【行業秘聞】做工程=廉價勞工？網民：來生不做engine仔

工程界每年吸引不少畢業生加入，考取專業資格後更有望能得到較穩定的收入及前景。然而，近年時有聽聞不少工程師寧願加入政府工作，避免在私人市場工作的未知數。到底工程界的工作如何？新入行又是否真的難逃「廉價勞工」的必經階段？有工程界打工仔於討論區發帖文，大呻工作辛苦，收入亦略嫌太低，直言「來生不做engine仔」。

延伸閱讀：【打工仔悲歌】為$40K收入 日日6點起身 2小時車程 值得嗎？

中小企工程顧問 月入14.5K 經常OT至深夜
任職中小企工程顧問的事主，負責處理私人樓宇更換設施的工程工作，經常要與業主開會，難免時常被業主責罵。光是這一點，已令工作相當有壓力。而他的工作時間亦非常長，有時開會「開到夜晚11:00都有」。除此之外，公司承接訂單價錢亦偏低：「接單嘢又平，做嘅又係我，OT又無錢，又無假補…重點我啱啱出嚟做，2019大學畢業，做都唔夠一年，就要自己出去開會，畀班業主圍插…我其實咩都唔識」。

知識有限 只好上網自學
初出茅廬，經驗尚淺，而且得不到同事支援的事主，表示「好驚答錯嘢，雖然標書係我做，但我都係左抄右抄…工程好多步驟我未必識，業主問我出面啲 contractor接咗單工程，會唔會做做吓唔做…咁多間財政狀況點、有無官司打緊，我鬼知咩…物管又幫唔到手」。面對種種困境，事主感到壓力極大：「其實我係想有人帶，教識我，拎多啲經驗先…我好似畀人掉咗出去受靶，無人教，靠自己上網睇資料，扮晒識嘢咁去開會」。

延伸閱讀：【人才規劃】求職者最想投身哪些企業？新世代重視的入職因素

Consultant唔易做
不少網民留言表示工程界現實就是如此，建議事主：「考到牌就走人啦」。亦有人認為，讓新入行的同事自己去開會，實屬常態，但如果工作量和所處理的項目太困難，應考慮另覓更好的待遇：「做嘅嘢又專，工時又長，揾嗰少少人工，你對唔對得住自己？」、「講真樓主不如揾份sub仔（Sub-Contractor, 分判商）做。sub仔都無你講到咁慘」。有人更打趣道：「同班業主講，我14.5k人工㗎咋，你哋請唔請人？」。

⏩⏩  需要請人？立即刊登招聘廣告！  ⏪⏪