【網絡熱話】30歲失婚婦人10年工作空窗期 想重投職場可以點?網民:去酒店做執房

【網絡熱話】30歲失婚婦人10年工作空窗期 想重投職場可以點?網民:去酒店做執房

正所謂「家有千金,不如一技旁身」,擁有一門手藝或專業知識,可以讓你較容易在逆境下生存,否則可能只能出賣勞力換取金錢。日前有一名30歲離婚婦人在討論區發文,她指自己自21歲結婚後便全職做家庭主婦,有接近10年工作空窗期。近來與丈夫離異後,她想重投職場卻屢受挫折,因此詢問其他網民的意見。

延伸閱讀:【職場貼士】為重返職場作準備 5招助應徵者突圍

按圖了解事主心路歷程:

事主:「有無人試過好多年無返工,又順利重投社會嘅經驗?我21歲就結咗婚,今年30歲最終都係離婚收場,唯一好彩嘅係無細路。不過我結咗婚之後就無再做嘢,工作經驗可以話係零。我無要前夫贍養費,而家靠緊自己咁多年來嘅少少私己錢過活。」

「而家想做返嘢真係好難,唔知係經濟差定真係無人請,搵咗好多份工都無回音。我鍾意煮嘢食,原本諗住飲食業好易有人請,有apply廚房工作,但都係無聲氣。個人好灰,諗過好無讀返書進修自己先,但係又唔知可以讀乜。個腦靜唔到落嚟瞓唔到覺,情緒接近崩潰。搬咗返阿媽度住,但係太多年無一齊住,生活習慣好唔同。好想搵到嘢做之後就搬走,好辛苦⋯⋯」

網民意見:
網民A:21歲畢業嫁人,做9年呀太,工作經驗得返18至21歲兼職,又無特別技能,我諗無人會請。就算係接待處,都只係會請ugrad小妹妹。
網民B:無咩經驗主要都係做倉,一係送貨。最緊要唔好諗太多,去做就是了。
網民C:做地盤呀姐,呀豬呀狗都請,虛心啲醒目啲就長做長有。
網民D:學做修甲、美容、化妝,到時移民開埋舖做老細都得!
網民E:樓主你去做酒店執房啦,你專長係家務呀嘛,實難唔到你。
網民F:全職主婦又唔洗湊小朋友,應該有好多時間增值自己,但你又靠晒老公,而家唯有由低做起。
網民G:同我阿媽以前一樣,又係好多年無做嘢,不過佢最後都搵到份sales做,香港地有手有腳唔會餓死人。
網民H:有學歷嘅可以試下去銀行做teller,無學歷就去做清潔、保安、便利店。
網民I:做家務助理囉,做得好嘅百幾二百蚊一個鐘都有,唔怕辛苦就得。
網民J:去再培訓局讀安老相關專業課程,由於行業本身非常欠缺人手,攞咗資歷認可後,應該即刻搵到工。

本港最新失業率回升至4.5%,很多打工仔失業後大嘆,即使已寄出數百封求職信都完全沒有回音。不過打工仔沒有工作,也不一定要手停口停,以下有7個由求職專家整理出的方法,教大家如何待業中都有收入。

7個待業賺錢的方法:(按圖了解)

延伸閱讀:【職涯規劃】35歲踏入職場危機?不想被淘汰 必認識10大對策

延伸閱讀:【職場理財】30歲儲蓄應有OO萬?教你哈佛教授存錢法輕鬆儲錢

延伸閱讀:【職場熱話】打工仔疲情失業壓力大 失眠負能量爆登 「屋企人仲要被說話我聽」

如果大家在職場上有不開心想發洩,或是對《勞工法例》有疑難,歡迎投稿給我們,我們會盡量解答你的問題,當打工仔的樹洞!👉 https://forms.gle/o2K2DaZWXzLFhypT7

⏩⏩  需要請人?立即刊登招聘廣告!  ⏪⏪

Look out for further updates on our Facebook fan page!
刊登招聘廣告