【辭職學問】壓力大到日日發惡夢 多次辭職不成功 員工苦惱:老細扮睇唔到我封信…

【辭職學問】壓力大到日日發惡夢 多次辭職不成功 員工苦惱:老細扮睇唔到我封信…

初踏職場的新鮮人,往往都會感到極大的壓力,因為始終學校與公司的環不同,所做的工作再不是功課,而是真正對客戶的文件,而同事再不如同學般可以處處合作或於衝突後和好,總是就是完完全全地改變。相信很多人都面對過這樣的壓力,但有時有些公司的政策本身都有問題,所以因為壓力大而辭職,並不單單是員工的問題。

延伸閱讀:【辭職學問】辭職畀上司揶揄係想加人工 網民:係又點?加完再辭囉!

有身為職場新鮮人的網民,在討論區Dcard上發文分享,指自己感到工作壓力大,想辭職轉換新環境,不過卻因老闆種種阻撓,而屢次辭職失敗……「講少少背景先,我係FG,做咗依間公司幾個月。我壓力大到日日頭痛發惡夢,所以同老細講辭職,但係佢當睇唔到就算,唔知點算好……我辭職係因為發現到間公司有下面問題:

 1.workload唔合理:所有team member一個人做三個人嘢,senior staff長期要OT,禮拜日做埋嘢啲野都做唔晒,我都有同樣情況;

2.冇traning:基本上其他同行嘅朋友都會有tranining,但係我入職係零training,老細同senior staff交低一個好長嘅task list就走咗去;

3.老細講野唔算數:我唔係第一次講辭職,之前頂唔順講過一次。但係老細話會加我人工同轉我做perm,叫我捱吓,但係依家當冇講過。」

不少網民都直指,辭職是一個「通知」、「知會」的行為,並不需要徵求老闆的批准,所以大可以直接send給人事部!

即睇網民回應:(按圖了解)

網民:「send封email通知,佢見唔見到都好,辭職信同樣會生效。」

網民:「建議可以睇吓勞工法例,同埋你之前簽嗰份合約先,正常應該辭職信打完可以生效。」

網民:「send埋畀HR囉,照計send畀老細就開始計notice period。」

網民:「辭職信照計只係通知,唔使佢批,扮睇唔到佢都要畀你走,好似樓上咁講,email通知寫清楚last day嗰啲就得。」

網民:「正常你畀咗佢就計,唔關有冇覆你事。」

網民:「合約上一般都係『one month notice period』,Notice 即係你通知老闆,唔使理老闆嘅認同與否。口講可以當聽唔到㗎,冇證據,最好就email or paper statement。」

網民:「Email返畀HR寫明離職日期(通知老細後30日)」

網民:「forward 個email畀HR + CC老細,講明幾時通知咗同幾時last day。」

網民:「你唔出信佢以為你扭計博加人工。」

網民:「Send email嘅時候記得BCC一份畀自己私人email,數夠last day執嘢走人,有咩事勞工處見,呢分BCC夠證明你有跟合約做。」

 

如何計算最後上班日期?

據《僱傭條例》第5項「僱傭合約的持續期」中的第1點指:

每份屬連續性的僱傭合約,如無任何相反的明訂協議,均須當作是為期1個月並可按月續期的合約。

按《僱傭條例》的第6項「以通知終止合約的情況」的第4點表示:

就本條而言,月(month)指由發出終止僱傭合約通知之日起計,或由僱傭開始之日起計(視屬何情況而定),至下個月份同一日的前一日終結時的一段期間,如下個月份並無同一日,或如發出通知或僱傭開始之日為一個月的最後一日,則至下個月份最後一日終結時的一段期間。

即是說,若僱主需要一個月的離職書面通知,《僱傭條例》便列明相關通知期是由遞上辭職信的那天起計算,至下月同一天的前一日為止,例如:於2019年5月14日遞信,通知期便截至6月13日;假如下個月份沒有相同日子,例如1月30日遞信,而2月沒有30日,便以2月的最後一天(28或29日)計算。如果在通知期內有公眾假期、既定休息日,打工仔均不需要補回。

辭職的細節實在不容忽視,向公司人力資源部問清楚,那就不會白白蝕了幾日給公司!

(資料來源:勞工處)

延伸閱讀:【辭職學問】辭職畀上司揶揄係想加人工 網民:係又點?加完再辭囉!

延伸閱讀:【職場熱話】全職工作後 生理同心理有咩分別?網民:幾點瞓都係眼瞓、喊少咗…

延伸閱讀:【職場熱話】介唔介意另一半收入低過自己 2成女士想搵錢多過伴侶!

延伸閱讀:【職場熱話】同事鍾意邊飲酒邊工作 同事:佢工作能力高 但有時會語無倫次…

⏩⏩  需要請人?立即刊登招聘廣告!  ⏪⏪

Look out for further updates on our Facebook fan page!

Related Articles

  • 【職場文化】放棄offer後 竟獲HR暖心千字文回覆 求職者感動:做唔到同事都想做朋友!

  • 【讀者投稿】員工祖父母相繼過身要請恩恤假 點知畀刻薄上司寸:下星期到邊個死?

  • 【職場文化】接唔接受到工作環境冇同年齡同事?仲要全部大你十年以上…

  • 【好老闆】家人有事入院要早走 老闆原本畀$300搭的士 之後收返!原來佢想…

  • 【職場文化】返工覺得好難受 點先知呢個職場健唔健康?7大指標你要知!

  • 【見工面試】第一印象好重要!電話面試都唔可以鬆懈!呢7件事絕對唔可以犯!

  • 【辭職學問】上司唔肯寫reference letter畀下屬 搞喊同事!網民:其實有OOOO咪夠!

  • 【好人好事】屋企人大病冇錢醫 好老闆即開支票:唔使還!

  • 【職場熱話】拎錯上司糧單 發現人工只係多自己$500!你會覺得點?

  • 【職場熱話】辭咗職竟然要自己in下一手 公司HR可有可無?網民:求其in求其請囉!

Jobs You Maybe Interested In

刊登招聘廣告
;
Follow CTgoodjobs for the latest career news, hot topics and recommended jobs!
Maybe Later Follow