【Omicron】打工仔詢問康復後遺症 網民：無乜特別感覺 最大感覺係肥咗囉！

全民檢測在即，身邊確診個案亦不斷增加，令各位打工仔都人心惶惶，大家最擔心的是確診後要多久才可以返工，但同時都擔心有後遺症，有沒有曾確診但已康復的打工仔可以分享經驗呢？

延伸閲讀：【疫下創業】研製可重用殺菌口罩 洗200次仍有功效！創辦人：殺菌只需1秒！ 

有網民在社交平台專頁「扮工室Online」上發問：「有冇人中咗（Omicron）已經康復返緊工？想知有啲乜後遺症？」留言網民有不少都曾「中招」，並分享第一身感覺和後遺症，讓大家作參考。

+10

+9

網民：「無乜特別感覺，但喺屋企食多咗、瞓多咗⋯⋯最大感覺咪係肥咗囉！」

網民：「識屋企人中咗，公司叫唔好上報，老闆中咗照返緊工，然後公司員工都有人中照返工，大圍某小食店。」

網民：「冇胃口，同口味都轉咗少少。 有個朋友中三個月後都冇咩味覺。」

網民：「3個月前中，兩日就好返⋯⋯身體情況完全無問題，唔覺自己病咗，全屋中晒。個個一樣幾日就好返，係得一個人無味覺。兩星期先好返⋯⋯之後再同確診朋友食飯，無再中啦。」

網民：「最驚唔係中，最慘係被送去隔離無人理你死活。」

網民：「認真答：『 肺功能差咗好多，行樓梯好易喘氣。』」

網民：「好返一個月仲有氣喘、易攰、頭痛同頭暈。」

網民：「問嚟其實作用唔大，因為因人而異，小心啲啦，可以唔中就最好唔好中。」

網民：「喺英國，聖誕前後中咗，休息一個星期就變陰性，其實都無病徵，只係頭一兩日個人比較累，仲輕微過感冒。」

網民：「後遺症係更加唔想返工，盡早唔使做退休。」

網民：「有人完全冇事，有人心肺功能弱咗，少部分人永久免疫任何疾病。」

網民：「朋友話畀人歧視。」

網民：「其實睇個人體質，因人而異。」

有4分1人出現「腦霧」
英國應用程式「ZOE新型冠狀病毒疾病症狀研究」（ZOE COVID Symptom Study）專門整理新冠肺炎症狀，當中列出了Omicron的5大症狀，包括與感冒相似的流鼻水、頭痛、疲勞及打噴嚏，竟然還發現有四分一人出現「腦霧」。

「腦霧」屬於認知功能障礙，症狀如失憶、思維混亂、注意力難集中、頭暈和遺忘日常詞彙等，可能損害日後工作能力和日常自理能力，嚴重更可能變成「失智症」。

而另外美國西北大學（Northwestern University）研究亦發現， 有81%新冠肺炎輕症患者，曾在病後出現這症狀。有專家指出，現時對Omicron的了解仍未完全，勿因 Omicron重症率較低便掉以輕心。
 

延伸閲讀：【職場熱話】搵工VS辭職 邊樣難度高啲？大家會點揀？

+10

+9

延伸閲讀：【疫下創業】研製可重用殺菌口罩 洗200次仍有功效！創辦人：殺菌只需1秒！ 

延伸閲讀：【疫下新常態】室內設計與VR結合 3D網上商店加強網上營銷 

延伸閲讀：【人物專訪】一種香水一個故事 以香味盛載回憶與情感 

延伸閲讀：【聖誕節】Speed Dating活動種類多 整蛋糕、郊遊 最受歡迎竟然係… 

延伸閲讀：【聖誕節】Speed Dating定用交友App好？ 最多單身職業係工程師、醫生…… 

⏩⏩  需要請人？立即刊登招聘廣告！  ⏪⏪