【00後返工】00後通常幾耐會辭職？返工6個月開始懷疑人生？網民：第一日返工就覺得唔適應社會⋯⋯

CTgoodjobs' Editor

Published: 2025-02-28

Updated: 2025-03-03 10:36

隨着越來越多00後進入職場，他們的工作穩定性常常成為熱門話題，因其更注重工作與生活的平衡，並對職場環境有更高的期望，再加上他們對傳統職場中的壓力和制度較為抗拒，不少人認為00後打工仔相對容易辭職。這種觀點是先入為主，還是其來有自呢？近日，一位00後打工仔在社交平台「Threads」發文，表示自己工作半年已經開始懷疑自己以及工作的意義，所以希望了解其他00後打工仔通常工作多長時間會考慮辭職。

即看事主分享及網民回應：

+11

+10

事主：想問而家啲00後每份工大約返幾耐先辭職？我00年嘅，返得最長就係而家呢份，返咗7個月，返到6個月嗰陣就開始每日喺度懷疑自己，到底返嚟做乜？但係理智上知道自己絕對冇可能裸辭。

網民A：你居然6個月先懷疑自己，我第一日返工已經懷疑緊自己唔適合喺社會生存！

網民B：我00年，第一份全職由2019年做到而家仲做緊。

網民C：唔係00後，不過我啱啱出嚟做嘢嗰陣時，頭兩年做咗4份工，冇一份超過一年，份份都係裸辭。之後去咗英國搵到份幾好做嘅工，做咗接近兩年都仲做緊。

網民D：做咗一年，真係懷疑自己到底做緊乜，然後去咗讀高級文憑。

網民E：可以搵吓持續進修基金有咩課程有興趣讀吓。我都00年，目前仲做緊畢業後第一份工，就快3年，但最近都好想轉工。

網民F：7個月，而家份工做咗3個月開始覺得頂唔順，又想走了。

網民G：其實90後都會裸辭㗎，例如我。

網民H：我00年，上一份返得最耐係3年。

網民I：返緊一年，仲猶豫緊辭唔辭職好，壓力大返到個人冇精神。

網民J：又關年紀咩事？我上一份全職加兼職加埋係4年，而家呢份一年半，最近準備辭職。根本原因係而家啲公司越嚟越衰，市道又唔好。

網民K：其實唔係做經理嘅話，裸辭搵工可能仲快，好多公司都未必願意等，見到要離職通知期已經唔考慮你先。

網民L：唔理時間幾耐，反正一唔開心就會走，冇必要死撐受氣，返工都係賺吓錢啫，唔好因為其他人難為自己呀！

辭職與否在於個人而非年齡

不少00後的網民表示他們的確容易經常換工作，難以在一個職位停留超過一年，但同樣亦有00後能夠長期堅持一份工作，長達3至5年；也有非00後打工仔現身說法，指他們也會選擇裸辭和頻繁轉工，可見工作的穩定性雖然存在世代差異，但這種差異不是絕對的，年齡亦不能說明一切。歸根究底，辭職與否更取決於個人對工作和企業文化的滿意度和適應能力，以及經濟狀況等現實因素，與年齡未必相關。

怎樣才能讓00後留在一個職位上更久一些？了解一下他們的工作訴求：

+23

+22