【職場上司】上司經常卸鑊畀下屬日日當同事出氣袋發洩情緒！事主感慨：4年走咗30幾位同事……

CTgoodjobs' Editor

Published: 2026-01-05 07:55

Updated: 2026-01-05 07:55

上司的角色對打工仔而言可謂影響深遠，好上司能幫助打工仔有更好的職場發展，裝備不同技能；壞上司會令打工仔每天工作苦不堪言，嚴重影響員工士氣，更有可能影響身心健康。近日，有網民於社交媒體專業「奴工處」投稿，指自己跟隨「極品上司」，經常推卸責任及視下屬為出氣袋，斥責他們的不是。

事主分享及網民回應

+13

+12

事主：我係社福界做，公司有個過咗更年期嘅上司，呢頭同同事「靠晒你」，轉嗰頭就捉你入房鬧，仲要係無理取鬧，完全係攞同事嚟出氣同發洩。佢工作完全無能，有鑊就推晒畀人，成日扮晒自己好勁。如果有同事唔認同佢嘅嘢就會發脾氣、喺異性同事面前扮可能，真係好噁心……喺呢4年入面，公司走咗30幾位同事，上司嘅上司又唔理，放任上司做呢啲嘢……佢哋真係社福界之恥！網民A：公司幾多人先？4年走30人，即係平均每年走7.5個人，唔算好多喎，除非間公司係得10幾個人。

網民B：都唔係好多啫唔多，我做緊個部門，2個月已經就走咗18人……

網民C：我間公司1年都走百幾人，如果係千幾人嘅公司走百幾人嘅長工同，炒散又好似正常喎。

網民D：走咗咁多人上司嘅上司都唔理，咁你理嚟做咩？你都走埋一份呀嘛。

網民E：「要賺錢嘅公司，搵錢係主菜；唔使賺錢嘅公司，人事就係主菜」呢個係金科玉律。只要你幫公司搵到資助，無咗你就會無咗嚿錢嘅話，你衝入去鬧返上司轉頭都仲得！

網民F：好多上司都係鍾意玩權術。

網民G：我喺細公司做，1月至9月期間公司都走咗8個人……

網民H：你應該向社會工作者註冊局投訴上司濫用職權。

網民I：莫講話NGO，好多公司都係咁。

網民J：咁似我朋友嘅。

延伸閱讀：【方丈份人好小氣㗎！】新嚟女上司發晒脾氣原因只係因為下屬⋯⋯ 事主：今次升職加人工凍過水喇⋯⋯

對於事主的經歷，不少網民都感到同情，表示眾多公司都存在壞上司的情況，他們喜歡玩弄權術，視下屬為發洩情緒的「出氣袋」，做任何事情都會以自己利益為重，作為下屬只能吞聲忍氣，默默忍受他們的行為。不少網民建議事主，如果未能忍受上司種種行為，離職是最好的決定，讓自己可以遠離有毒職場。

不過有部分網民聚焦於離職人數，有網民計算出事主公司每年平均離職人數為7.5人，若在大公司的話，其人數仍屬正常範圍，因此認為事主過於大驚小怪。有不少網民分享自己公司的離職情況，其情況比事主更為惡劣，例如2個月內有已有18人離職、任職細公司但9個月內已有8人辭職等，因此建議事主習慣便好。