可唔可以WFH 老細:你當公司係屋企咪得囉!

【在家工作】疫情嚴峻 問老細可唔可以WFH 老細:你當公司係屋企咪得囉!

近日第五波疫情嚴峻,確診個案不斷幾何級上升,專家卻指數字仍未見頂,令大家都非常擔心。不少企業和機構都開始發現確診個案,紛紛安排讓員工在家工作,減少聚齊而感染的機會,不過,可能因為工作種類的問題,仍然有些公司不願意讓員工在家工作⋯⋯

延伸閲讀:【疫下創業】研製可重用殺菌口罩 洗200次仍有功效!創辦人:殺菌只需1秒! 

有網民在社交平台專頁「扮工室Online」上發文分享,指自己的公司仍未可以安排大家在家工作,不過老細的回答卻令人感到十分無奈又可笑。事主分享道:「我問老細可唔可以WFH(Work Form Home,在家工作),老細竟然答我:『你當公司係自己屋企咪得!』想問下大家我應該點覆佢?」

不少網民都覺得事主的老細很荒謬,不禁留言揶揄一番!

即睇網民回應:(按圖了解)

網民:「返公司除口罩答佢。」

網民:「即刻除罩係佢面前咳。然後今晚瞓公司、喺公司沖涼、行埋部PS5返嚟、過咗6點就放對腳上枱打機、順便學下某個網紅係office煮哩食、煎牛扒、打邊爐。」

網民:「收到,我係屋企淨係食、瞓、玩、痾。」 

網民:「咁就着睡衣開工喇!」

網民:「係咪真㗎?係嘅我換睡衣之後打機㗎喇!」

網民:「帶埋屋企人上嚟齊齊打麻雀,屋企嘛!」

網民:「咁就好,你平時喺屋企係點,喺公司就可以點!」

網民:「叫老細將工作枱換張雙人床。」

網民:「老細我當你老豆可以嗎?」

網民:「在家工作我可以除口罩喎,當老細想你假想家的公司,你有無信心除口罩先?」 

網民:「你帶個電飯煲返去、日日洗米、洗菜、切肉、煮飯,飲飽食醉先開工做嘢。記得坐係度做嘢要棟高腳。」

網民:「咁我聽日帶個電磁爐返嚟打邊爐!」

 

網民幽默揶揄
一眾網民都覺得既然老細如是說,那就靠有配合他,一於將辦公室變成家一樣,做盡一切在家才會做的事!如着睡衣、打機、打邊爐、不配戴口罩、與家人打麻雀、洗米煮飯等日常事。更有網民建議事主回答:「老細我當你老豆可以嗎?」

另亦有身為老闆的網民都留言,指事主老細的言論離地,明白到員工根本不會將公司當屋企,並應當考慮減少員工因疫情而憂慮的工作安排,畢竟疫情持續,安全至上最重要!

延伸閲讀:【疫下創業】研製可重用殺菌口罩 洗200次仍有功效!創辦人:殺菌只需1秒! 

延伸閲讀:【疫下新常態】室內設計與VR結合 3D網上商店加強網上營銷 

延伸閲讀:【人物專訪】一種香水一個故事 以香味盛載回憶與情感 

延伸閲讀:【聖誕節】Speed Dating活動種類多 整蛋糕、郊遊 最受歡迎竟然係… 

延伸閲讀:【聖誕節】Speed Dating定用交友App好? 最多單身職業係工程師、醫生…… 

⏩⏩  需要請人?立即刊登招聘廣告!  ⏪⏪

Look out for further updates on our Facebook fan page!

Jobs You Maybe Interested In

刊登招聘廣告