Next
【兩性關係】事業平淡即無上進心？ 男事主：無上進心係咪唔配有女朋友
【兩性關係】事業平淡即無上進心？ 男事主：無上進心係咪唔配有女朋友
2023-05-05
從校園走到職場，男女朋友關係未必如讀書時期般單純。進入社會大熔爐後，各人對物質追求也有提升，因此男女關係無可奈何會出現金錢方面等的現實考慮。最近，有名男士到社交媒體專頁「奴工處」發文，指其前女友認為他沒有上進心而提出分手，令他懷疑上進心是否當下尋找關係的先決條件。
延伸閱讀：【職場兩性】情侶同一棟大廈返工 日日焗住一齊食Lunch 男朋友：還我私人空間
即睇事主分享及網民回應：（按圖了解）
事主：女朋友話我無上進心，事業平平淡淡……
事主：佢叫我搵多啲，但其實我真係無乜上進心，都唔太想有……
事主：我覺得而家個狀態好好，而佢最後都同我分手……
事主：無上進心嘅男仔係咪唔配有女朋友？
網民：上進心還上進心，搵錢能力同上進心無直接關係！
網民：就好似讀書，勤力唔代表好成績，不如還是躺平算了……
網民：你有咗上進心，搵錢多咗，無咗時間，然後佢就會話你無時間陪佢，最後都係飛咗你～
網民：上進心唔係錢，不過你有錢絕對可以無上進心。
網民：港女既「上進心」等於每日都比噚日有錢，然後佢就可以日日high tea、買名牌！
網民：咁你咪搵返個無乜所謂，又無乜上進心嘅女仔囉。百貨應百客，係咪？
網民：我覺得無上進心又宅嘅仔，反而唔花心又唔使點管，睇吓個女仔要啲咩。
網民：假如有錢仔每日喺屋企躺平，啲女都唔會話佢無上進心㗎！
網民：有樓、有車、有存款、照顧佢唔使做，佢就唔會太care你有無上進心㗎喇！
網民：你有錢，日日廢人咁食訓屙喺床度，佢都唔會嘈你；你無錢，打三份工都係會話你無上進心。
網民：自己都養唔掂，仲諗咩養女？
網民：係時候試下搵個男朋友！
上進心與錢無關 網民：無上進心早成常見分手藉口
眾多網民認同上進心與錢無關，因為上進心未必與能力和際遇掛鉤，但不少留言指當下文化令「上進心」扭曲成評價一個人有沒有充足賺錢能力的詞彙。有網民直言，如果一個男人無錢，「就算（做到）爆肝過勞死都無上進心；但如果有錢的話，「就算成日瞓覺都無人批評」。香港跨代貧窮問題嚴重，加上高樓價等種種原因，或導致所謂「上進心」可能與時下流行的「父幹」一詞相關。
對於事主的遭遇，有網民安慰事主不需過份傷心，因為「無上進心可以列入最方便分手藉口頭三位」，指出所謂「上進心」已成情侶分手的導火線。另有些網民認為每人追求不同，事主「最多都係唔配呢個女仔」，不等於事主不為其他女仔所接受。該名網民另指，安於現狀不一定是問題，但事主是否應該調整心態，則須取決於其個人決定。
延伸閱讀：【職場兩性】女友工資比自己高 打工仔感衝擊 網民：你應該要高興
Look out for further updates on our Facebook fan page!
Related Articles
Follow CTgoodjobs for the latest career news, hot topics and recommended jobs!