【幾多歲升管理級最好？】打工仔23歲升做經理 網民籲收斂鋒芒 做啱4點成為優秀年輕管理層

幾多歲應該升做主管級別的職位，是不少打工仔的常見疑問。其實何時升職加薪這一個問題，與個人際遇有莫大的關係，例如台灣就有一名打工仔年僅23歲，便已升為主管級別。這名打工仔於網上討論區「Dcard」發文，表示自己剛出社會工作一年，由低做起，後來與老闆開始熟絡，對方有意栽培他，更打算升他為主管。

延伸閱讀：【薪酬調查2024】全球員工竟有20%料被凍薪！邊個國家打工仔最滿意薪金？即睇統計結果！

按圖睇樓主及網民回應：

+15

+14

樓主：我而家啱啱做咗嘢一年，最初畢業係返銀行業，做咗半年左右，但係之前份工同埋上司同我好唔夾，所以最後選擇辭職。之後我去咗一間有30幾人嘅公司做嘢，由基本會計開始慢慢做起，後來做到管理埋公司資產，亦都同老細開始熟絡。

呢排我發現直屬上司係咁安排啲跨部門嘅嘢畀我做，雖然我有用心將啲嘢做好，但都有少少不解，明明啲資深同事咁得閒，點解唔分啲嘢畀佢哋做？直到幾日前，我上司同我講，因為老細比較信任我，而上司都覺得我可以勝任唔同嘅工作，工作效率亦越嚟越好，所以可以升我做經理，人工都會加50%。但我自己有少少猶豫，如果年紀咁細，升做經理會唔會好吃力？

網民A：如果你有能力嘅話，年齡絕對唔係一個問題嚟嘅，但係好多人做咗主管級之後又唔識處理人際關係，令到團隊氣氛好差。往後你就係夾喺下屬同上司之間嘅人，你要有心理準備去學習呢一方面嘅嘢。

網民B：其實到底你真係虛心求教，定係想炫耀自己能力好好，被賦予重任？我就咁睇你講嘅嘢，覺得你最好收斂一下你嘅鋒芒。咁後生就被人升做經理，好容易會將公司搞到成盤散沙咁，無晒向心力。如果你作為一個年輕嘅經理，同時仍然可以虛心向同事請教，識得尊重前輩，做到一個值得令人尊敬嘅人，咁先係一個稱職嘅上司。

網民C：唔知你做邊行，但係一個人就算能力點勁都好，23歲啱啱畢業，係一張白紙咁嘅情況下，你點樣可以帶領公司團隊？只能夠說你公司可能規模太細，人才不足。

網民D：做中層最容易被人當做夾心餅乾，又要幫下屬執手尾，尤其啲年紀大啲同事，發起癲上嚟你咁細個一定招架不住；然後又要對老細展現你嘅價值，要追KPI，佢想做咩都要幫佢達成。

切記職場上面工作界線一定要劃清楚，因為做咗上司之後，百份百一定會遇到好多衰人，甚至一啲你根本唔識點去處理嘅人際問題，如果真係頂唔順，勸你諗定下一個階段嘅路應該點行。加薪50%聽落唔錯，相信呢個人工水平可以做你下一份工一個好好嘅跳板。

網民E：以前做嘢嗰陣最憎遇到後生嘅女上司，冇底層經驗，淨係得把口，唔識得體諒下屬。只要有後生嘅人升做管理級別，嗰個月嘅離職率都會超高。

網民F：唔好畀年齡限制你嘅發展！要捉緊機會，加油！

網民G：細公司嘅管理級別應該冇咩用，因為你本身就已經要做好多嘢，佢都係畀個好聽嘅頭銜你啫。

網民H：佢得23歲，呢份工又返咗半年咋喎，老細肯加薪50%加升職，冇人覺得成件事好奇怪咩？

的確，年紀輕輕便成為主管職級需要面對很多挑戰，包括：

1. 管理資深員工

年輕主管可能需要管理比自己年長或資歷更深的員工，如何適當地尊重資深員工的經驗，同時又能有效領導他們，是一個棘手的問題。

2. 角色轉換的適應

從普通員工晉升為管理者，需要學會授權、培養下屬，而不是事事親力親為，這種角色轉換可能需要時間適應。

3. 溝通和人際關係管理

年輕主管需要學會運用同理心，理解並尊重不同背景及年齡員工的觀點，並建立良好的跨部門協作關係。

年輕主管要做的4件事：

重塑自我定位

年輕主管在升職後，應該重新審視自己的角色定位，了解為甚麼公司選擇提拔自己而非其他人，盤點自己的優勢和不足，找出需要補強的地方。同時也要認清團隊中每個成員的特質和能力，以便更好地領導團隊。

學會謙遜和請教

雖然年少得志的確是一件值得自豪的事，但千萬不要自以為是，即使你能力再強，也會有缺點或經驗不足的地方，這個時候更需要依賴團隊的力量，要有意識地學會認錯和請教。

當遇到不懂的問題時，應虛心向資深同事或下屬請教，不僅可以建立互信關係，也能避免犯不必要的錯誤。作為年輕上司，謙遜的態度才能贏得團隊的尊重。

培養耐心和溝通技巧

年輕的主管常常因缺乏耐心，容易打斷他人或不願花時間指導員工。如果你想成為一位好的領導者，反而更要培養耐心傾聽的習慣，給予員工充分表達的機會，並學習如何有效地指導和激勵團隊成員，保持團隊士氣。

建立信任關係

年輕主管需要花時間與團隊建立信任。最初可以通過觀察團隊成員的長處及短處，為他們安排適合的工作，給予適當的授權和機會，讓員工發揮所長。同時亦應公平公正地表揚有功之人，營造良好的團隊氛圍。

睇埋職場最受歡迎嘅10個技能係咩：

+12

+11

點樣可以有效管理年紀大過自己嘅下屬？

+14

+13

延伸閱讀：【職場5大乞人憎行為】85%打工仔嫌同事煩 「午餐小偷」只係排第5？

延伸閱讀：【解僱員工】刻苦耐勞VS受歡迎 網民：我係高層會炒你先 炒人有咩要注意？賠償要點計？

延伸閱讀：【2024更新丨職場生存之道】7大同事之間不能說的秘密！辦公室的禁忌是？職場常見反話、溝通壞習慣及身體語言之忌一覽！

最新專訪片︰
【星級斜槓族】JACE陳凱詠自組工作室成獨立音樂人 新歌《間歇性休眠》紀錄人生低谷期 鼓勵大家勇敢面對人生考驗

⏩⏩  需要請人？立即刊登招聘廣告！  ⏪⏪