【離職分手論】打工仔感嘆離職同分手一樣心痛 難有童話式結局！網民：傻嘅 單身不知幾好

常聽到「打工仔切忌與公司培養感情」等類似的言論，原因是你一旦對公司有所留戀，離職過程就變得難以處理。因此，雙方最好保持一定距離，且認清自己的打工目標，避免留下一段藕斷絲連的關係。

近日，有網民在社交媒體平台「奴工處」上，分享了一套獨有的「離職分手論」。樓主把分手和離職作比較，並指兩者性質相同，一樣會經歷每個甜酸苦辣的階段，最後迎來殘酷結局。你認為樓主的比喻恰當嗎？離職和分手的處理手法又應否相同？

按圖即看樓主經歷：

+5

+4

事主：「有冇人好似我咁，覺得離職同分手一樣咁痛！

原本同A好哋哋，B衝過嚟搶走我，A偉大到鼓勵我去試。於是同A和平分手之後，我努力嘗試投入B嘅懷抱。B好叻，但好冷漠，脾氣亦好差。我好驚，好努力咁去付出，但唔覺得對方有珍惜。最後因為一條導火線，我向B提出分手，B極力挽救，但我冇回心轉意，最後拖咗好耐先走到。

呢段日子B有麻煩，需要人幫，我只好盡心盡力幫B，好嚟好去。但個結尾都係好慘烈，B竟然唔念在我比任何人都幫到佢，對我做到好絕。我差啲去咗勞工處，最尾份糧而家未知係點，我臨尾仲幫B買咗啲嘢，其實佢仲爭我幾十蚊未還。

掟煲後我都有啲抑鬱，搞成咁我仲邊有面目同A講。但呢個時候A搵我，話好需要我，問我想唔想返去⋯⋯」

按圖即看網民留言：

+9

+8

網民 A：傻嘅，單身都不知幾好。

網民 B：任何一間公司都係冇話冇咗邊個唔得。啱就返，唔啱就搵C，就係咁簡單。

網民 C：有時所謂嘅跳槽，只係由一個地獄跳去另一個地獄，只不過新嗰個地獄嘅條件好過之前嗰個，心理上安慰自己冇走錯啫。

網民 D：大家出嚟逢場作興，開心完咪算囉。咁認真做咩，你唔係玩唔起啊？

網民 E：投入太多感情啦，你同公司係合作關係。

網民 F：同份工拍拖真心傻！

網民 G：知唔知「好馬不吃回頭草」嘅下一句係咩？係「好草不怕回頭吃」。

網民 H：返工只係為咗搵錢，冇感情可言。如果你拍拖都只係為咗搵錢嘅話，咁咪一樣囉。

網民 I：幾有畫面喎，如果A接納你，返去都冇壞。

網民 J：打工真係唔好放真感情，以免到頭來傷心。

網民 K：呢個世界仲有好多英文字母啊！

不少網民直斥樓主的想法「真心傻」，並指出打工仔不應與公司產生感情的道理。正所謂「東家唔打打西家」，工作機會隨處有，各位毋需將自己的職涯與某間公司綑綁在一起。同時套用網民的一句話：「單身都不知幾好」，不論是感情生活或是事業發展，打工仔都應該好好利用空窗期作自我增值，並且發掘未來的其他可能性。

工作上的人事調動屬平常事，像是升遷、職位調動、離職等。若然打工仔覺得工作一成不變，想離職轉換跑道亦無可厚非。但是，於老細的角度而言，員工辭職會對工作團隊及部門造成影響，士氣亦可能會下降。

近日，有網民於Facebook專頁「辦公室日報」上投稿，指同事於辭職時與老細發生了衝突。而事情的經過是這樣的……

按下圖即睇事主分享及網民留言：

+15

+14

解僱員工的理由有很多種，疏忽職責、行為不當、不服從上司等都是上班大罪。除了這些原因外，被「炒魷魚」亦可能與公司内部的財政狀況有關。最近，有網民於Facebook專頁「辦公室日報」上投稿，分享自己被解僱的經歷。根據勞工法例，如果要即時解僱員工，僱主則需要賠償「代通知金」。但是，這次分享的事件主人公卻表示僱主試圖拿回代通知金。到底事情的經過是怎樣的呢？

按下圖即睇事主經歷及網民留言：

+18

+17

延伸閱讀：【辭工熱話】早一個月通知但Last Day係假期！網民：公司會早兩日放你走 慳返假期糧

延伸閱讀：【辭職常見問題】辭職原因理由/遞信時間/通知期/計算方式及辭職信範例

延伸閱讀：【CV疑雲】畀人盜用CV四圍send！網民：幕後黑手可能係你上司？佢想炒你好耐！

最新專訪片︰

【星級斜槓族】Grace陳凱琳享受「媽的多重身分」 惟暫無意再拍劇 自認慈母 老公鄭嘉穎卻有微言？！

⏩⏩  需要請人？立即刊登招聘廣告！  ⏪⏪