【打工仔辛酸】打工仔lunch time瞓覺休息上司竟作出一舉動令打工仔爆氣！網民：明明瞓完晏覺可以做嘢精神啲……

2024-05-30

打工仔工作繁忙，有時候工作過於損耗精神，都會選擇在午膳時間「補眠」，讓自己可以補充精神，使下午的工作效率及專注力提升。不過，有部分上司卻以損害公司形象為由，禁止員工睡午覺。

近日，有網民於連登討論區發文，指自己在午膳時間睡午覺，但遭到上司訓話，令到事主感到十分憤怒，更直言從未遇過有公司會禁止員工在午膳時間小睡。

按圖了解網民回應：

+12

事主：有時喺公司食完飯會想瞓一陣晏覺，畀自己唞足精神。突然有日，上司話我點解唔喺屋企瞓夠先返工，點解要喺公司瞓覺？我答佢午飯時間，食完飯無咩嘢做所以想休息吓。點知我上司話唔可以再咁做，畀其他同事見到會點諗……我聽到嗰吓好嬲，心諗做咗咁多年嘢，都未試過有公司唔畀同事Lunch time瞓教休息！

網民A：你係咪瞓到流晒口水？唔係嘅話就唔好理佢！

網民B：lunch time 2點完，我多數瞓到3點先起身！

網民C：搵過第2份工啦，呢啲micro management嘅上司都唔會勁得去邊，做佢下屬只會浪費自己時間。

網民D：人工高就只可以逼自己接受；人工低就即刻搵份新工。

網民E：我公司一到lunch time就會熄燈畀同事瞓覺。

網民F：我之前份工，我senior坐我後面，佢食完飯返嚟就瞓到lunch time夠鐘，然後4點幾又會再瞓，仲要有鼻鼾聲，從來無畀人鬧過！

網民G：中午瞓一陣，晏晝做嘢真係會精神好多，你上司咁都唔畀……

網民H：通常有時間管啲無謂嘢嘅人，質素同心地都唔會好得去邊。啲老細有時間就處理其他嘢好過啦！

網民I：我公司係我老細扯晒鼻鼾咁瞓，每日都好想叫佢唔好嘈……

網民J：試過唔係lunch time照瞓，老細經過見到，我上司即刻幫我兜話我唔舒服，之後先問返我做咩瞓覺。

網民K：我以前有同事又係咁樣，畀上司鬧完之後，佢以後lunch time就入會議室枱底瞓！

對於事主的分享，眾多網民都表示同情，指出有不少研究以證實小睡10至15分鐘，能夠提高專注力及工作效率，而且午膳時間遲於私人時間，斥責上司過於微觀管理（Micro-management），降低員工的生產力，亦打擊員工士氣，因此網民認為事主公司文化十分苛刻，紛紛建議事主盡快離職。

按圖即看5個午睡技巧：

+13

按圖即看香港人睡眠質素差的原因：

延伸閲讀：【公司應訂午睡時間？】打工仔情願早收工！研究︰睡90分鐘提高學習能力及記憶力

【職辭照被鬧】打工仔已辭職 事後仍遭到上司大鬧特鬧！事主：更加確定當初遞信係無遞錯到！