Next
【極品上司好難頂！】上司經常送禮請食飯然後勞役員工 同事差啲無埋條命同婚姻 網民：做人最緊要有底線 唔好公司叫你做咩就做咩！
【極品上司好難頂！】上司經常送禮請食飯然後勞役員工 同事差啲無埋條命同婚姻 網民：做人最緊要有底線 唔好公司叫你做咩就做咩！
2024-07-16
大部分打工仔雖然不願成為「黎生」那樣熱愛工作之人，但為求生計只好迫如無奈埋首工作，只要一收到公司指示，便會隨傳隨到，完成工作。不過，若然事事以工作為首，很有可能會令自己身心健康出現問題，甚至影響到至親的人。
近日，有網民於社交媒體專頁「奴工處」投稿，指自己入職新公司工作愉快，但自大半年前開始，公司便開始勞役員工，使員工吃苦連連，甚至有同事因為工作差點失去性命和家庭……
延伸閱讀：【極品上司】有事要住院 上司竟然日日打嚟問幾時出院？網民：呢啲一定係意見接受 態度照舊
按圖了解網民回應：
事主：今年我轉咗新工，新公司副老闆、上司同主任都對我好好，而且新公司個老闆同我一樣都係今年新加入，當初我屋企知道我份新工做得開心，佢哋都無再擔心過我。
直到呢大半年開始，公司為咗追業績，不停送禮物畀我，又請我食飯，話係答謝我一直為公司付出，起初我都收得好開心，食得安樂。 點知公司就越來越過分，母親節都要我犧牲陪母親嘅時間，專登返去做計劃書畀佢，然後我爸爸媽媽都鬧我為咗份工竟然連一年一次嘅母親節都要畀埋公司。
就算嗰日係黑雨或者8號風球，甚至係夜晚11點準備上床瞓覺，只要收到上司訊息，都要即刻覆，同埋收到上司指令就要即刻去完成，唔可以拖到返工嗰日先做。
最近有個舊同事離職，佢偷偷地約我出來食飯同我講離職原因，佢話因為屋企住得近公司，就不停被公司勞役，甚至要隨傳隨到、24小時on call，但上司為咗自己良心好過啲，就送禮物同請食飯作為答謝，之後再繼續勞役佢。佢發燒發咗幾次都要死撐返工，連廁所都無得去，仲要做到夜晚10點先返屋企。
之後佢壓力大到精神緊張，返到屋企就會鬧佢老婆，而家仲搞到身體有事，因為醫生話佢長期忍小便搞到咁。最慘係佢老婆日日受佢氣，一直忍佢脾氣等佢收工返來，佢老婆最近都因為長期受佢氣，搞到意外流產，然後上司竟然唔畀佢請假去醫院探老婆，佢老婆因為咁決定同佢離婚。所以佢趁仲未上律師樓簽紙前，決定辭職諗住挽救婚姻同身體，佢叫我唔好為咗份工賠上咗家人同性命，唔值得。
網民A：其實，問題從來都唔喺老細度，係喺啲員工度。請問你辭職未？定繼續支持呢啲老細？
網民B：個同事忍尿係佢問題，仲要聽老細講唔去探老婆都係……老闆固然係衰，但你同事肯聽佢唔合理嘅指令都有責任。
網民C：老闆最愛玩PUA，畀小小甜頭你就要你賣命，連份佣金畀其他同事食埋都係「應份」，犧牲小我完成大我，又唔見老闆自己犧牲吓？
網民D：世上無免費午餐，所以我會唔貪公司小便宜，返工係為錢，同公司唔係有親，如果人工比市價double咪諗吓，不過就算有double都唔會同佢賣命！
網民E：除非你係$10幾萬人工一個月，如果唔係，只可以講佢咁勞役你都唔即刻走，即係你都有份間接造成，接受老細勞役你
網民F：做人最緊要有底線，唔好公司叫你做咩就做咩，否則對方只會越嚟越過份，最終受苦嘅都係自己。
網民G：呢啲工真係唔介意裸辭，早走早着！
網民H：腦同手腳都係自己嘅，唔明點解咁多人會接受人哋無理嘅指揮？究竟係幫人打工定你係返緊KK園？
網民I：錢肯搵就有，但有好多嘢用錢買唔到，無咗就無，咁大個人自己諗吓啦。
網民J：公司都未算好衰，至少勞役完人都識得補償。
網民K：你同事已經唔係奴工，係奴隸！
網民L：好想知你人工幾多？同埋究竟送咗啲咩禮物同食咩飯搞到你同事家破人亡咁嚴重。
延伸閱讀：【職場欺凌丨人際關係】網選6大最難忍受嘅職場欺凌行為！呢個動作係打工仔嘅惡夢？
對於事主的分享，網民意見兩極，有一派網民十分同情事主及同事，認為他們遭到老闆及上司「搭訕藝術家」（Pick Up Artist，簡稱「PUA」），透過送禮物及請吃飯的行為操控着他們的思想，甘願成為公司的「奴工」，亦令全公司員工都有着「公司最重要」的病態思想。網民直言「世上沒有免費午餐」，建議事主應該拒絕再接受禮物及請吃飯的行為，以免再遭到老闆及上司PUA的行為，又或堅決拒絕老闆及上司的無理要求，甚至盡早離職，才能脫離這種有害職場。
另一派網民表示，雖然公司制度很有問題，但事主自身的問題才是導致家破人亡的主因，向妻子大發脾氣、不懂分辨事情的先後次序、上司的要求合理與否等，一切都是同事咎由自取，因此落得如斯田地並不值得可憐，更有網民嘲笑「可憐之人必有可笑之處」！
延伸閲讀：【打工真係好大壓力！｜壓力大徵狀】一人一個返工壓力大徵狀！晚晚失眠、極不願意入公司門口、電話一響就焦慮……
按圖即看網民盤點17種極品上司：
延伸閲讀：【職場熱話】每次同事請假 上司都會發脾氣 網民：我都試過因請假差啲被炒
按圖即看容易被PUA的7大人格特質及職場常見的6大PUA行為：
延伸閲讀：【職場關係】得罪上司無運行？ 處處針對玩挑剔 打工仔可以點拆解？
最新專訪片︰
Look out for further updates on our Facebook fan page!
Jobs You Maybe Interested In
Latest IT Salary Trend
-
View Jobs30kMedian Salary
-
View Jobs23kMedian Salary
-
View Jobs22kMedian Salary
-
View Jobs20kMedian Salary
- More IT Salary
Related Articles
Follow CTgoodjobs for the latest career news, hot topics and recommended jobs!