Next
【職場熱話】透過Annual Dinner睇得出公司規模？網民盤點公司各種「孤寒」表現！
【職場熱話】透過Annual Dinner睇得出公司規模？網民盤點公司各種「孤寒」表現！
2023-05-18
員工是企業的重要資產，公司對打工仔好，打工仔自然更願意為公司付出。相反而言，如果公司政策無法體現出企業對員工的關懷，甚至讓打工仔覺得公司既「孤寒」又刻薄的話，就會構成不健康的內部文化，影響雙方長遠發展。
近日，有打工仔在連登討論區以「入嚟講吓自己公司有幾孤寒」為題發文，並首先提出了以下4大控訴：1）請一日sick leave都要醫生紙；2）annual dinner喺垃圾酒店搞；3）office由甲級搬去二線寫字樓；4）Pantry 無乜零食/嘢飲。帖文一發，隨之引來許多網民回覆，然後竟然發現他們都不約而同地提出對於公司Annual dinner的投訴⋯⋯
按圖即看網民留言：
網民 A：冇Annual dinner⋯⋯
網民 B：Annual dinner喺個私人會所叫六碟餸。唔叫七碟因為唔吉利，叫八碟嫌太貴，搞抽獎獎品就屈啲supplier贊助。
網民 C：Annual dinner喺深圳酒樓搞。
網民 D：每年得一餐quota $150嘅飯⋯⋯
網民 E：Employee appreciation day時老細派coupon畀員工做禮物，一睇係某快餐店儲夠5個印花就有杯嘢飲嘅卡，望一望啲印花仲要係2013年。
網民 F： Annual dinner manager grade 要夾錢，冇福利可言。
網民 G：借疫情幾年都冇搞Annual dinner，2022 年尾都復常啦，結果都係冇annual dinner。仲要cut allowance，幾百蚊唔係多都cut。
網民 H：Annual dinner每人一罐汽水，再飲要自己買。
網民 I：Annual dinner抽獎，全部係自己公司sample，大獎係一張今期$20六合彩。
網民 J：一次公司請食飯都冇，老細從來唔claim 錢，冇同事有welcome lunch。
網民 K：前公司有150人，office聖誕party叫happy together 50人份量，仲要自取。
從網民的留言中可見，被打工仔認定為「孤寒」的公司都有個共同點，就是忽略了Annual dinner的重要性。有些網民甚至直言，Annual dinner的存在直接反映出該公司的規模及形象。一眾無奈的打工仔，雖然不滿公司的政策安排，但也只能嘆聲「鬼叫你窮啊頂硬上！」，然後默默地繼續工作⋯⋯
雖然很多打工仔都覺得返工不會開心，不過不開心還不開心，如果那些不快的來源是來自老闆每天的高壓管治，還實在令員工喘不過氣來，身心上都受到極大的壓力，可能連想到上班都已經感到不適，那就真的需要正視這個問題了……
有網民在討論區Dcard上以「返工遇着變態老闆，真係會有陰影」為題發文，分享自己的不快經歷，指：「上一份工做咗一年幾website design，雖然喺上司度學到好多嘢，但老闆搞到成個公司嘅人好唔開心，公司文化馴畜咁。 下一份工真係好希望適合自己，要遠離控制狂、強迫症、小器、多規矩、孤寒、鍾意數落同威脅員工嘅老闆（eg：鎖起員工手機、遲到罰下個月全個月早15分鐘返工） 」
事主集合同事感想，列出「變態公司」可能會有以下10個特徵，以警惕其他打工仔：（按圖了解）
在庹縮的公司上班到底是個什麽的體驗？方方面面都精打細算，小至文具、紙巾大至OT「補水」都可以跟打工仔斤斤計較。近日，有網民在Facebook專頁「奴工處」上投稿分享自己公司的庹縮行為，打工仔大呻：「港資公司真係勁庹縮，邊方面都同你斤斤計較。遲1分鐘返工都話會影響appraisal、OT就冇補錢、準時收工又畀說話你聽……更甚者成個office得廁格有紙巾，話環保要自備手巾，文具要申請，影印要密碼！」
即睇網民留言：
【職場八卦】問同事拎返飯錢反被斥「孤寒」？事主：WhatsApp group仲移除咗我⋯⋯
延伸閱讀：【職場熱話】上司以為自己對人好好 打工仔：明明佢成日逼人早開工遲收工
延伸閱讀：【員工福利】大抽獎每份禮物budget最多$100 網民彈︰你公司都幾孤寒
最新專訪片︰
【星級斜槓族】Grace陳凱琳享受「媽的多重身分」 惟暫無意再拍劇 自認慈母 老公鄭嘉穎卻有微言？！
Look out for further updates on our Facebook fan page!
Related Articles
Follow CTgoodjobs for the latest career news, hot topics and recommended jobs!