Next
【返工第一日】打工仔報到當日即被炒魷魚！全因老細不滿呢樣嘢？網民：而家揀二奶咩！
【返工第一日】打工仔報到當日即被炒魷魚！全因老細不滿呢樣嘢？網民：而家揀二奶咩！
2024-07-09
老闆在打工仔眼中，尤如神一般的存在，可能只是稍一不慎，說錯一句話，就飯碗不保。有打工仔竟然報到當天，就已經觸怒老闆？有台灣打工仔分享個人經驗，指自己上班的第1天，就被老闆炒魷魚，全因為1個原因！
點圖了解更多事主分享：
事主：「話說我今日第一日返工，之前面試嘅時候，啱啱老闆唔喺度，由老闆娘親自面試，老闆娘對我好滿意，隔咗幾個星期，就收到取錄通知，到今日我第一次見老闆。
返工返到一半，老闆突然叫咗我入房，他同我講，佢覺得一開始冇同我見面，係佢錯，應該要佢親自同我見面。佢話要炒我嘅原因係，佢覺得我唔係佢想像中咁樣。我當刻呆咗，佢想像我到底係一個咩樣？我哋今日先第一日見咋喎！如果係因為唔係佢In我而炒咗我，咁一開始點解要老闆娘嚟In我呢？如果早啲講，我可以搵其他工，而唔係好似咁樣喺度浪費時間。
可惜嘅係，呢間公司氛圍好好，一開始都仲好開心搵到間好公司，因為同事個個都係天使，聽到我畀人炒，佢哋都呆晒，雖然只係短短幾個鐘，但都好多謝呢班同事安慰我，希望佢哋可以早啲財富自由，離開呢間公司。」
網民回應：
A/所以呢個老闆係搵員工定二奶？
B/就係睇樣！可能你履歷張相同本人差好多，有幾多老闆都係外貌協會，雖然唔公平，不過佢都幾好笑，多數就咁就算，下次佢自己In就好，至少用返個似樣啲嘅理由嚟炒人。
C/唔係你嘅錯，老闆娘搵嘅係做得嘢嘅員工，老闆搵嘅係樣靚嘅員工。
D/老闆係咪有病，而家選妃咩？
E/唔緊要啦，有呢啲咁嘅老闆，走都好。
F/唔係喎，你老闆娘請你返嚟，你畀人炒，佢乜表示都冇？
G/你老闆唔單純喎，要唔要同老闆娘講聲，睇吓佢搞緊咩？
H/唔係你問題！真係老闆個人喜好，有親戚自己開公司，都係炒人好隨意。
I/有人請人條件都啱，但就因為個樣唔適合被拒絕。我就想問，係睇工作能力，定係嚟相睇。
網民都紛紛安慰事主，認為該公司的老闆太過份，重視的並非員工的工作能力，而只是外貌。有人就指出，老闆娘要求的是能幹的員工，而老闆想找的是外貌出眾的人選。有人指事主是由老闆娘請回來，好應該將被辭退的事告訴對方。
在香港假如不合理解僱，按照《僱傭條例》，如僱員於一份連續性僱傭合約中受僱不少於24個月，且並非基於以下有效理由而將涉事員工解僱，便會構成不合理解僱：
僱員的行為
僱員執行工作的能力或資格
裁員或其他真正的業務運作需要
法例的規定
其他實質原因
即使這個案例在香港發生也好，由於事主只是上班的第一天，仍然在試用期內，未有符合年資上的條件，就未能夠就「不合理解僱」向該名僱主申請相關索償。
試用期結束前，臨時被炒？（點圖了解更多）
不過試用期要簽聲明？（點圖了解更多）
延伸閱讀：【CV技巧】未過試用期工作應否寫入CV？唔寫怕有空窗期？5個完美答案助你解釋空窗期 同場拆解4大Probation迷思
延伸閲讀：【勞工法例】辭咗職仲有冇得拎Bonus？僱傭合約細則咁樣講！
延伸閲讀：【係咪無理解僱？】臨過試用期前一個禮拜 打工仔毫無預警地被即時解僱 事主：我到底衰咩？
最新專訪片︰
【星級斜槓族】JACE陳凱詠自組工作室成獨立音樂人 新歌《間歇性休眠》紀錄人生低谷期 鼓勵大家勇敢面對人生考驗
Look out for further updates on our Facebook fan page!
Related Articles
Follow CTgoodjobs for the latest career news, hot topics and recommended jobs!