【在家工作】如果公司可以畀大家每星期兩日WFH 大家會揀邊兩日?

【在家工作】如果公司可以畀大家每星期兩日WFH 大家會揀邊兩日?

在家工作(Work From Home,WFH)在疫情之下變得愈來愈普遍,有些公司更讓員工長此下去都採用這個工作模式,亦有公司讓員工一星期可以選擇幾日在家工作,經歷過疫情,某些行業都發現WFH工作模式反而能提高員工的工作效率!大家又覺得呢?

延伸閱讀:【履歷表】職業辯論員、高人 即係乜嘢?求職者CV職業title惹討論!

有網民在討論區Dcard上以「如果每星期可以揀兩日WFH你會揀邊兩日?點解?」為題分享:「我自己會揀星期二四,返一日,留一日喺屋企,你哋會點揀?」不少網民一聽到這安排都覺非常吸引,並熱烈地展開討論;亦有一些本身公司已經安排了兩日WFH予員工的網民分享心得,大家又會怎樣揀呢?

即睇網民回應:(按圖了解)

網民:「一定係星期四五,因為連住星期六日。」

網民:「星期一、五,好似個假長啲、避咗Monday blue,又好似有long weekend,見人返星期一迫車好慘,自己可以瞓晏啲好high!」

網民:「一定唔會揀星期五,星期五happy friday,工作氣氛相對輕鬆,加上通常同事/朋友聚餐都係揀星期五,喺屋企就唔會想特登出嚟。星期一就鐵膽,以防星期日玩得夜。」

網民:「星期一二都可以,你諗吓喎,星期日出完街玩,第二朝唔使咁早起身搭車出門喎!」

網民:「我都覺得星期一好需要!因為星期六日一定夜啲瞓,星期一起身係最辛苦。」

網民:「實係星期一二。」

網民:「星期一同五。」

網民:「揀公司最少人個兩日,唔想咁逼。」

網民:「星期四、五,星期一、二,或者星期一、五。」

網民:「星期二四,跟住就會發現一、三、五都會好holiday mood。」

網民:「如果係返星期一至五嘅,我會prefer 三、五WFH,返兩日唞吓都好。」

網民:「我係三四WFH,星期一通常會積咗最多嘢要做,會想嗱嗱臨喺公司做埋佢,有時又要開會嗰啲,喺公司效率會好啲。去到星期二就暫時仲頂得順,去到星期三啦,已經返咗兩日工都攰攰哋,最啱喺屋企唞一唞。所以就連住星期四,兩日唔需要通勤,休息得好足。之後先最後返埋個Happy Friday,星期五可以着便服,同埋工作氣氛都比較chill,有時又有tea食或者party,跟住就直落迎接美好星期六,正!」

網民:「一定要揀連住兩日,咁部電腦唔使拎嚟拎去。」

網民:「我而家就係兩日WFH,我揀咗星期二四,因為我住好遠,車程1.5小時以上。揀星期二四可以放工晏啲瞓,拎啲時間去做吓運動都得,如果我住得近,會揀其中一日連星期一/五。」

網民:「我間公司就係咁,我就揀一二啦,返多3日星期五又5 on 5早走!」

不少公司都實行彈性WFH
網民的選擇當中,以「星期一五」、「星期一二」最多,有些網民覺得揀「星期四五」的話,好像會浪費了星期五本身的歡樂氣氛;不過都有些網民覺得揀星期二四都不錯,因為一三五返公司都話,就感覺日日都是holiday mood,好像時間都比較容易過。

不過其實有好幾位網民都分享,自己的公司真的正在行這個讓員工可以在家工作兩天的政策,令員工的工作效率有所提升,身心都更健康。其實現時科技先進,很多工作都可以遠距離地完成,加上有很多軟件的配合,與同事之間的溝通會更有效率,實在無阻大家之間的合作,工作可以順利完成,員工又做得開心,這何樂而不為呢?如果有更多公司可以讓員工按自己的需要而選擇在家工作就好了!

延伸閱讀:【履歷表】職業辯論員、高人 即係乜嘢?求職者CV職業title惹討論!

延伸閱讀:【見工面試】唔將上一間公司寫落CV 新僱主會唔會check到?網民:除非佢係FBI…

延伸閱讀:【心理測驗】一張圖測試自己有冇揀啱工作!如果喺荒山野嶺蕩失路…

延伸閱讀:【辭職學問】Last Day幾時派散水餅先好?網民提議「散水吉時」係…

延伸閱讀:【職場熱話】男同事次次開會都要人三催四請、工作訊息永遠慢一拍先覆

⏩⏩  需要請人?立即刊登招聘廣告!  ⏪⏪

Look out for further updates on our Facebook fan page!

Jobs You Maybe Interested In

刊登招聘廣告
;