Next
【見工面試】打工仔兩三年轉一次工 畀HR話唔夠Stable？HR心中Stable嘅標準究竟係點？網民：唔通一份工做成世咩⋯⋯
【見工面試】打工仔兩三年轉一次工 畀HR話唔夠Stable？HR心中Stable嘅標準究竟係點？網民：唔通一份工做成世咩⋯⋯
2025-02-17
「穩定性」一直是招聘方評估求職者的重要考量因素，然而求職者和招聘方的角度不同，對於「穩定」的定義亦常有分歧。近日，有打工仔在社交平台「Threads」分享，指自己因兩三年就會轉換一次工作，在面試時被人力資源從業員（HR）質疑其穩定性。事主對此感到困惑，認為該HR對「穩定」的標準過於苛刻，想了解網民的看法。
按圖即睇事主經歷及網民討論：
事主：「小弟喺職場都已經10幾年，但每次都係兩三年，就想轉吓工作環境，亦即話我CV有3、4份做咗兩三年嘅相關工作。
然後有一次見工，個HR睇一睇我CV，就話：『你都好唔Stable。』我心諗：『其實2-3年嘅工作時間都唔Stable？唔通要攞長期服務金？攞咗嗰啲會唔會嚟見工？』
我見個氣氛咁僵，唯有答：『每份工作都讓我成長，令我覺得需要學習新的養份。他日或者我有機會回饋新的知識或技能畀舊公司，所以短暫嘅分開，唔代表永遠。』
可惜眼前嘅HR冇呢份胸襟，我哋亦冇做同事嘅緣分。」
網民：「以前份工有個Senior同我講，唔好成日咁快轉工，否則人哋會覺得好Jumpy；到我走咗10幾年後，佢仲喺個度做，原來佢唔係怕Jumpy，而係佢個人 Lazy。」
網民：「第一份工做咗10幾年，而家睇返轉頭覺得自己好傻豬。」
網民：「我試過搵返合約期一年嘅工，HR問我點解之前啲工淨係做一年就轉。」
網民：「我而家份工做咗5年，但我覺得仲持續有嘢學喎⋯⋯之前細個就係覺得啲工做一年幾個月都學識晒啦，手板眼見功夫啫。不過當你對個份工作真係有熱誠有興趣，就會覺得學極都仲有。」
網民：「其實除咗啲好專業嘅工，其他工要學嘅嘢基本兩三年都已經熟晒，唔明點解一定要5年10年先至好，我有10年年資都唔想走啦！」
網民：「HR當然想你做幾十年，咁樣佢咪可以坐喺度唔使做囉！」
網民：「以前後生我可能會吞聲忍氣，到今日如果有HR咁講，我會即刻起身：『唔好意思，睇嚟貴公司唔係咁適合我，打攪晒！』」
網民：「其實睇吓你見咩職位？有啲職位需要連續喺同一間公司同一個職位做夠3年或者以上先至叫做累積相關經驗。如果你係去見 IT就每年轉工都冇所謂。」
網民：「可能只係一個壓價藉口，兩三年已經好Stable，做咗10幾年，佢都可以話你適應唔到新市場同新公司。」
網民：「各花入各眼，其實兩三年工作已經算好Stable，點會有咁多人一份工做成世？重要嘅事係在工作上得到甚麼經驗。有啲人一份工打10幾年，只不過係用一年嘅經驗去做10幾年嘅嘢。」
穩定的定義？
帖文一出，即引起網民的熱烈討論。大部分網民贊同兩三年轉一次工是合理且常見的頻率，認為大多數工作只需兩三年就可以掌握所需的技能，留在同一職位太久，反而不利於自我增值；亦有人表示不同行業或職位有不同衡量穩定性的標準，某些專業領域或許需要更長時間的經驗累積。
從HR和企業的角度，員工的穩定性固然重要，但過分要求穩定性，或會忽略員工自身對於個人成長和技能提升的需求。因此，招聘方在評估求職者的穩定性時，應要有更加全面和理性的考慮。
延伸閱讀：【轉工太密影響觀感？】經常轉工會被認為太Jumpy？網民列出頻繁跳糟3大好處！
延伸閱讀：【轉工太密】經常跳槽有礙搵工？37% HR會因求職者太Jumpy而叮走！專家教你轉工太密可以咁解釋！
延伸閱讀：【見工被問離職原因】打工仔幾份工只做3個月被指太Jumpy！HR教路3招挽回轉工頻繁形象
延伸閱讀：【轉工跳槽】2年半換11份工！咁Jumpy面試被問轉工原因點算？網民建議事主做1件事！
最新專訪片︰
【Office豪華旅行團】安永會計重視多元和企業社會責任 培養包容性的企業文化
Look out for further updates on our Facebook fan page!
Related Articles
Follow CTgoodjobs for the latest career news, hot topics and recommended jobs!