Next
【職場老海鮮】打工仔狠批老海鮮態度惡劣、工作能力低下 卻遭老闆力保 事主大嘆：仆心仆命做project 同老海鮮相處唔到而決定炒我！
【職場老海鮮】打工仔狠批老海鮮態度惡劣、工作能力低下 卻遭老闆力保 事主大嘆：仆心仆命做project 同老海鮮相處唔到而決定炒我！
2024-07-26
職場上，最令打工仔討厭的非老海鮮莫屬，他們恃着年資高，便擺出高高在上的姿態，欺負同事，影響員工士氣。近日，有網民於香港討論區發文，指自己新入職公司2個月，工作能力獲得部門主管肯定，唯因未能與公司的老海鮮相處，遭到公司告知將不會通過試用期，令事主感到相當失落，慨嘆「老海鮮就可以喺公司橫行無忌？」
延伸閱讀：【公司奇怪規則】離晒大譜！公司規定同事離開位必需要咁做？！網民：返中學咩？
按圖了解網民回應：
事主：想請教吓各位遇到呢個情況會點做，或者點樣調整自己心態，令自己舒服啲？話說我最近返緊一份新工，遇到一個極品老海鮮。佢喺公司做咗廿年，但問佢一啲好基本嘅公司流程嘅嘢時，佢剩係識話：「唔知、唔識、太麻煩唔做。」仲要態度勁差，每次問佢嘢，都好似求佢施捨我咁。
自此之後，好多嘢我都會避免問佢，情願自己花時間去搵解決方法。問題係，全公司都知佢態度差、好蠢而且經常做錯嘢，有啲仲係好大鑊嗰隻，但同事又話有好多嘢得佢先知，所以公司唔會炒佢，同埋話炒一個做咗廿年嘅人會影響公司形象。
最近，公司管理層叫我有定心理準備，話我好大機會過唔到試用期，因為見我同個老海鮮相處唔到……我覺得好委屈，自問每日都仆心仆命去做嘢，對老海鮮同其他同事都好有禮貌，係有時對方態度太惡劣我先會駁返佢嘴（就係個老海鮮）。我仲要每日幫個老海鮮執手尾，幫佢做晒佢唔想做、唔識做嘅嘢，全部都係我一個搞掂晒、推郁啲project。
連部門主管都話我喺公司呢2個月，無論工作能力、實際做嘅嘢都好過位老海鮮好多好多，主管都有極力遊說老細唔好炒我，但佢話應該都無咩用，因為老細一定會保住位老海鮮。
我唔係話要公司有佢無我，但我又無做錯咩嘢，仲要公司好多project都係我做晒或者靠我推郁之前積落嘅job，點解要咁對我？遇到呢啲極品老海鮮係咪要將所有唔合理嘅嘢照單全收？佢哋可以喺公司打橫行？我真係覺得好委屈、好無尊嚴……
網民A：其實你知唔知個老海鮮同老闆有咩關係？可能係親屬、心腹、好朋友？ 你都話佢喺呢間公司做咗廿年，可以服侍到同一個老闆20年，咁佢一定有個人之處，同老闆關係好好,。你講到個老海鮮做嘢幾差都好，佢至少都可以喺老闆面前有話語權。而家你同佢唔夾，公司又講到出聲唔會過到試用期，你都係努力搵份啱你嘅工啦。得唔到老闆歡心，點怨都無用！
網民B：咁嘅公司早走早着啦！
網民C：除非皇親國戚，如果唔係公司第一時間一定會炒呢啲人先。
網民D：如果你真係有料嘅，一定唔驚無工返！
網民E：老海鮮真係同7-11一樣，總有一間喺附近。
網民F：同事講咩都好，你應該信5成就算，人哋同你講吓，你就當人知心好友，信到十足十。職場最多見人講人話，見鬼講鬼話嘅人，就算係老細都唔會同你講真話啦。出嚟做嘢，千祈唔好咁易信人呀！
網民G：除咗佢係老臣子呢個身份之外，我諗唔到咩原因老細會咁保佢……
網民H：佢哋除咗可以橫行之外，仲可以斜行！
網民I：有能力咪你揀工，無能力就工揀你。
網民J：所以你遲啲老咗，一定要保持初心，唔好畀自己做最憎嘅老海鮮。
網民K：既然公司都話你過唔到試用期，不如之後每逢老海鮮串你或者又推晒啲嘢畀你做嗰陣，你大大聲鬧返佢轉頭，出返啖氣都好呀。
延伸閱讀：【職場文化】警世！千祈唔好同40+「老海鮮」有交流！網民：喺佢哋眼中後生就係罪！
不少網民都對事主表示同情，認為每間公司都幾乎有老海鮮存在，他們好逸惡勞、固執己見、橫行無忌，經常對其他同事抱有惡劣態度，又會恃着年資高而欺負其他同事，確實令人討厭，網民紛紛安慰事主，認為事主工作既然受到主管肯定，相信其他企業都會青睞事主，當中總有一間有良好工作文化及好同事的企業。
有部分網民指出，雖然老海鮮十分惹人討厭，但他們能夠長時間任職同一間公司，肯定有過人之處，甚或他們是老闆多年的朋友或親戚等，網民都建議事主應該盡快調節心態，避免在另覓工作時因此事打擊事主的自信心。
延伸閲讀：【FG中伏記】公司冇個好同事？00後大學畢業生中大伏！力數同事兩大難頂行為
按圖即看老海鮮最叻的技能是甚麼：
延伸閲讀：【職場熱話】「老海鮮」同事每日周圍放負 打工仔：點樣同佢避免接觸？
按圖即看老海鮮多行不義必自斃的事件：
延伸閲讀：【職場熱話】一人一個返工領悟嘅真理！識人好過識字、做嘢唔好做太快、切記要扮蠢！
最新專訪片︰
【星級斜槓族】JACE陳凱詠自組工作室成獨立音樂人 新歌《間歇性休眠》紀錄人生低谷期 鼓勵大家勇敢面對人生考驗
Look out for further updates on our Facebook fan page!
Related Articles
Follow CTgoodjobs for the latest career news, hot topics and recommended jobs!