Next
【月入幾多先正常！】香港生活成本高 究竟要月入幾多先夠生活？網民：唔使供樓月入$2萬至$2.2萬就夠！
【月入幾多先正常！】香港生活成本高 究竟要月入幾多先夠生活？網民：唔使供樓月入$2萬至$2.2萬就夠！
2024-06-26
早前，有報告指出香港是全球最高生活成本的城市，不少打工仔慨嘆需要精打細算才能在香港生活下去。故此，不少打工仔都努力拼搏，希望不斷提高薪酬待遇，以應付日常支生。近日，有網民於連登討論區發文，好奇在香港生活，每月應該要有多少薪酬才能稱為正常，可以應付日常支出，亦有閒錢享受娛樂項目？
延伸閱讀：【人才流失】離職後被上司稱讚「低薪又好用」 事主：唔知笑好定喊好
按圖了解網民回應：
樓主：究竟今時今日，月入幾多先叫正常同夠生活？
網民A：屋企人唔使供樓就$2萬至$2.2萬左右都夠有；伴侶就加$2千；畀家用加$3千；有家庭加$1.5萬；要供樓加$1.8萬至$2萬，條數咁計就差唔多啦！
網民B：只睇正職月入無意思，最好埋睇埋投資、副業嗰啲，計總年收入幾多先得。
網民C：個人認為20歲至25歲最好有$1.6萬至2.5萬人工；26歲至30歲就$2.5萬至$3萬；30歲以上就$3萬以上，再之後就要睇你際遇，好多人去到某個人工就唔想再搏殺，求安穩就算。
網民D：其實無得咁計，你大學讀咩科已經幫你分咗流，好難再升去另一個階級。唔計特例，讀文社科，出到嚟只係得$1.5萬以上，頂薪嘅話都係得$3萬至4萬；讀輔助專業嘅科、護士老師之類，起薪已經$3萬，頂薪甚至去到$6萬至7萬；讀會計、工程雖然好大浮動，但係一般嚟講捱到嘅話又會高過讀輔助專業嗰班；讀神科就起薪已經係end game；你無讀大學、讀大專做普通文職搵到$2萬已經算唔錯。
其實唔可以咁簡單講人工幾多先正常，每個階級分野咁明顯，假設你同伴侶兩個做啲要考牌嘅工，兩個加埋年薪輕輕鬆鬆過百萬，對佢哋嚟講咁樣先叫正常。但如果有一pair情侶2個都只係做普通文職，年薪百萬根本就遙不可及……
網民E：人工嚟講睇統計署數據，全港最多人係搵緊$2萬至$2.5萬呢個range，如果只計大學畢業就係$4萬至$5萬，但呢個係所有大學畢業生嘅中位數，即係你當40幾歲大約係呢個range度。
網民F：唔計FG，有做嘢幾年經驗開始計，26歲開始將年齡X $1,300應該先叫正常！
網民G：唔使為住擔憂嘅話，其實月入$2萬至$3萬已經夠應付生活有突！
網民H：物欲大，搵幾多都唔會覺得夠用，最緊要生活開心同健康就得，當然前提係你月入夠應付生活開支。
網民I：不如你睇市場調查或者政息嘅入息報告啦，呢啲通常都準。
網民J：如果單身，同屋企人住，月入萬幾蚊已經夠晒！
網民K：正唔正常其實係應該用自己行業嚟比較，唔通我攞掃地姐姐同醫生、律師比？
延伸閱讀：【加人工秘技】轉工加人工 升幅一定高過長留喺公司？網民：魚唔過塘唔肥真係定律嚟
帖文一出，旋即引起網民熱列討論，他們都認為收入正常與否需要考慮不同方面，例如是否與父母同居、有否伴侶、有否養育子女、消費欲、所屬行業等，因此不能一概而論，有網民認為最好檢視自己收入是否正常的方法是與自己行業的職位作出較，才較為合適且公允。
但就網民整體意見而言，20歲至30歲平均月入為$2萬至$3萬；30歲以上有$3萬以上的月薪較為合理，再應因自己的際遇或目標再有所調整。此外，有網民亦引用政府統計處數據，指出香港月入中位數為$2萬，因此月薪高於2萬以屬正常水平。
延伸閲讀：【打工仔幸福感】月入逾$O萬 幸福感會較！6成自認幸福感高打工仔 有4大特點！
按圖即看7句爭取加薪的實用英文句子：
延伸閲讀：【打工仔薪酬】人工1萬都夠使 仲儲到錢？事主自揭有2大原因！
按圖即看5招助提升加人工成功率：
延伸閲讀：【薪酬待遇】打工仔加人工 竟然只加得OOO？事主大怒：加完等於無加過咁濟！
最新專訪片︰
【星級斜槓族】JACE陳凱詠自組工作室成獨立音樂人 新歌《間歇性休眠》紀錄人生低谷期 鼓勵大家勇敢面對人生考驗
Look out for further updates on our Facebook fan page!
Related Articles
Follow CTgoodjobs for the latest career news, hot topics and recommended jobs!