Next
【清明節】上司要求全體同事一齊拜山 網民：當係員工旅行玩吓囉
【清明節】上司要求全體同事一齊拜山 網民：當係員工旅行玩吓囉
2023-04-06
清明節剛過，陪同家人拜山是平常不過的事，但你曾否想像過與上司一同拜祭先人？近日有網民在討論區分享一件離奇經歷，樓主剛入職公司不久，直至最近才得知，其中一個企業文化竟是全公司一齊拜山，原因是請求祖先保佑。而且有趣的是，上司挑選平日上班日子出發，變相員工在辦公時間祭祖，令樓主大感困惑。如今得知，原來不只聖誕節和新年有公司活動，連清明節都有！
按圖即看樓主分享：
公司係細公司，職員都唔多，做家族生意咁樣。老細要求我哋要一齊去拜佢祖先，好似聽講佢祖先就係公司嘅創辦人，好犀利，所以年年都會全公司同事一齊去拜山，希望佢保佑公司嚟緊順順利利，順便當係一個 team building 活動。我都係第一年喺呢間公司過清明⋯⋯
當然公司都明白，我哋自己都要拜屋企人，所以冇揀喺清明正日，反而係揀咗平時返工嘅日子去。不過拜山咁攰，我都係想留喺公司做嘢多啲⋯⋯但係唔去又唔得，有啲同事聽到可以出去拜山，唔使留喺公司反而仲好開心，可以唔使做嘢。不過拜完山返到公司，咪都係要做⋯⋯
按圖即看網民留言：
網民 A：當係員工旅行，去玩吓囉
網民 B：一定要去，老細有重要嘢講，所以留返拜山嚟講。
網民 C：咪當郊遊囉，老闆有請食飯嗎？
網民 D：帶薪郊遊完可能仲有飯食，幾好啊。公司嘅嘢，唔使 OT，第日繼續做就 ok 啦，老細唔會話你。
網民 E：黐線，會議室最多掛張創辦人嘅相就有，拜山？
網民 F：有人工就算啦，當同老細或公司聯誼囉。這些公司細，講感情，冇咁易會炒人的。
網民 G：除非創辦人埋葬在日本、英國、法國、加拿大、澳洲就話跟佢去拜山啫！
網民 H：正面看，老闆當員工是自已一家人、仔女看待，想團結和洽如家人。
網民 I：你咪當外出公幹啦，返正佢嗰日有出糧畀你，都算係咁㗎啦，咁大陣仗去拜山，燒豬燒雞都有餐食啩？
網民 J：用常識角度認為是不必要！都不是自己親人，無理由去！無端端作出啲咁不正常的要求，都是即時打辭職信吧！
網民 K：同返教會一樣，信嘅咪拜下，唔信嘅就當行山
網民 L：公司有人情味，當你係自己人。
網民 M：打工、有薪、公司要求，去囉。
不少留言區的網友都正面看待公司安排，認為這是不錯的團隊建設（Team Building）活動，甚至建議樓主可以將此當成員工旅行，與同事增進關係的同時，還有機會吃到一頓美酒佳餚。但亦有人覺得，拜祭非自己認識的先人，實屬不合情理，認為即使當日同樣計算薪水，樓主也不應出席活動。如果你是事主，會選擇去還是不去呢？
團隊建設（Team Building），是不少公司用來增強團隊凝聚力和溝通的活動。網上連登討論區有打工仔表示十分嫌棄公司舉辦過多的Team Building，內向的事主並不想經常與同事吃飯和參加聚會，卻因不懂拒絕，害私人時間都被公司活動佔據。問題引來網友討論，有網友因舊公司Team building問題直接辭職？
按圖即了解事主分享和網民回應：
延伸閱讀：【重陽節】公司要求重陽節一齊登高 變相OT？網民：打風！連個天都幫埋你！
延伸閱讀：【職場熱話】公司成日搞Team Building 內向打工仔：其實我都係想自己毒吓
延伸閱讀：【職場辛酸】清明節想請AL拜山 竟被老細無理要求send OO 相證明？
最新專訪片︰
【Office豪華旅行團】仲量聯行辦公室有瑜伽班、採用環保傢具 HR：最重要以人為本！
Look out for further updates on our Facebook fan page!
Follow CTgoodjobs for the latest career news, hot topics and recommended jobs!