Next
【大公司見聞】打工仔轉去大公司做 驚覺員工工作無效率 剩係識玩人事關係！網民：世界真係咁運作！
【大公司見聞】打工仔轉去大公司做 驚覺員工工作無效率 剩係識玩人事關係！網民：世界真係咁運作！
2024-08-08
不少打工仔為求追求更好薪酬待遇及福利，都會從中小企轉工至大公司，雖然大公司架構清晰，不過亦因此出現眾多部門，繼而有冗員的出現。近日，有網民於連登討論區發文，指自己從中小企轉去大公司任職後，發現大公司充滿工作能力低下的同事，而且同事們每天都專注於辦公室政治，令事主大嘆「原來個世界係咁運作」……
延伸閱讀：【職場文化】警世！千祈唔好同40+「老海鮮」有交流！網民：喺佢哋眼中後生就係罪！
按圖了解網民回應：
事主：轉咗去大公司做之後，先知呢個世界有幾大，個個同事都無工作能力、每日都揸流攤、工作效率低，仲要每日都諗要同邊啲人有好嘅人際關係，好有機心，我先知原來個世界係咁運作……
網民A：我做緊公營機構，個情況都係咁。
網民B：當你用心工作但畀其他人睇唔起嘅時候，你自不然會選擇辭職或者埋堆。
網民C：世界真係咁運作，我公司啲人越高職位，工作能力就越低，佢哋靠把口就得。
網民D：人哋日日唔做嘢、揸流攤、無料到、效率低，呢班人加埋一齊就係可以幫公司搵到錢，然後公司就繼續有資源畀佢哋成班人去浪費。反觀以為自己好有料，日日出盡全力喺細公司一個做晒10個人嘢，結果公司年尾賺幾多錢，你一眼睇晒，想叫公司加多啲人工都無能力……
網民E：認真做嘢又係收咁多人工，hea住慢慢做又係收咁多人工，你會點揀？揀咗hea、返工又悶咪玩吓人事囉！
網民F：出嚟做嘢就知識人好過識字，讀幾多書、幾努力都無用……
網民G：唔使做嘢都有人欣賞，呢啲真係能力嚟。不斷做但無人欣賞，要反省吓自己衰喺邊，無得賴高層睇唔到，因為無人會可憐你。
網民H：識玩人際關係網都係能力嘅一種，工作能力高同識處理人事關係嘅人，呢啲先真係叫勁人。你以為自己好勁，其他人好廢，只係因為你未見到兩樣都得心應手嘅人。
網民I：大公司人多就唔會想有個別同事工作能力特別出眾，大家玩流程，知道幾時卸膊去第二度，有鑊就睇吓邊個唔好彩硬食，係喺細公司先要人周身刀、張張利。
網民J：大嘅公營機構最多黑暗嘢，做過嘅人都會怕。我以前有個舊同事同我講，話做公營機構，唔係靠幫公司搵到幾多錢嚟上位，所以想上位嘅人一定要耍手段。你見好多高層全部都做唔到嘢，難聽啲講炒晒佢哋都得，但佢哋個個都廿幾三十萬人工一個月。
講就話非牟利，實際就係不斷申請政府資助，有幾多申請幾多。佢哋把口就話要點慳點慳，然後就透過壓榨中、下層員工嚟令自己人工可以keep住咁高……
網民K：中小型公司做5至15分鐘就可以處理到嘅嘢，喺啲Global大公司要2至3日先得，又多部門，又要跟足程序，好難無冗員。
延伸閱讀：【與同事相處之道】打工仔返工想建立人際關係靠食煙？網民：做人成熟啲啦
不少網民對事主的看法都深有體會，指出大公司員工人數眾多，即使員工如何努力工作，但未獲上司賞識都只能獲取與他人相等的薪酬，使部分有能力的打工仔都會得過且過，成為事主口中「揸流攤」之人。
不過，有部分網民表示，懂得利用人際關係而獲利亦可謂打工仔能力的體現，亦是身為管理層必備的軟技能，皆因代表他們懂得如何管治下屬，令公司可以順利運作。因此，網民建議事主做好自己本分便可，若想晉升至更高職位，才將此技能收入囊中。
延伸閲讀：【幾多歲升管理級最好？】打工仔23歲升做經理 網民籲收斂鋒芒 做啱4點成為優秀年輕管理層
按圖即看40歲打工仔入職大公司1個月萌生離職念頭的原因：
延伸閲讀：【職場熱話】想升職有技巧？網民：只要識ＯＯ就算幾廢都上到位
按圖即看為何打工仔會選擇加入大公司而非細公司：
延伸閲讀：【職場貼士】矛盾大對決 硬技能vs軟技能 邊一種可以令你搵多啲錢？
最新專訪片︰
Look out for further updates on our Facebook fan page!
Latest IT Salary Trend
-
View Jobs35kMedian Salary
-
View Jobs25kMedian Salary
-
View Jobs22kMedian Salary
-
View Jobs19kMedian Salary
- More IT Salary
Related Articles
Follow CTgoodjobs for the latest career news, hot topics and recommended jobs!