【行業地震】香港行業大危機！網民點名2大行極速崩潰？生意插水式暴跌一半！

CTgoodjobs' Editor

Published: 2025-09-27

Updated: 2025-09-27

踏入2025年，香港經濟面臨前所未有的挑戰，北上發展步伐放緩，加上全球經濟不確定因素增加，令本地多個行業陷入嚴重困境。外圍需求萎縮與消費氣氛轉淡，直接打擊零售及服務業的經營業績，部分傳統行業營業額竟暴跌超過一半。網民熱議兩大行業首當其衝，呈現「插水式崩潰」的嚴峻局面。這波行業地震，不僅反映出香港依賴外部經濟的脆弱結構，也警示本地企業需迅速轉型求變，方能抵禦逆風。未來半年，香港經濟是否能從困境中走出，成為全城關注的焦點。

打工仔熱話速遞：中年自願減薪都冇人要？│香港經濟斷崖式下降？│咩工仲係鐵飯碗？

香港行業大危機！網民點名2大行極速崩潰？

+36

+35

樓主：香港有咩行業就玩完？

1.牙醫

深圳同香港啲大陸牙醫廣告越開越勁，冇咁勁嘅生意就唔會有咁勁嘅廣告。識得一個牙醫早前生意額已經少咗一半，而家應該少得更多。啱啱畢業嗰啲，我真係恭喜你！

2.眼鏡舖

深圳啲眼鏡舖又先進又平，高檔蔡司、Hoya鏡片平一半以上。人哋啲光學儀器仲要先進過你咁多，服務又好，我都唔知香港眼鏡舖點樣生存。
仲有冇其他行業？

網民A：
飲食、眼鏡、裝修、酒店、電話維修（華強）。牙醫我覺得未必，唔少人（至少我都）對大陸整牙仲未有信心。同埋剪髮理髮我都覺得未會畀大陸取代到住。

網民B：
成個香港無一倖免，一定畀大陸取代。

網民C：
班商家佬自己玩死啫！用外勞平然後炒本地人。

網民D：
你講嗰啲嘢都係500蚊左右就做到，而且唔係日常需要，最多咪半年洗一次牙、一年換一次眼鏡。

網民E：
零售＋餐飲！個個都上拼多多買嘢，北上食嘢。加上經濟不景，多數人都會減少／降級消費。同埋開始有北上body check，體檢中心可能都開始出問題，同牙醫眼鏡舖一樣。

網民F：
香港啲眼鏡舖售後差到飛起！畀咗錢之後睬你都傻。

網民G：
你去一轉尖沙咀／中環嗰啲醫生大廈，不知幾多大陸人去睇。

網民H：
識人做長生店，唔記得差咗幾多%，但一定差咗唔少。有啲選擇醫院直出，或者大灣區做殯葬，遺體運上大陸要搵殯儀公司幫手搞。

網民I：
老人院政府補貼上去入住，另外殯儀，我估好快深圳或者大灣區有一條龍服務爭生意。

網民J：
醫療產業都做唔得耐！香港照MRI $6000-$10000，深圳照$800。

網民K：
身邊有幾個上去整過牙嘅朋友，一致認同服務、技術、儀器、價錢都好過香港。呢幾個都係有喺香港睇過牙醫嘅，有啲未上去前仲半信半疑，上去整完依家係咁推介我上去。

網民L：
車房都好似係多咗人揸部車上去整，順便玩埋。

綜合多位網民意見反映，香港多個行業面臨嚴重挑戰。大家普遍認為飲食、眼鏡、裝修、酒店及電話維修等行業受到北上消費潮衝擊明顯，不少本地生意因此業績大幅下滑。有人指出牙醫及剪髮等服務仍較具有本土優勢，且部分服務價格較低、頻率有限，影響相對較小。亦有網民批評部分商家因使用外勞及減少本地職位，加劇本地就業困境。消費者習慣改變，不少人選擇到大灣區尋找更高性價比的醫療及其他服務，連長生店及殯葬業務也開始出現北上轉移的趨勢。

延伸閱讀︰【中年危機】40歲後仲執著呢7件事？專家警告：你嘅餘生會被耽誤！

+32

+31