Next
【行業冷知識】2024最新銀行合規程序：KYC、CDD、AML傻傻分不清？一文解釋3個合規職位分別及面試技巧
【行業冷知識】2024最新銀行合規程序：KYC、CDD、AML傻傻分不清？一文解釋3個合規職位分別及面試技巧
2024-05-21
【KYC、CDD、AML是甚麼？3個職位有甚麼分別？】香港作為世界舉足輕重的金融中心，銀行業機會處處。銀行工薪高糧準，是不少人夢寐以求的終身職業。銳意尋找銀行工的朋友，相信會經常遇上合規部門職位的招聘廣告，KYC、CDD、AML更「老是常出現」。究竟這3組英文字母分別代表甚麼呢？工作性質又有甚麼不同呢？要入行要熟悉哪些概念？下文為你一一解釋。
最新Compliance職位空缺：https://bit.ly/3NEu3fy
KYC、CDD、AML是甚麼呢？
KYC、CDD及AML為銀行合規部門必須履行的職責，缺一不可。KYC、CDD及AML的全寫分別為Know Your Customer（認識你的客戶）、Customer Due Diligence（客戶盡職審查）及Anti-Money Laundering（打擊洗錢）。這三項職責環環相扣，終極目標為防止有任何不法之徒利用銀行體系清洗黑錢，以及為任何違法行為甚至恐怖主義活動進行融資。
3個職位具體負責什麼工作？
1. 認識你的客戶（Know Your Customer，KYC）：
►KYC是銀行了解客戶身分的過程，同時也是銀行認識每位客戶的首個程序，主要透過文件審視客戶身分、職業、收入來源等。
►普通人較常在銀行辦理個人戶口期間接觸到KYC過程，銀行提醒客人開戶前要帶齊身分證、住址證明等文件正是滿足KYC之需要。
►即使一些客戶會為銀行帶來客觀的收益，但如果該等客戶會有較高風險投入違法行為，銀行有權拒絕與該等客戶有業務往來。
►普遍較高風險的客戶類別，包括但不限於（1）政治人物，受賄機會較高，以及有濫用職權的機會；（2）來自高風險國家及地區的企業，部分地區因監管制度鬆散，導致金融犯罪頻繁；及（3）主要以現金交易的業務，例如找換店、賭場等，不法分子容易透過該等地方清洗黑錢。
2. 客戶盡職審查（Customer Due Diligence，CDD）：
►CDD與KYC密不可分，部分人更認為CDD是KYC的其中一環。
►「盡職」之意為銀行與新客戶建立關係後仍須盡力審查客戶資金來源。
►如客戶有新業務往來，銀行須審視其性質和有否涉及高風險地區等。
►如客戶金錢往來模式與過往不同，也會引起銀行合規部門的注意。
►如銀行對原有客戶有任何懷疑，客戶需按要求提交文件予銀行跟進。
►如銀行識別客戶為高風險，則須為客戶進行「增強盡職審查」（Enhanced Due Diligence，EDD）
3. 打擊洗錢（Anti-Money Laundering，AML）：
►AML是KYC及CDD終極目標，因此KYC及CDD屬AML一些手段。
►AML更可包含法規，香港法例第615章《打擊洗錢及恐怖分子資金籌集條例》為本港主要防止洗錢的法定條例。
►「洗錢」活動指，不法份子和恐怖份子嘗試透過各種手段，掩飾由販毒、貪污、避稅、詐騙等非法活動得來的資金。（香港金融管理局之定義）
►簡單來說，「洗錢」即是將黑錢變白的過程。
（按圖了解）
AML非銀行獨有？
AML並非銀行特有的合規要求，保險業、證券業等與金融相關的行業均須遵守此項要求。根據《打擊洗錢及恐怖分子資金籌集條例》（第615章），有關當局（即香港金融管理局、保險業監管局、證券及期貨事務監察委員會及香港海關）須為各自規管的界別公布指引。為免香港成為犯罪分子融資的天堂，金融業須全員努力，構建清廉的國際金融中心。
如果你銳意尋找銀行合規工作，一定要記熟以下6個合規概念，無論你想投身前、中、後台，都一定有幫助！（按圖了解）
6個合規概念
合規概念一︰Basel III（新巴塞爾資本協定）
Basel III係代表呢個協定已經係第三個版本，而現時Basel Committee仲會因市場發展而不斷更新協定，例如依家傾緊嘅Basel IV有研究Crypto對銀行體系的影響，同學一定要留意，呢個協定仲成為西方主要金融體系重要標準。
其中嘅三大原則是︰
- 最低資本要求：規管銀行嘅資本喺不同層面上維持喺一定嘅水平以應乎客戶債務違約嘅可能
- 監察審理程序：確保銀行有足夠嘅資本去保障自身遇到的風險
- 市場自律：確保銀行充分了解佢哋喺上述兩點擔任的角色並有付諸實行
合規概念二︰Dodd-Frank法案
全名係多德弗蘭克改革和消費者保護法案。呢條法例係喺2010年7月21號通過嘅美國聯邦法律。係當時嘅總統奧巴馬針對金融監管體系改革，而提出呢一項全面改革美國金融監管體系嘅建議。例如對監管機構作出改革，增加對衍生產品的透明度同增強對投資者嘅保障。
合規概念三︰Volcker Rules（沃爾克法則）
當年奧巴馬採納咗82歲金融老將沃爾克建議而命名，呢個法則對美國銀行業作出咗好大改革。法則有三大重點：
- 禁止銀行從事自營交易：呢個交易係銀行用自身資本喺市場買賣，而唔係作為中介機構代表客戶執行交易，2008年就係因為咁樣造成嚴重嘅市場風險
- 限制銀行規模：法案要求銀行喺儲蓄存款市場上嘅所占份額唔可以超過10%，目的係限制銀行過度舉債進行投資嘅能力
- 禁止銀行擁有對私募基金及對沖基金嘅投資：咁樣就可以分清楚銀行傳統借貸業務及對沖私募基金呢一種高風險投資活動嘅界線，亦都可以確保銀行唔可以從事同自己利潤有關而同服務客戶無關嘅自營交易業務
合規概念四︰IFRS（International Financial Reporting Standards）
中文係國際財務報告準則，目的係令世界各地嘅公司可以互相比較財務訊息嘅財務會計準則。有一點值得留意嘅係：美國係唔洗遵守IFRS㗎！因為美國係用一般公認會計原則（US GAAP），同IFRS喺核算方法上好唔同。
合規概念五︰AML（Anti-Money Laundering）
首先洗錢嘅意思係將贓款轉為合法資金嘅不法途徑，分為Layering、Integration同Placement三個步驟。各地政府對銀行喺呢三個步驟做嘅監管有詳盡嘅守則。例如見到可疑交易要同銀行內部提SAR（Suspicious Activity Report）同埋處理擁有大額現金嘅客戶時要份外小心等，而各地政府對監管不足嘅銀行都罰好多錢，例如近期有CS同DB被美國政府罰款。幾年前嘅HSBC仲差啲喪失美金牌照，所以啲銀行為免罰款所以都會喺AML上落足力。
合規概念六︰KYC（Know Your Customer）
基本上KYC就係AML其中一個重要concept，顧名思義就係起個客底，確保銀行唔會接收到贓款。銀行喺KYC上需要了解整個轉入資金來源，由整體上嘅收入來源到每一筆資金嘅寄款人及原因都要了解得清清楚楚。喺私行上，如果客戶係依賴某個富豪嘅財富生活，即使個富豪唔會成為銀行嘅客戶，我哋都要了解個富豪嘅收入來源。而公司客戶嘅話如果有多層架構，我哋都要了解最終擁有人嘅資料。所以KYC對銀行每個部門都好重要㗎。
最新Compliance職位空缺：https://bit.ly/3NEu3fy
想在銀行業更上一層樓，除了要具備各種專業的金融知識和技能外，亦要瞭解及熟悉市場的變化。下圖將為大家列出7個作為成功銀行家所需要養成的習慣，助有意加入銀行界的人士在業界脫穎而出，成為一位成功的銀行家！
【2023年薪酬趨勢】
銀行業丨人力資源行業｜市場及銷售行業｜資訊及通訊科技業
延伸閱讀：【銀行見工】銀行投行面試著咩最好？全黑西裝戴名錶會出事？一文睇清銀行面試男士10大衣著貼士
延伸閱讀：【林作被炒】邊間保險公司最多百萬圓桌會員？保誠2022年MDRT大跌80%？一文解說MDRT、COT、TOT資格
延伸閱讀：【職場貼士】如何由銀行Teller轉去做RM再升分行經理？一文睇清5個升職秘訣及7個不能犯的錯
最新專訪片︰
【SHE Says】投身金融科技行業銳意改革創新 WeLab集團首席財務官林詩慧：我要成為一個像獵人的領袖
Look out for further updates on our Facebook fan page!
Latest IT Salary Trend
-
View Jobs41kMedian Salary
-
View Jobs35kMedian Salary
-
View Jobs21kMedian Salary
-
View Jobs20kMedian Salary
- More IT Salary
Related Articles
Follow CTgoodjobs for the latest career news, hot topics and recommended jobs!