【辦公環境】舊式辦公室設計搞到返工特別眼瞓網民：轉做Open Office冇哂私隱你就知驚！

2023-05-05

工作環境往往影響着員工的辦事效率，尤其對於長期坐在電腦面前處理公事的打工仔而言，好環境等同於好心情，好心情亦自然容易辦事。長遠而言，公司若對辦公室環境有妥善規劃，更可讓打工仔感受到備受重視的感覺，繼而提升其企業歸屬感，是公司及員工之間的「Win-win」（雙贏）局面。

近日，有網民在連登討論區大呻公司採用舊式辦公室設計，導致他越做越眼瞓。他甚至提及自己舊公司的工作環境，並作新舊比較。誰知，網民們直斥樓主「身在福中不知福」，並指當樓主試過身處開放式辦公室（Open Office）工作後，便會感受到失去私人空間的痛苦。

按圖即看樓主經歷：

最近返新工，發現新公司係傳統辦公室設計，即係啲隔板極高，office裝修極老土，冇窗，返工返得耐極眼瞓。雖然公司點設計唔關我事，但係可能因為之前返工係一啲新式office design，冇一個固定嘅位，可以自由咁坐，隔離就有個落地大窗，有啲自然光透入嚟，而且又有gaming room（不過冇人會玩），依家好似有啲落差。

按圖即看網民留言：

網民 A：試吓Open Office私隱度極低，之後你就知驚！

網民 B：你咩level咪返咩level嘅公司囉。

網民 C：舊式先正，自成一角。日日喺入面瞓覺，有腳步聲先click吓滑鼠。

網民 D：坐partition多好多私人空間，又多位可以放雜物，我鍾意舊式多啲。

網民 E：Open office一啲私隱都冇，到底係咩原因會鍾意？最好啲版間有咁高得咁高，個位有咁自閉得咁自閉。

網民 F：最近轉咗份工都係舊式design，真係好眼瞓⋯⋯

網民 G：所謂嘅new style，open office，嘈到傻。

網民 H：你一係極低層，一係極高層，正常打工仔點會鍾意冇遮冇掩。

網民 I：冇一個固定嘅位，可以自由咁坐，極憎呢種豬肉枱模式，上咩網都畀人望到哂，撳下電話都勁覺眼。

網民 J：開放都有唔好嘅，你未試過有啲好鍾意傾偈嘅同事。

網民 K：你無嘢做先會眼瞓。

網民 L：冇一個固定嘅位其實未必好，真係睇做乜嘢位，同埋公司啲座位設計係咪正常，我有朋友要日日返去霸好啲嘅位。

新舊式辦公室設計各有利弊，不過同一個辦公環境本來就難以符合所有員工所需。有時候遇到跟樓主相同的狀況，可把它當成一個鍛鍊自己職場適應能力的機會；同時讓自己更了解公司文化，為未來的職涯規劃做好準備，也未嘗不是一件好事。

近年來，開放以及共享式辦公室越漸普及，同事與同事之間的距離也相對接近。客觀而言，這種辦公模式讓員工更容易交代工作，同時亦能提升與同事之間的溝通效率。但對部分打工仔而言，與鄰桌同事相距太近，反而讓他們感到緊張，甚至認為自己失去了私人工作空間。

恰好近日有打工仔在網上討論區發文，以「有冇人試過唔適應 office 太 open」為題，詢問網友該如何讓自己適應新辦公室環境。殊不知，不少留言區的網民們了解到樓主的辦公座位環境後，只覺對方小題大作，甚至不明白私人空間的定義。對於樓主需要私人空間的要求，有留言直指：「買塊屏風返公司圍住自己。」而到底何謂私人工作空間？大家一向對於辦公座位又有多少期待呢？

按圖即看樓主分享：