【職場熱話】返工睇手機訊息打工仔被派警告信網民：咩年代呀…

2024-03-15

不少人會在上班期間回覆Message、玩手機，但是被老闆看到，可能會惹來不滿。近日，有網民在香港討論區發文，指因為看手機訊息，老闆因而說要發警告信。事主表示自己不像其他同事一樣玩遊戲，嘆老闆「大細超」。

按圖了解事主、網民分享：

事主：「我做咗十年嘢，第一次畀老闆話，因為我間中睇手機訊息，佢想出警告信畀我。我又唔似其他同事咁返工打機，根本大細超，連老細自己日日撳手機、睇片，其身不正話人。好後悔，當初以為搵到筍工（多少少人工），點知伏工嚟。初頭讚你勤力，後尾雞蛋裏挑骨頭，搞到你焦慮、自我懷疑。你哋會忍到咩程度先遞信？」

網民A：咁樣畀警告信，我真係第一次聽。不嬲所有公司、所有人都會返工撳手機，而家咩年代？你公司啲人都係真係有問題。

網民B：如果你係老闆，會唔會畀員工玩手機？。

網民C：適量唔影響工作就無問題啦，依家咩年代呀？

網民D：依家咩都要用手機，好多老闆明知你係玩手機，都隻眼開隻眼閉。係有啲幾十歲都唔化，睇吓個手機都鬧人。

網民E：其實係好少事！我就唔會為呢啲小事辭職，我只係做得悶，先轉工。

網民F：職場係咁！你要有絕對自由就自己做老闆！你自己檢討，係咪成日睇手機？有人提醒過你，你又唔聽？

網民G：好睇你工種係乜。如果係要對人，在樓面、舖面，或者做演員……老闆未必唔合理。

網民H：如果你做得嘢，正常老闆唔會因為一、兩吓手機就咁，佢應該想你自己走。因為請好員工都好難，呢份工應該唔啱你，早走早着。

在員工眼中玩手機、看訊息，或許只是小事一樁。始終是上班時間，如果不是為了工作而使用手機的話，上司是有權責罰員工。若員工認為老闆判斷不公平，應嘗試提出。

【職場熱話】返工最開心係做隱形人？　網民：肯定係第一個被炒

【職場熱話】錢多事少嘅工作真係好？老闆叫事主：得閒想碌手機就盡量碌

Get latest jobs,career news and
job invitations on-the-go.