【返工無自由】返工要沒收手機 仲要經常OT 打工仔近乎斷六親！網民：你確定係返工而唔係坐監？

不少公司為求保護公司私隱，都會設立不少規條，防止員工從不同途經洩漏公司重要機密。不過，若然公司政策過於苛刻，未知各位打工仔又會有甚麼反應呢？近日，有網民於香港討論區發文，指有朋友曾任職海味公司，規定員工上班時要交出電話，而且經常要超時工作，每天如同斷六親般失去正常社交……

延伸閱讀：【公司奇怪規則】離晒大譜！公司規定同事離開位必需要咁做？！網民：返中學咩？

按圖了解網民回應：

+13

+12

事主：我有朋友曾經喺一間海味公司做倉務員，間公司規定同事一返工第一時間就要沒收電話，收工先會畀返人，每次要搵佢都要等佢收工之後先搵到佢。如果啲員工需要打或者聽電話，都要用公司電話打，所有員工嘅私事都會畀全公司人聽到晒……

佢因為公司工作壓力太大，又要成日OT，幾乎斷晒六親咁濟，佢做咗2年就辭咗職。朋友同我講話間公司咁做嘅原因，係驚員工會洩漏公司秘密，同埋驚員工跳糟……其實間公司如果肯改善工作環境同福利，員工可以有work life balance生活嘅話，就唔會成日有人辭職唔做啦！

網民A：你確定係返工而唔係坐監？

網民B：小學生咩，唔畀人用手機都有！

網民C：驚員工用手機透露啲鮑參翅肚入貨價畀隔籬舖頭知，你朋友應該同老細講：「你唔畀我用手機，點上天文台睇幾時好天、幾時落雨呀！」啲海味要曬太陽先無咁易壞㗎。

網民D：小心畀人偷睇手機資料，沒收之後完全無人知有無人對住啲手機做過咩嘢。

網民E：公司電話係用喇叭大大聲播出嚟？

網民F：其實我諗唔明點解會有人肯畀部電話人，而家啲電話有晒網上銀行戶口、八達通、銀包嗰啲，唔驚畀人偷？

網民G：成件事真係好難以置信……

網民H：擺明間公司恰啲員工！

網民I：你朋友係做臥底？間公司咁驚啲員工有電話係咩事。

網民J：間公司咁驚啲員工就不如唔好請啦，用人勿疑，疑人勿用呀！

網民K：哇，你朋友咁樣都做到2年真係勁，我嘅話應該1日都做唔到就會辭職。

延伸閱讀：【無理解僱？】收工唔記得熄Mon竟成解僱理由！僱傭條例點定義「不合理解僱」 無理解僱賠償點計？

對於事主的分享，不少網民都表示譁然，指出該公司用嚴苛的手法來提升員工的工作效率及忠誠度，更視員工是心智未成熟的小朋友來進行管理，做法可恥，斥責公司沒有尊重員工，更有網民直言事主朋友是遭到監禁而非上班工作。

有部分網民表示，現時手機大多綁定了銀行戶口帳戶、八達通、信用卡等私人資料，沒人能保證公司沒收手機期間，會有有心入士偷看或使用員工的個人資料，令員工遭到財物的損失，因此網民建議遇上這種情況理應拒絕，甚至不惜離職亦要好好保護個人私隱。

延伸閲讀：【職場熱話】每次同事請假 上司都會發脾氣 網民：我都試過因請假差啲被炒

按圖即看老闆因迷信而堅拒與某生肖同事開會經歷：

+16

+15

延伸閲讀：【職場熱話】上司鍾意爭OT冠亞季 做完嘢鬥遲走 網民：佢冇屋企人唔代表我冇！

按圖即看老闆鍾愛離間員工關係的奇怪心理：

+11

+10

延伸閲讀：【職場熱話】自由去廁所都係揀工條件？ 網民：要忍廁所寧願辭職！

►最新【設計】職位空缺

►最新【電子商務】職位空缺

最新專訪片︰

【office豪華旅行團】GT Group超日系辦公室展現年輕活力 仲有Poolside畀員工放水燈！

⏩⏩  需要請人？立即刊登招聘廣告！  ⏪⏪