【金融熱話】舊公司加薪40% 希望打工仔回巢處理公司投資後續事宜事主困惑：好唔好食回頭草？

2024-05-08

不少打工仔為追求更好的薪酬福利，都會尋找新的工作機遇。不過，有時候轉工後，突然受到前上司或老闆邀請「回巢」，並提出可觀的薪金待遇，未知各位打工仔又會否遵從「好馬不吃回頭草」的理念呢？

近日，有網民於連登討論區發文，指自己早前受到舊公司的邀請，希望事主可以處理公司投資後續的事宜，並提出加薪40%吸引事主「回巢」。事主卻因回憶起離職原因，難以決定應否再次加盟舊公司，繼而向網民求助。

延伸閱讀：【伏工特徵】入職2周果斷辭職！全因發現公司2大離譜狀況？事主：難怪一直請唔到人！

►最新【銀行 / 金融】職位空缺

按圖了解網民回應：

+17

+16

事主：話說早排舊公司叫我返去幫手處理公司嘅投資管理後續。我之前辭職係因為workload太大，大到每晚要瘋狂OT嗰種，仲要有啲被投資方喺美國、英國嗰邊，有時做嘢要就佢哋時差問題。舊公司話會跟我而家人工加多40%，人工大約去到$7.5萬。不過如果返去做嘅話應該會幾難搞吓。想問吓好唔好返去食回頭草好？

網民A：好馬不吃回頭草呀！返到去啲上司知你會隨時辭職，唔會畀到啲咩大嘅發展空間畀你，同事背後又會不斷講你是非，何必作賤自己呢？

網民B：通常返舊公司做都唔會有好下場，人工只係浮雲嚟，你諗吓當初走嘅原因而家接唔接受到先啦！

網民C：其實好草就不怕回頭吃嘅，人工加成40%，啲同事鍾意點講咪點講。

網民D：走咗先肯加40%請返你，間公司好極有限啦！

網民E：樓主你睇吓自己有無信心處理到，通常叫得你返去做都係有啲大鑊嘢要你處理。如果你頂得順，可樂而不為呢？返去做夠1年再搵新工，叫價又可以再高啲。

網民F：啲同事見你返去做，一定會覺得你工作能力有問題，出面做唔掂先逼住返嚟，所以一定唔好返去做。

網民G：樓主唔驚同事啲流言蜚語真係可以返去做，你諗吓人工有成$7.5萬喎……

網民H：想畀人用完即棄咪返囉……

網民I：而家係舊公司有求於你，畀我嘅話會再嗌高啲價。

網民J：你辭職再返去，就算你真係幫公司處理好個問題，公司管理層都已經認定咗你係不忠，你注定唔會有好嘅發展前途。我見過有啲公司專登請返啲離咗職嘅同事，之後不斷眨低佢哋嘅工作能力，佢哋想搵新工就會喺reference letter寫佢哋工作能力好差，務求佢哋轉唔到工，只可以繼續留喺度做。

網民K：我自己認為走咗就唔好返轉頭，除非本身新工做得好成功，被舊公司用更高嘅人工待遇挖角。但而家似係舊公司搞唔掂先搵你返去救火，同埋加得40%即係你以前一直underpaid緊。畀我就唔會返去啦，當然如果40%買得郁你個心咁咪返去做。

延伸閱讀：【職場趣聞】公司幫媽媽職員慶祝母親節仲要男同事負責XX 樓主：唔知到父親節又會點安排？

►最新【銀行 / 金融】職位空缺

網民的反應兩極，有一派網民認為工作的目的只為求財，舊公司願意加薪40%，只要事主不介意前同事的流言蜚語、相信自己有能力處理工作事務，便應該「回巢」，工作1年後仍可以用較高的薪金另覓高就，獲得更好的薪酬待遇。另一派網民建議事主不應「吃回頭草」，直言公司管理層已對事主有不忠的偏見，即使工作能力優秀亦不會有更好的發展空間，而且樓主應反思當初離職原因，審視問題是否仍然存在，否則只會阻礙自己職場規劃。

延伸閲讀：【職場熱話】同事太自大嫌上司無用以為公司不能沒有他？

►最新【銀行 / 金融】職位空缺

按圖即看老闆的奇怪心理：

+11

+10