Next
【細公司】打工仔警世千祈唔好返細公司！1個人要完成幾個範疇嘅工作 事主嘆：畀公司Chur到盡⋯⋯
【細公司】打工仔警世千祈唔好返細公司！1個人要完成幾個範疇嘅工作 事主嘆：畀公司Chur到盡⋯⋯
2024-12-10
在踏入職場之前，打工仔經常會考慮選擇小型企業還是大型跨國公司。由於這兩者的工作環境和條件迥異，潛力和晉升機會也大相逕庭，因此這個問題成為求職者的重要考量。近日，有網民在連登討論區發文，抱怨細公司的制度混亂，老闆要求他負責多個工作範疇，直言自己像是在當雜工，並警告其他人要謹慎選擇。
按圖即看樓主分享及網民留言！
樓主：千祈唔好喺細公司返工！之前返過一間細公司加埋10個人都冇，不停chur你做嘢，係咁話你做得慢，但其實我只係用正常速度做嘢，返過幾份工都未試過咁樣畀人話。我仲要1個人做2、3個唔同title範疇嘅task，基本上就係打雜，幫完呢個又幫第2個，仲要鬧我點解仲未熟晒啲嘢。講真，你做audit都唔會無啦啦做merchandising ，又唔會做HR嘢啦，但嗰陣我係咁畀人點嚟點去。
網民A：點解人哋做到你做唔到，係咪能力唔夠？
網民B：我大細公司都做過。大公司多啲resources同埋人手係畀較充足，知道有大project搞就已經請定人，好多時放假係真放假，唔會有WhatsApp工作group，福利更加無得比。外資有部分要求自律，交到嘢就冇人理你，冇打卡，最緊要少啲micro management。
網民C：唔關公司規模大細事，重點係港資。
網民D：你去大公司（大型企業）做過先講，啲嘢你唔知搵邊個起手唔再講，做落又綁手綁腳。
網民E：發覺呢類細公司老細最鍾意用「你做得慢」呢個理由嚟PUA員工，千錯萬錯都因為係員工慢，自己管理系統SOP係最完美嘅。
網民F：細公司剩係叻PUA ，要求高但人工低。覺得請你返嚟係要對凡事都好上心，micro management之餘又鍾意畫大餅。
網民G：大公司咪一樣，又多old seafood，山頭又多，又有皇親國戚，最後咪又谷晒畀你做。
網民H：真，唔講錢同福利，細公司最興所有嘢都係用WhatsApp溝通，明明得10個人，但有無限個WhatsApp group，星期六日、放假都要你覆。
網民I：做細公司junior真係慘。人工最低，換水又係你，pack嘢又係你，有嘢urgent要出街又係你，reception又係你，on top仲要做埋本身個post嘅嘢，完美廉價打雜嚟。
網民J：細公司好似startup咁乜都要做，但人工又唔係多。
網民K：有啲公司本身運作模式就係失敗，業務會賺嘅錢從一開始就有上限，只能夠靠壓榨員工同減少資源去賺更多。
帖文一出，立刻引起網民熱烈討論。網民指出小公司的諸多弊端，首先，老闆經常利用「你做得慢」的說法來操控員工，讓他們承受無形的壓力。此外，還有網民提到小公司的運作模式本身就存在問題，依賴壓榨員工以獲取利潤，對員工的要求過高，但薪資卻相對低，並且進行微觀管理，甚至要求員工在假日無償工作。
在大公司方面，有網民認為大企業擁有更多資源和人手，能夠提供更好的工作條件和假期保障。然而，有網民則指出大公司的內部同樣混亂，存在山頭主義和裙帶關係，影響整體工作環境。最後，有網民強調，問題不在於公司的規模大小，而是港資公司的特定管理風格，這種風格要求員工效率高，卻忽略了員工的實際需求。
大公司VS細公司？
細公司轉大公司難適應！
延伸閱讀：【大公司見聞】打工仔轉去大公司做 驚覺員工工作無效率 剩係識玩人事關係！網民：世界真係咁運作！
延伸閱讀：【同事成日唔見人】喺細公司做真係好辛苦 6人團隊但有5位同事用各種理由經常消失 事主：我請病假就畀老闆鬧不負責任，公平咩？
延伸閱讀：【職場文化】喺細公司做可以練成一身技能？樓主一人多職同時做6樣嘢？！
最新專訪片︰
【Office豪華旅行團】安永會計重視多元和企業社會責任 培養包容性的企業文化
Look out for further updates on our Facebook fan page!
Related Articles
Follow CTgoodjobs for the latest career news, hot topics and recommended jobs!