【職場貼士】上司無落Order 照屈下屬跟漏 事主:應該點做?

【職場貼士】上司無落Order 照屈下屬跟漏 事主:應該點做?

作為一個稱職的香港打工仔,就要無時無刻做好為上司解決問題的準備。無奈總會有一些厚顏無恥的上司會得寸進尺,將自己的過錯推卸至下屬身上,作為下屬只有兩種選擇:一是與上司正面硬碰,選擇「劈炮唔撈」;否則只能忍氣吞聲,繼續默默承受上司的欺壓。近日就有網民在網上討論區分享了自己面對惡頂上司的經歷,慨歎上司「大石砸死蟹」,冤枉自己未有按章工作,無奈自己有口難言,不懂如何招架,為此請教各路網民該如何是好。

按圖了解事發經過:

事主:明明係上司做漏嘢,漏咗Pass啲嘢畀我。導致啲嘢Hang咗喺自己Team,無交到落下一手。

事主:佢心虛話:「唔係畀咗你做咩?」,問佢有無Record又口啞啞講唔出。

事主:平時佢只係口頭上落Order,我都好用心自己Mark Record,查過自己Record真係無收過。

事主:最後佢決定叫我用自己名義擠晒本來嘅下家。

事主:啲嘢已經過晒期,再交畀人好大機會俾人鬧。

事主:依家喺其他人眼中搞到好似係我做遲咗。

即睇網民回覆:

網民:同你上司個上司講。

網民:就算無呢一單都會有下一單,嚟緊佢一定卸晒啲嘢畀你。

網民:跟住佢真係喊三聲,早走早著啦。

網民:直接話你唔會食呢隻死貓囉,搵第二個幫你食。

網民:睇佢識唔識做人,你幫佢擋完佢又識幫返你嘅話就無所謂。

網民:大大聲話:「我幫你哽咗佢!我做細嘅點都幫你死掂佢!」記住要大大聲,自信啲咁講。

網民:搵過第二份工啦,通常係你做錯嘢佢幫你食死貓(佢身為Checker無跟好),如果要細嘅幫佢食死貓真係換得公司。

網民:我試過兩次同新上司唔夾所以走人。兩次都係男上司轉女上司,女人做上司真係好慘㗎!

網民:下屬就係要幫上司解決問題。依家畀返個問題佢令佢無面做咩?做完之後睇佢識唔識保你照住你,唔會嘅話就考慮轉工啦!

網民:行頭窄嘅話就死都唔好食死貓,做臭自己個朵好難搞。

行頭闊嘅話就食咗隻死貓佢,然後積極搵工,一有offer就攤牌,唔加人工就bye bye。

網民:第一:同上司鬥已經戇居。做嘢唔應該有階級觀念,大家職位唔同,負責唔同啫。

第二:呢單畀你拆得掂,往後相處都唔愉快啦。

結論:辭職

 

各網民基本上都持類似意見,紛紛建議事主辭職轉工。然而現今經濟不景,辭職後能否順利尋找新工作又是另一難題,事主的處境可謂有苦自己知!

極品上司何其多!立即睇下其他惡頂老闆⋯⋯(按圖即睇)

延伸閱讀:【職場文化】返工一日即辭職!老細要求早到半個鐘 仲要……

延伸閱讀:【職場熱話】拎錯上司糧單 發現人工只係多自己$500!你會覺得點?

延伸閱讀:【職場熱話】同事成日話公司衰 勸喻大家早走早着 但自己十幾年都仲喺度…

延伸閱讀:【職場熱話】員工鬧爆老細賣公司移民 網民斥:佢又唔係你老竇!

 

⏩⏩  需要請人?立即刊登招聘廣告!  ⏪⏪

Look out for further updates on our Facebook fan page!

Related News

  • 【大辭職潮】離職先知舊公司好?8成打工仔後悔辭職

  • 【人才流失】辭職人數大增!解構優秀員工離職4大原因

  • 【勞工法例】上司當面撕爛辭職信點算?僱傭條例咁樣講!

  • 【接種疫苗】因拒絕打針失業半年 零針打工仔:仲搵唔搵到工?

  • 【人力資源】被公司安靜解僱(Quiet Firing)點算好?即睇10個解決方法!

  • 【職場熱話】打工仔離職慘遭老細埋怨 老闆:遇到少少困難就辭職!

  • 【辭職學問】Last Day前夕新公司先話唔請自己 仲有冇得反口唔辭職?

  • 【辭職原因】離職率高嘅公司有咩特徵?網民:老細忌才、高薪但能力少

  • 【人際關係】打工仔一定要外向、擅長社交?事主:老闆要求我改性格⋯

  • 【轉工跳槽】拒絕Offer應否提及搵到工?HR咁樣講⋯

刊登招聘廣告
;