Next
【打工仔辛酸】打工仔心靈受創 一人一句上司講過最難聽嘅嘢！網民：聽到都想原地辭職……
【打工仔辛酸】打工仔心靈受創 一人一句上司講過最難聽嘅嘢！網民：聽到都想原地辭職……
2024-12-31
身為打工仔，都渴望在職場上遇到好上司。不過好上司可遇不可求，若然遇到脾氣暴躁且經常出言侮辱人的上司，打工仔只可自求多福，避免工作出錯而遭到上司侮辱。近日，有網民於連登討論區以「上司講過啲咩係好難聽說話」為題發帖，讓各位網民分享自己的慘痛經歷，大呻返工不如事。
樓主及網民分享
樓主：想問吓大家，你哋嘅上司講過啲咩好難聽嘅嘢話你？我上司鬧過我：「我淨係要結果，過程你幾辛苦我唔需要知……」
網民A：上司想卸膊點知畀人踢爆咗，之後佢大言不慚講：「This is not a game.」
網民B：你上司講句嘢係難聽，但的確係事實嚟。如果佢真係只睇結果而對待下屬，咁其實都OK嘅。
網民C：坦白講你就係一件無用嘅嘢，我（上司）唔明點解會請你返嚟。你唔係有屋企人要養，我先忍住唔炒你。
網民D：點解你屋企人可以生到你咁蠢？
網民E：唔鍾意呀，咁咪唔好做，直接去HR遞信囉，我睇你咪又係唔敢辭職！
網民F：唔好睇得自己咁高，呢個世界無話無咗邊個唔得。個FG聽完之後眼濕濕。
網民G：以你嘅經驗出到去你唔會搵到工，連見工嘅機會都無！
網民H：個部門好細，得我同上司兩個人，有日上司話我：「點解你咁唔上進？諗嘢咁唔成熟？咁多年做嚟做去都做仲係喺呢個位？」聽完之後真係滿頭問號。
網民I：你勤力無用㗎，牛夠勤力啦，點解我唔請隻牛？聽到想原地辭職……
網民J：「你同個親戚熟唔熟架？唔熟可唔可以唔好請假去送殯呀？」個上司係咪黎生嚟？我想請假送殯都畀說話我聽……
網民K：「後生仔，我睇好你㗎！幫幫手搞埋單job佢，留喺度學多啲嘢，第時出到去你咩都識做！」講咁多嘢都係想搵人笨，然後就辛苦做，人工又唔加！
延伸閱讀：【辭職學問】老闆做咩挽留先有用？一人一個收回辭職信的原因
帖文一出，旋即引來眾多網民熱烈分享，不少網民分享的大多是上司以人身攻擊或以髒話「問候」網民，令到打工仔感到遭受他們侮辱，漠視打工仔的勤勞及情緒，因此大多都表示聽到上司侮辱的說話後，感到失落或愕然。
有部分網民表示，上司雖不會以語言人身攻擊，但會經常借學習為由，佔打工仔便宜，讓公司可以節省人力資源成本，「奴役」現職打工仔。此外，部分網民對上司感到憤怒，來自於上司毫無同理心，他們表示自己有親友或家人患病或過世，申請假期探望或「送殯」均遭到上司拒絕，令網民感到無比氣憤。
延伸閲讀：【職場辛酸】一人一個公司嘅庹縮行為 網民：真係全部都同你斤斤計較！
按圖即看網民嚴選6大犯眾憎同事：
延伸閲讀：【上司為鑑】一人一個喺上司身上學到嘅嘢 所有行程寫低喺日曆、有咩事即刻打電話、幸福要靠開口爭取！
按圖即看網民一人一個辭職理由：
延伸閲讀：【見工面試】一人一個畀面試官問過嘅奇怪問題！網民：如果彗星撞地球 你會點確保市民可以安全離開？點解要箍牙？
最新專訪片︰
【Office豪華旅行團】安永會計重視多元和企業社會責任 培養包容性的企業文化
Look out for further updates on our Facebook fan page!
Related Articles
Follow CTgoodjobs for the latest career news, hot topics and recommended jobs!