Next
【回頭草】老細炒完話想請返 仲要退返代通知金畀佢哋？事主：應唔應該食回頭草好？
【回頭草】老細炒完話想請返 仲要退返代通知金畀佢哋？事主：應唔應該食回頭草好？
2023-05-08
解僱員工的理由有很多種，疏忽職責、行為不當、不服從上司等都是上班大罪。除了這些原因外，被「炒魷魚」亦可能與公司内部的財政狀況有關。最近，有網民於Facebook專頁「辦公室日報」上投稿，分享自己被解僱的經歷。根據勞工法例，如果要即時解僱員工，僱主則需要賠償「代通知金」。但是，這次分享的事件主人公卻表示僱主試圖拿回代通知金。到底事情的經過是怎樣的呢？
按下圖即睇事主經歷及網民留言：
事主：上個月畀老細炒咗，佢直接話我人工太貴，又話上年公司條數好差，呢個年度要cut budget，其實佢一開頭係問我可唔可以減人工先嘅，不過一嚟就話要減$8,000，梗係睬你都傻啦！再搵工係難，但我過唔到自己心理關囗囉！
事主：公司炒我有賠一個月人工，仲要簽返張同意書之類嘅物體，咁就梗係收咗先算，簽咗先算，走咗先算啦。點知過咗3個星期都唔夠，老細就叫HR打畀我問搵到工未，會唔會考慮返公司做。
事主：HR話唔使減薪，會出返原本人工，所有嘢都照舊，不過老細有一個條件..…
事主：就係退返一個月代通知金。
事主：我而家個心十五十六，猶豫係因為仲未開始搵工，亦唔知道搵唔搵到工，如果我堅持唔畀返嚿錢公司，咁我就要出去搏一搏。
事主：講規矩講勞工法例，道理一定喺我呢邊，所以我都膽粗粗問過如果唔退還筆錢，係咪一定冇得返去做，HR答我係，仲話老細好堅持要我退返錢先至會再請。想請教下大家意見，喺咁嘅情況之下，我應唔應該食回頭草？
根據《僱傭條例》，僱主如故意及無合理辯解而不依時支付解僱補償給僱員，可被檢控，一經定罪，最高可被罰款35萬元及監禁3年。其實，當時事主在離職時已經簽署了同意書，白紙黑字證明離職條款是經過雙方同意。因此，僱主想要拿回賠償金可以説是不可能的事，亦有機會觸犯法例。
另一方面，對於應否吃「回頭草」一事，大多網民都表示強烈反對。他們均認為這間公司不守信用，怒斥「反口覆舌」、「小家又冇誠意」、「都唔講規矩嘅」，可見打工仔們都認為信任是職場中很重要的因素。大家又認為事主應否吃「回頭草」呢？
邊個行業最可能被炒？按下圖即睇3個最大機會裁員及4個安全嘅行業！
好怕自己被炒魷魚？按下圖即睇5個克服焦慮的方法！
延伸閲讀：【職場熱話】兼職員工口頭通知辭職卻尾日no show 上司要求賠代通知金
延伸閲讀：【職場熱話】打工仔食回頭草返舊公司做 網民：真係唔建議⋯⋯
延伸閲讀：【升職加薪】因上司離職獲晉升 對方卻有意食回頭草！事主：最後佢嚟見我個位……
延伸閲讀：【裁員潮】打工仔遭解僱感不忿？逾8成人被炒後嘗試向前公司報仇！
最新專訪片︰
【星級斜槓族】Shirley陳欣妍積極經營YouTube展現最真實自我 孖男友沈震軒升呢健身室老闆
Look out for further updates on our Facebook fan page!
Related Articles
Follow CTgoodjobs for the latest career news, hot topics and recommended jobs!