【行業寒冬】香港就業市場雪崩！四大支柱行業淪陷！網民點名呢3行逆市請人！

CTgoodjobs' Editor

Published: 2025-10-13 08:15

Updated: 2025-10-13 08:15

香港的行業寒冬主要受多重因素影響，包括全球經濟放緩、中美貿易緊張局勢、科技變革加速以及本地市場需求疲弱。近日，有網民在連登討論區發文指，四大支柱行業紛紛陷入寒冬導致失業率上升，經濟動力受挫。面對這場就業雪崩，不少打工仔感到前路茫茫。然而，逆境中仍有亮點，一些行業因需求穩定甚至擴張，成為逆市請人的焦點。網民熱議其中三大行業，不僅提供大量職位，還展現未來職場的潛力和機遇，成為求職者眼中的新希望。

打工仔熱話速遞：企業靠AI取代初級員工│13種「鐵飯碗」工種│必學AI技能懶人包

香港四大支柱行業淪陷？

+48

+47

樓主：
最近一年不斷聽到唔同行業嘅frd講個市幾差幾差

工程
近幾年已經成日有人講cut位、搵唔到工。

醫護
護士又話引入外勞；PT/OT又話飽和，畢業即失業。
連牙醫都話畀大陸搶生意，市場萎縮。
圈子未識到做醫生，但應該相對冇問題。

教育
幼稚園已經死咗好多年，cut雙非之後一年一年咁升上去。
最新聽人講，原來連讀埋小學PGDE出嚟都可以搵唔到工。
中學過多3、4年應該都係同樣情況，嚟緊幾年都係不停cut funding。

NGO
社工而家畢業已經搵唔到工，唔好話社會工作主任，SWA（社會工作助理）都冇得做。
一有人走就凍咗個位唔再請人，funding同學校一樣都係不停cut。

曾經「轉生三寶」——護士、老師、社工，而家得返護士勉強企得住。
做office文職，辭咗職再搵個啲都好難再搵返本身個水平。
而家其他行業個市其實咩環境？

網民A：
香港已經好好，搵唔到嘢做，求其撈份保安都2萬幾，再唔係揸的士、揸Uber有3、4萬。你睇睇其他地方可能仲灰。

網民B：
你自己OK咪得，個個都講到自己好唔掂㗎啦。

網民C：
文職sales，生意差咗但都唔畀人躺平，成日諗好多無用多餘嘅嘢想搵生意，咪又係個市道反映，大家躺平大跌一年後重新出發好過啦！

網民D：
最差係飲食業，啲店又執，唔執又畀外勞搶晒啲工。

網民E：
保安、物流、揸車缺人都爆。

網民F：
唔明點解可以咁悲觀。

網民G：
個市長期只會keep住差落去。有班人覺得冇問題，只係未燒到佢哋個層。而家燒緊嘅只係平民百姓、基層零售飲食。呢班人消費只會越來越縮，或者用淘寶、拼多多，北上消費，不停將自己消費力降級，因為人工唔高、市差就唔可以亂用錢。而家有班人覺得冇問題，可能未到佢個行業，或者本身自己係有啲資產，所以照返日常洗費都覺得冇問題。但一樣有班有錢嘅都睇得出市況有問題，都開始緊其他出路。

網民H：
根本香港人性格就係咁，永遠扮慘。全球黃金股市齊升，香港人聰明消費，一係留嚟旅行，一係拼多多。根本死嘅只係零售，有排都未燒到個人身上。打工仔只要有買股，呢一兩年根本水浸，大家都係等緊時機而唔係冇錢。

網民I：
我失業之後去咗自己住嗰個屋苑做保安，都幾爽。

網民J：
唔係話香港好，但現時全世界都係咁衰，除咗某幾個比較好彩嘅歐洲小國。

網民K：
幾年前中層走晒，人人升得快。

網民L：
教育界十幾年前都係咁，你中學PGDE出嚟都係做教學助理，係唔知點解大家覺得讀完實保就業、實有飯開。

網民M：
咁就灰？而家先啱啱開始。

網民普遍認為香港就業市場情況複雜，有人感覺現況仍可接受，指出保安、司機等職位收入尚可，部分行業甚至面臨缺工情況。亦有人認為整體市道持續下滑，特別是基層零售和飲食業受到重創，消費力減弱，低收入群體承受較大壓力。部分留言指出，雖然經濟困難，但仍有轉機和希望，認為應該接受現實，調整心態，重新出發。也有人提醒香港與國際環境相比並非最差，只是問題集中在某些行業和階層。總體上，網民意見呈現悲觀與樂觀交織，反映出不同階層對經濟寒冬的不同感受與因應。

延伸閱讀：【裁員潮】經濟寒冬期醫管局/大學/NGO仲算係鐵飯碗？網民：唔會炒只會唔續約！

+20

+19