【家庭關係】被奶奶唱畀家用太少 打工仔︰兩公婆畀一萬都唔夠?

【家庭關係】被奶奶唱畀家用太少 打工仔︰兩公婆畀一萬都唔夠?

正所謂「相見好 同住難」,有時連跟自己的家人一齊住,都可能會發生衝突,更何況是結婚後要跟伴侶的家人同住呢。讀者Fion (化名)最近投稿分享個人的經歷,由於她結婚後跟丈夫有共識,希望可以儲錢買屬於自己的小窩居,因此婚後幾年會先住在丈夫家,與老爺、奶奶同住。Fion表示,本來她跟兩老關係算是不錯,不過越住越耐,奶奶逐漸多怨言,先話她放工不做家務,最近更在親戚面前力數Fion和丈夫只給一萬元家用,最令她生氣的是奶奶居然話「食我嘅住我嘅,畀一萬蚊當我咩呀?住酒店呀?」,Fion嬲到即時想搬出丈夫家,情願自己租屋住免受氣。

按圖即睇讀者Fion的故事︰

讀者Fion的故事︰「我同丈夫識咗8年,上年我哋終於結婚。我哋婚前都有共識,唔生小朋友,希望可以儲到錢買屬於自己嘅小窩居。不過,香港地買樓邊有咁易,我哋而家嘅人工根本無法應付租樓同儲錢,所以我哋都決定搬去丈夫屋企住。丈夫屋企有老爺同奶奶,間屋600尺左右,其實好夠4個人住。起初,我同老爺、奶奶關係唔錯,住埋一齊都無咩嗌交,有時放假我都會幫手做家務同煮飯,得閒請佢哋飲茶。不過,原來就算你做幾多嘢,佢哋都係會有不滿架!

有個星期六,奶奶約咗班親戚上嚟屋企打牌,本身我想星期六休息,都算啦。點知佢哋明知我喺房睇電視,仲要嗌到拆天咁,仲要大聲討論我同丈夫嘅事。一時話我哋唔生小朋友,一時又話我哋只畀一萬蚊家用,最過份係佢話『食我嘅住我嘅,畀一萬蚊當我咩呀?住酒店呀?』,搞到我嬲到爆!你有不滿咪直接同我哋講囉,其實仲要搵埋班三姑六婆嚟畀說話我聽?

我同咗丈夫傾過,我情願畀多啲錢,遲啲先買樓,我都唔會再留喺呢個屋企度住!我亦都呼籲女士們,結咗婚真係好好諗清楚係咪要同奶奶住,無謂為咗慳租樓錢,無晒尊嚴呀!」

延伸閱讀︰【家庭關係】32歲月入5萬元 每月畀3萬做家用嘆辛苦︰仲未上到車好無用

儲錢真係咁難?心理學家傳授5個慳錢小技巧
香港人生活壓力大,除了返工令人精神疲勞,有時想花少少錢享受生活,都怕不夠錢用。慳錢比用錢難,不如學習神經心理學家建議的5個省錢竅門,試試用這些方法儲錢,有沒有效吧!

按圖了解更多︰

延伸閱讀︰【家庭關係】結婚後應否給家用?女網民苦惱︰男友主張唔畀

延伸閱讀︰【兩性關係】男友家人鼓勵辭職拎綜援 女因一個原因由想由抗拒變支持?

⏩⏩  需要請人?立即刊登招聘廣告!  ⏪⏪

Look out for further updates on our Facebook fan page!
刊登招聘廣告