【伏工特徵】OT無補水、放假要做嘢 竟被批評懶惰 「我要做成點先得?」

【伏工特徵】OT無補水、放假要做嘢 竟被批評懶惰 「我要做成點先得?」

打工仔在職場難免遇到挫敗,不過有悲總有喜,從工作上得到的滿足感,能鼓勵人堅持不懈往目標前進;相反,假如職場只剩下負能量,打工仔就可能會感到難以喘息。有台灣打工仔在網上討論區Dcard發文分享經歷,指自己應公司要求OT,即使在假日也用心工作,卻被批評懶惰,讓她感到無奈,「到底我要怎麼辦才行?」

點圖了解更多事主分享:

 

「我收到自己份Appraisal,上面竟然寫住『唔係你收幾多錢,就做幾多嘢』,令我覺得好心寒。所以好想上嚟請教吓大家,我應該點做好。

我由去年開始,就入咗而家間公司做,做行銷企劃相關嘅工作,返工從無遲到,收工都無得準時走,只可以睇上司面色做人,佢未收工我真係唔敢走,平均每日都要夜晚6點40分至7點20分左右先走得。雖然表面話係6點,但從來都未準時走過,報返上去話自己OT,要求加班費,就會畀人捉去傾偈,因為其他人都無報過上去。

由於公司請唔到新人,所以喺公司嘅都係有一定資歷嘅員工,佢哋幾乎都會留到好夜,至少都加班一個鐘(可以話大家奴性都好重)所以對比之下,我就顯得好懶(我上司真係咁講,話我太在乎收工,唔在乎做嘅嘢),所以佢喺Appraisal先會咁寫。

我真係覺得好受傷,我應該點做先好,我人工又唔係多,要做到咩程度先夠?因為我Appraisal啲評語好差,所以我無人工加,仲要被人話做嘢唔認真,明明我放假都有幫手,啲工作Message都有覆,仲要收工出去送同拎公司嘢,無一日準時收過工,我當係學嘢,但換嚟嘅只有等收工嘅懶員工形象,難道係我太玻璃心?」

網民回應:

A/拎一分錢做半分事,佢係話你太認真,唔應該咁努力虐待自己

B/係我嘅話,我唔會即刻轉工,我會每日6點準時收工,再慢慢搵工,然後帶支錄音筆以備不時之需,唔好咩都讓晒公司,規定點做就點做,做好最壞打算會隨時被炒,既然都諗住轉工,怕咩畀人炒,無嘢要驚喎,拎住支錄音筆,錄幾句難聽嘅說話,被炒的話記住拎證據,睇埋法例相關

C/本來就係拎幾多錢做幾多嘢,去返工唔係做善事,佢哋奴性重,唔代表你都要,佢哋無能力離開間公司,先會咁樣勒索你

D/換過份工啦

E/係你入錯公司,炒老細魷魚係你最好嘅選擇

F/公司咁多,唔一定要留喺度嘅,搵過間更好嘅公司啦

G/份糧唔高,仲要無得準時收工?

H/係公司問題,我而家仲係新人,每日都唔敢準時收工,到6點就會坐喺位度搵嘢做,呢個時候上司同帶我嘅同事就會嚟趕我收工,話夠鐘叫我盡快收工,叫佢唔好諗工作上嘅嘢

I/長期請唔到人,就係呢間公司嘅把柄,係佢哋要怕你會辭職,唔係你怕佢哋,所以你就跟隨自己嘅原則,反正要對你點,炒你都係佢哋理虧;可以的話學下跳糟,收工就準時走,就係因為啲人太無原則,先會令公司覺得唔畀加班費天公地道。放假唔好覆Message,要送或者拎公司嘢,都返工先去

J/咁樣嘅公司,仲夠膽評論返員工轉頭,準時收工搵過份工

K/你覆佢話,我無諗住升職加人工,所以唔好理我

L/同佢講:我嚟返工賺錢,想要忠誠搵過隻狗

求職時應了解工作內容
對於事主的分享,普遍網民都支持事主,認為他沒有必要討好現時的公司,勉強OT。有網民指,長期招聘不到新員工是公司的把柄,比起事主害怕比炒,公司更怕事主會辭職。另外,有網民指因為其他人都不遵守原則,才會令公司覺得員工OT是理所當然。

公司無理要求員工OT是否犯法?在香港現存的法例並沒有「標準工時立法」,因此沒有對於超時工作補償的監管,超時工作的薪金安排需要由勞資雙方協商。如果沒有特定的協議,員工完成當日的工作,就可以遵照僱傭合約所定的工時,準時下班。若果遇上上司無理要求加班,可以向人力資源部門申報,向他們求助。另外,如果員工遇上不公平的對待,可以向勞工處求助。正所謂「天涯何處無芳草」,總有適合事主的公司,不過事主在找工作時,需要多加留意公司的文化及工作內容,以免再墮入「伏工」陷阱。

伏工原來有樣睇?(點圖了解更多)

 

即睇5條問題了解公司狀況:

延伸閱讀:【職場貼士】待業期間無所事事?5個規劃有效降低求職焦慮
延伸閱讀:【職場貼士】5個開會不再浪費時間的方法
延伸閱讀:【見工面試】想由小薯晉身成管理層 面試可以點樣凸顯管理技能?
延伸閱讀:【職場文化】如何收服下屬的心?後疫情時代「好上司」必備5個特質
有新嘢‼️覆老細&同事唔使打字,有【CT打工仔秒回系列】WhatsApp Sticker即刻搞掂🥰
即刻撳入嚟下載啦‼️
👉🏻https://bit.ly/3XCqYyY


最新專訪片︰
30歲蘇麗珊轉型做唱作歌手 大爆曾經5點起身返咖啡店、做地盤

⏩⏩  需要請人?立即刊登招聘廣告!  ⏪⏪

Look out for further updates on our Facebook fan page!

Related Articles

  • 【辭職學問】遞信後都有嘢袋落袋?10件在辭職後學到的事!

  • 【轉工跳槽】應否放棄Bonus辭職?打工仔嘆:精神壓力大,成日做到喊⋯⋯

  • 【轉工跳槽】跳草裙舞要求加人工!微軟前HR副總裁預言「要脅辭職」出現3大情況!會適得其反?

  • 【職涯規劃】年過40歲就唔轉工?打工仔質疑同事唔敢走出舒適圈!網民:年紀越大,社會對你越唔友善⋯⋯

  • 【離職原因】做過嘅公司執笠、倒閉!打工仔呻:面試唔知點同HR解釋……

  • 【見工面試】公司連會議室都無?求職者:全Office嘅人睇住我面試⋯⋯

  • 【辭職學問】離職唔做handover得唔得?網民勸喻:唔好衝動做傻事!

  • 【辭職學問】祼辭後萬般後悔 搵唔到工返唔到轉頭 網民:你同公司緣份已盡!

  • 【辭職學問】Last Day太開心 喺群組寫Dobby is free!網民:老闆除咗隻臭襪畀你?

  • 【職場熱話】打工仔應否為工作搏命?網民:但求心安理得

Jobs You Maybe Interested In

刊登招聘廣告
;
Follow CTgoodjobs for the latest career news, hot topics and recommended jobs!
Maybe Later Follow