【求職面試】打工仔不斷見工 發現公司出offer同見工表現無關係？事主：面試in得好差，但竟然都畀offer我……

面試是在整個求職過程中最重要的一環，讓面試官可以與求職者面對面對話，讓面試官可以藉此觀察求職者的工作能力是否達到公司要求。然而，即使打工仔自覺面試表現不錯，卻未能獲得錄取，確實使人氣餒。

近日，有網民於連登討論區發文，指自己察覺到即使面試表現未如理想，但仍可獲得公司錄取，因此直言「發現出offer真係同你見工表現完全無關係」。

延伸閱讀：【見工必備】見工面試要帶咩？打工仔打滾中環10年 教路必備呢兩樣嘢！

按圖了解網民回應：

+14

+13

樓主：我發現公司出offer真係同你見工表現完全無關係！話說我上年見咗超過10份工，全部都衰晒，最後有一份係send完CV，間公司隔咗9個月先搵我去見工，中間我仲要in得好差，最後硬住頭皮in埋落去，最後都有offer……

網民A：多數都係睇感覺，表現只佔30%。

網民B：請人係合眼緣，面試根本就睇唔到你做唔做到嘢，但就知同你做嘢夾唔夾。

網民C：前面有3條友試用期完之前畀人炒咗！

網民D：似係有人放棄，先有offer畀你。其實你要檢討吓自己點解見10份工都會衰咗，唯一一份見得成嘅工都係要等人哋唔要先有！

網民E：聽落份工好伏，好等人用……

網民F：求職者好唔等於一定請，佢哋驚你太叻好快會另謀高就，或者對份工失望，同埋專業知識以外，會睇埋你性情同溝通能力。

網民G：見工好多時HR都係睇你係咪識正常溝通，有啲人可能能力高，但見工嗰陣又表現唔到自信，或唔可以正常溝通，佢哋就因為咁而畀人篩走咗。

網民H：因為本身份工唔吸引、競爭少你先唔緊張，認真或者hea in都大機會有offer。如果份工吸引、自然競爭大，你認真in都未必有offer。如果份工係你top choice、大公司、福利好，你仲會唔會hea in？

網民I：試過跟老細in人，總共見咗2位，一位CV好好，不過講嘢㪐㪐㩿㩿，又不斷errrr同口窒窒；另一位就CV一般般，不過講嘢有文有路，有自信好多。最後老細請咗第二個，當刻我就知道面試有時候自信先係最重要！

網民J：試過見份日資admin，面試嗰陣叫我用英文講吓自己性格又講唔出，英文筆試喺email一隻字都寫唔出，最後竟然畀offer……

網民K：有時朋友拍晒心口介紹啲工都係咁，話份工好等人用，有手有腳就請。有人refer，見工嗰陣大家又好好傾，又講哂幾時返工嗰啲，以為一定請，點知又係等消息……

延伸閱讀：【見工面試】同一間公司10次面試都失敗！求職者百思不解！網民推測1個關鍵原因！

對於事主的分享，不少網民都有所共鳴，他們指出面試主要目的是讓面試官可以觀察求職者是否合眼緣，例如他們的談吐、是否自信、氣場等，藉此判斷求職者能否與公司同事融洽相處，因此只要求職者表現正常，便會決定聘請。

有部分網民認為，事主獲得聘請實屬僥倖，並質疑該公司是「伏工」，很大機會是曾接受該公司的錄取的求職者因未能適應公司文化或工作量過大而決定離職，事主才能因此有面試機會，加上事主曾面試10間公司亦不獲聘請的往績，部分網民建議事主應審視自身缺點並加以改善，讓自己成為有選擇權的一方，而非等待幸運降臨。

延伸閲讀：【面試奇怪事】見見吓工 HR突然要求求職者展示歌喉！事主大嘆：我又唔係要做歌手 叫我唱歌係咩事……

按圖即看見工成為有甚麼微兆：

+14

+13

延伸閲讀：【銀行見工】銀行投行面試著咩最好？全黑西裝戴名錶會出事？一文睇清銀行面試男士10大衣著貼士

按圖即看面試時12個大錯誤：

+10

+9

延伸閲讀：【見工衣着】着西裝面試 竟被HR取笑？求職者怒火中燒！網民抱不平：狗眼看人低！

最新專訪片︰

【office豪華旅行團】GT Group超日系辦公室展現年輕活力 仲有Poolside畀員工放水燈！

⏩⏩  需要請人？立即刊登招聘廣告！  ⏪⏪