【職場熱話】中年女上司約食飯、摸手、仲OOOO 男事主：推唔到想辭職！

不少人都希望可以與上司建立一段良好的關係，消除當中的互相猜忌，增添工作樂趣。可是上司始終也是上司，下屬還是要與上司保持一定的距離，彼此太親密的話，有機會影響工作之餘，還會為雙方帶來不必要的麻煩。

在網上討論區Dcard有台灣打工仔分享煩惱，指自己被中年女上司邀請共進晚餐，過程中還有不必要的身體接觸，讓他感到不知所措：「無法拒絕，想要辭職。」

點圖了解更多事主經過：

+15

+14

延伸閱讀：【進修學習】決定進修前的4大要點
延伸閱讀：【職場趨勢】打工仔做戲做全套？調查：超過7成人唔會講出真正離職原因

事主分享：「今日我收工嗰陣，突然畀女上司叫咗我入房，佢問我：『聽晚得唔得閒，想同你討論吓個Project』，我就話：『我有時間啊，但可唔可以報OT？』佢答：『可以，我喺某餐廳訂咗位，到時有啲嘢要同你Confirm。』我問：『但係點解唔可以喺Office傾？』佢就話：『順便食個飯都得啩！我怕你肚餓。』

講到一半佢仲扮若無其事捉住我隻手，其實佢唔止約我食飯咁簡單，有次我喺公司OT，我上司仲話要揸車送我返屋企，當時我有推㗎，但佢堅持，就畀佢送，好彩我就畀佢車到屋企附近就算，我後來都盡量準時走，點知今次畀佢捉到正。

我今年28歲，自覺唔高唔靚仔，但公司男女比例係1比4，可能因為咁畀人睇中；我嘅女上司40歲左右，未識過男朋友，平時打扮似50歲，我真係喊出嚟，好想辭職，可以點推佢好？」

網民回應：
A/你同阿姐食啦，食完你喺公司發展就順利啦
B/你咪以身相許，從此就平步青雲，唔使努力，身邊啲男同事會多謝你，受到好多人嘅祝福，提早退休，好似幾開心
C/食個飯啫，唔使諗咁多
D/同佢講，我唔想努力
E/你同佢講，我唔想浪費收工時間，要約就約返工時間
F/年少不知阿姨好，誤把少女當成寶
G/叫咩上司，咁生疏，食完餐飯記得叫BB
H/喂，好羡慕，間公司咁多女同事
I/吓，點解上面啲留言咁，呢啲擺明係職場性騷擾
J/你可以同佢講，話屋企臨時有事，無辦法OT，同佢講希望可以第二日朝早再討論
 

主動拉遠距離 以保自己安全
雖然多數網民都是以開玩笑的心態回覆留言，但也不乏安慰事主的網民，有人建議事主可以繼續拒絕女上司，只要經常被拒絕，上司就大槪會明白他的意思。若果之後發生同類型事件，就要考慮搜集證據，因為事件可能牽涉性騷擾。事主應該要學會拒絕上司的邀請，否則很容易會令女上司誤會，認為事主對她有意思，並有興趣發展男女關係。若在多次拒絕後，依然沒有改善，可以向人力資源部門求助。

事主曾經被上司摸手，到底這種行為是否構成性騷擾？到底甚麼為之「性騷擾」、遇上此類事情，可以怎麼辦？（點圖了解更多）

+15

+14

延伸閱讀：【職場貼士】點知份工適唔適合自己？5條問題分析你的工作滿意度
延伸閱讀：【職涯規劃】 疫情期間感到事業停滯？職場達人分享7招幫你逆流而上

⏩⏩  需要請人？立即刊登招聘廣告！  ⏪⏪