【職場熱話】陸續踏入30歲 令90後難以接受？網民：自覺仲未大透

「時日太快，無知的小孩一晚長大」不知不覺一眾90後都漸漸踏入30歲，最年輕的90後都已經22、23歲。最近就有人在網上討論區發起討論，指自己即將30歲，但仍然未能接受到這個事實，網民都紛紛表示同意，「自覺還未大透」。

點圖了解更多網民回應：

延伸閱讀：【兩性關係】30歲未結婚有問題？打工仔被同事催婚︰顧好自己先啦！
延伸閱讀：【人際關係】聚會只講工作同錢 打工仔嘆現實︰人越大越無真心朋友

A/完全接受唔到，我仲係覺得自己係後生仔女，但喺電視同YouTube啲明星同KOL全部都細自己5-6年。發現自己啲皮膚無晒彈性，要用啲貴價護膚品先keep到
B/就嚟30歲，但我都仲係大唔透
C/我今年29歲，依然同好似5年前咁，自覺無咩用
D/我覺得要成日做運動先keep到
E/Feel到個身體開始唔夠力，踢場波成身⻣痛，早幾年連續踢幾日都仲得
F/我今年29歲，但人工都仲係得到15K，無份做得長，覺得自己好失敗
G/我30歲咗幾個月，已經開始睇化咗，老就老啦
H/開始怕曬太陽
I/我一直都唔覺得自己老，但到有時睇吓啲舊相再照下鏡，發現自己個樣真係老咗，到而家我都仲係鍾意打啲無聊遊戲，鍾意玩同睇動漫，覺得自己同讀緊書嗰陣心態差唔多
J/過多幾個月就32歲，19年到而家，啲時間過得好快
K/唉，可能人老咗，新陳代謝慢咗，明明食嘅嘢都係咁多，但呢兩年重咗2-3kg，啲頸紋又明顯咗
L/就快30歲，好大壓力，又要諗結婚，結婚又要諗生仔，生仔又要諗移民，移民又發覺自己無技能無錢
M/我係80後，我覺得係睇心態，我仍然好有衝勁，好熱血

 

30歲只是個開始
在踏入30歲前，我們都會被一種恐懼籠罩，認為我們還未達成某些目標、成為理想中的模樣，而自覺失敗，其實這都是我們給予自己的限制。誰說30歲一定要達成某種目標？每個人的成長速度也不一樣，只需要做自己就好。無論我們是多少歲，我們都可以做自己想做的選擇。不妨走出這個框框，你會發現其實30歲只是一個人生的開始。

有甚麼事是30歲一定要知道？點圖了解20件30歲前一定要知道的事！

延伸閱讀：【職涯規劃】31歲打工仔失業想提早退休 儲蓄310萬加有物業 網民勸籲︰唔好！
延伸閱讀：【職場熱話】30歲月入3萬慨嘆買唔起車 打工仔：家用畀多咗

⏩⏩  需要請人？立即刊登招聘廣告！  ⏪⏪