【離職徵兆】同事即將離職嘅8大表現其中一個係神采飛揚？網民：辭咗職成個人輕鬆晒！

CTgoodjobs' Editor

Published: 2025-03-21

Updated: 2025-03-21 17:31

在職場中，同事的一舉一動往往隱藏着許多訊息。當一位同事的行為突然出現微妙變化時，可能這是他即將離職的徵兆。近日，社交媒體專頁「奴工處」列舉了同事將要離巢的8個表現，這些觀察是否準確，網民有甚麼其他見解？

即看樓主分享及網民回應：

+14

+13

樓主：同事即將離巢嘅8個表現：

1. 枱面嘅嘢越來越少；

2. 突然成日用影印機；

3. 開始清假；

4. 成日行開講電話；

5. 日日準時收工；

6. 變得敢言；

7. 開始慣性遲到；

8. 神采飛揚咗。

網民A：枱面從來都唔擺嘢先係啱，老闆話炒人就炒人，唔需要畀錯覺自己，當公司係屋企咁。

網民B：第8點好啱，好多生理、心理病、壓力同負面情緒都係一離職就會好返。

網民C：好記得辭職之後嗰個星期返兼職，個店長問我有咩好事，做咩個樣咁精神，我話因為我辭咗職。

網民D：多咗出去食Lunch，去廁所去密咗。

網民E：雖然我係畀人炒多過自己遞信，但每次我都做到好抑鬱，日日都準備封辭職信隨時劈炮唔撈，到走嘅時候成個人輕鬆晒！

網民F：敢反駁或者直接鬧上司。

網民G：我日日都咁做。

網民H：成年人嘅世界只有淘汰，間公司唔啱自己，就揀另一間。

網民I：精神咗！

網民J：狂請Sick leave，請足4日！

網民K：啲同事點玩嘢都係得啖笑。

網民L：除咗遲到，其他都中晒，但我打算做到唔郁得先退休。

網民M：理人咁多做乜？

網民N：第2、3、4、5點係搵工期間未辭職已經會出現，而第1、6、7、8點就多數都係辭咗職先會出現。

職場變動是常態

不少網民對辭職令人神采飛揚這一點深有同感，認為離職使得心情輕鬆，甚至可以解決負面情緒和心理疾病；有網民補充，頻繁出去吃午餐、去廁所和請病假也是同事離職的預兆；也有網民指出，這些表現可能只是個人工作習慣，未必與離職直接相關。職場人來人往，人事變動是常態，對於同事的離開，打工仔不必過分介懷，最重要的是做好自己的分內事，找到適合自己的位置。

同場加映： 2025年係「報復性辭職」之年！調查指打工仔抱有辭職念頭已逾13個月！

+12

+11