Next
【勞工法例】返兼職疑遇黑店 老闆：出少咗糧會次月出返 究竟有無問題？
【勞工法例】返兼職疑遇黑店 老闆：出少咗糧會次月出返 究竟有無問題？
2022-02-11
返工最重要是甚麼？當然是有糧出，因為上班的目的就是要賺錢維持生活。假若開工最終沒有等價的薪酬補償，相信沒有人會願意投入職場。法例有為勞工設立適當保障，資方拖欠薪金屬違法行為，但網上不時有網民懷疑其僱主拖欠員工薪金。最近，一名於洗衣店的兼職員工到Dcard討論區港澳版發文表示其僱主未有支付足夠薪金，更迴避薪酬計算方法。
延伸閱讀：【僱傭條例】公司停工、迫員工放有薪假期係咪合法？勞工法例咁樣講⋯
即睇事主分享及網民回應：（按圖了解）
事主：話說我返緊份part-time，覺得自己遇到黑店……
事主：返咗幾個月工，間公司每個月7號出糧，跟住我就問佢究竟係計每個月1號至31號，定係每個月嘅7號至到下個月嘅7號。
事主：跟住佢都只係好隱晦咁講一般來講係出返上個月，但係佢無好肯定咁話我知今個月係出緊幾多號至幾多號。
事主：跟住我同佢講計完條數唔啱，我自己計過差成$1000，之後我都好有禮貌咁同佢講同影埋個更表畀佢。
事主：佢話因為新年關係，公司會出大約數，如果出多咗嘅會喺下個月扣返，而出少咗會喺下個月畀返……
事主：不過問題係我根本唔知道究竟公司今個月覺得係畀多定畀少我呢？工作天數係點計呢？搞到我而家返份兼職都瞓得好唔安心，好似返完工都唔知有無糧出……
網民A：出糧有咩可能出大約數呀？
網民B：成件事伏味濃喎……
網民C：公司無糧單？
網民D：出少咗下個月出返都係犯法。
網民E：一定要寫清楚出幾多，無得約數，佢再hea你就去勞工處。千祈唔好怕事，最多搵過另一份Part time啫。
網民F：快啲辭職，未辭之前記得每日mark低自己返工時間，最好有打卡紀錄之類自己keep record，假若之後要追討都有evidence。
網民F：追問返負責出糧嗰位：確實每月計糧日數／時間；計糧條方程式。正常公司唔會出約數，出多咗下個月扣呢啲好無稽（如果出多畀我，我即刻辭職，公司就有排追？
網民F：一係公司有問題，一係管理層太懶計糧、計唔切，總之都不宜久留。
網民G：出多出少都唔係問題，問題係唔應該答出約數，應該有timesheet寫明啲糧出到邊，keep返自己返工記錄上勞記。
網民H：公司好有問題，搞清楚呢件事之後唔建議繼續做。
網民I：返工返得唔安樂真係好折磨。
支薪應無約數 僱主須於工資期屆滿後7天內支薪
幾乎所有網民認為事主應該要與僱主弄清楚薪金數字，不少人直言僱主支薪出大約數是無稽之談，因為工作應是一分耕耘一分收穫。絕大部分公司皆會向員工發放糧單，以便勞資雙方了解工資的計算方法。
至於事主詢問的工資期問題，有網民指出，每月7日支薪應為過去一個月的薪酬。根據勞工處網頁有關《僱傭條例》（香港法例第57章）的部分，「僱主應該在切實可行範圍內盡快向僱員支付到期的工資，支付日期不得遲於工資期屆滿後七天內。」若果出現拖欠薪金的情況，僱主可被檢控，一經定罪，可處罰款港幣三十五萬元及監禁三年。
從留言得知，不少網民也曾遇上僱主沒有依時支薪的情況，其中一名網民表示：「之前返嗰間公司個個月都係咁，仲成日遲出糧，個個月都10幾號先出糧。」當然各公司工資期屆滿日子不一，但如果以月底作結，每月第10日才支薪有機會違反法例。《僱傭條例》第25A條(1)項指明，如果薪金在到期支付當日起計的7天內仍未獲支付，僱主須按法例指定利率就尚未清付的工資款額或款項支付利息。在法例層面，如僱主在工資期屆滿後第10日才支薪，清還薪金同時也需支付利息。
（上述部分並非法律文件。有關法例條文的詮釋，仍以法例原文為準。）
延伸閱讀：【勞工法例】新年送禮畀上司 職場新人應入鄉隨俗？ 「小心ICAC」
延伸閱讀：【職場法例】網民呻同性同事常傳來成人影片 究竟法例有甚麼保障？
Look out for further updates on our Facebook fan page!
Follow CTgoodjobs for the latest career news, hot topics and recommended jobs!