Next
【返工血淚史】醫護情侶分駐屯門及東區醫院 方便返工想同居可以揀邊區？
【返工血淚史】醫護情侶分駐屯門及東區醫院 方便返工想同居可以揀邊區？
2022-04-19
香港雖然面積不大，但如果想由港島東去新界西，來回交通時間也要花上3小時，導致情侶受Long D遠距離戀愛之苦。最近有醫護情侶在討論區發文，計劃共賦同居以爭取相處時間，但二人分別在屯門醫院及東區醫院工作，希望租住可以方便雙方返工的地區，於是尋求網民的意見。
延伸閱讀：【返工血淚史】隧道突塞車致遲到10分鐘 老闆：點解唔落車轉車？
按圖即睇醫護情侶租樓要求：
事主：「情侶想同居，想有二人世界空間。我哋一個返屯門醫院，一個返東區醫院。二人合共月入大約120k，租樓Budget預$20,000。地理位置希望可以方便雙方返工，唔會令其中一方返工路程太耐。想設施配套足，衣食住行都方便，因為我哋無揸車。」
「呢5年都唔會生小朋友，唔一定需要會所，不過有就最好，不限樓齡。地點真係好難諗，好似好難就晒兩個人，暫時有諗上環、紅磡/黃埔、鑽石山。因為幾年後雙方工作地點都可能會變，港九新界東南西北都有可能，所以未諗買樓住。」
網民意見：
１／美孚
- 美孚！沒有之一。去兩邊平均嚟計一定係最快。
- 美孚去屯門，巴士最快20分鐘，搭屯馬線都係半個鐘唔使；去柴灣就搭到金鐘再轉港島線，9個字搞掂。
- 租美孚新邨啦，樓下就係地鐵同巴士，過海入大西北都有，真係超方便，不過嘢食就差啲。
２／黃埔、紅磡
- 紅磡啦唔使諗，今年有沙中線，兩個站就過海，又係屯馬線中心，無得輸。
- 紅磡搭118去東區醫院有站唔使轉車，另一半搭屯馬線兆康落都近屯門醫院。
- 黃埔區内不少food court，又有地鐵。有朋友港島返ifc，都係同女朋友住黃埔，過海好方便。
- 黃埔老鼠好大隻，又唔驚人，曱甴落街行一轉可以見到10隻以上，仲要隻隻都識飛。但除此之外黃埔真係好好住。
３／中上環
- 巴士去屯門40分鐘，去柴灣半個鐘。
- 中上環搵間酒店月租，一個坐780返柴灣，一個坐9XX去屯門，完美。
- 點都係住港島好，不過預咗單位細、樓齡舊啲，入黑後餐廳選擇少。
４／其他
- 建議你買返部車，兩個人搵120K輕鬆養車，咁可以就其中一個返工地點，唔一定要住中間點。
- 直接買樓算啦，你哋夾埋搵咁多。
- 兩個都做公立醫院，建議最好搵其中一個transfer去其他醫院，例如伊院或明愛，咁拉中間線大家都無咁辛苦。
- 醫護咁忙又要返shift，瞓醫院啦。
綜合網民的意見，最多人建議事主租住黃埔或紅磡區，既有特快巴士直往柴灣，而且西鐵搭往屯門亦很快，十分方便。不過有人指出黃埔區鼠患問題嚴重，皆因該區食肆林立，住在樓上的話有機會受蛇蟲鼠蟻困擾。
香港人口超過一半居住在新界區，而主要商業區位於香港島及九龍，所以許多人的每日通勤時間均超過一小時。長工時加上長通勤，不少香港人甚少私人時間，原來長通勤對個人身心健康會構成不良影響。
按圖了解長通勤對身心健康的影響：
同場加映：搭長途巴士最怕遇到的行為（按圖了解）
延伸閱讀：【返工血淚史】新Offer人工加四成 但要返觀塘 大澳IT男最後點揀？
如果大家在職場上有不開心想發洩，或是對《勞工法例》有疑難，歡迎投稿給我們，我們會盡量解答你的問題，當打工仔的樹洞！👉 https://forms.gle/o2K2DaZWXzLFhypT7
Look out for further updates on our Facebook fan page!
Related Articles
Follow CTgoodjobs for the latest career news, hot topics and recommended jobs!