【公務員內幕】做確診Case都冇Full Gear? 救護員網上呻︰無人理我哋…

【公務員內幕】做確診Case都冇Full Gear? 救護員網上呻︰無人理我哋…

新冠肺炎爆發至今,醫護人員一直緊守崗位,為患者提供最合適的治療。不過,當大家以為香港人有過2003年沙士 (SARS)經驗,對防疫措施有更深的認識,一群政府的救護員卻在網上大呻,除了在疫情期間,市民濫用救護車,增加前線醫護壓力,有救護員在工作時,更因為缺少較高級的個人防護裝備,接觸事後被確診新冠肺炎的患者,但有關部門卻只將該救護員定為非緊密接觸者,救護員無得接受隔離,被鬧罔顧前線人員的安全。

【新冠肺炎懶人包】
最新Update政府措施新冠肺炎 VS傷風感冒邊區返工最危險?在家工作病毒檢測37個高風險活動口罩令袁國勇點樣講?隔離營安排禁堂食

*圖非當事人

 

救護員網上呻︰無人理我哋
救護員工作量向來大,最近疑有人壓力爆煲,於Facebook專頁「公務員Secrets」大爆工作時的辛酸︰「我係一個救護員,最近有同事做Call時,因為無需提升至較高級別嘅個人防護裝備,所以只係帶咗外科口罩、眼罩,同一個有帶外科口罩嘅Patient (事後發現原來係確診者)接觸,但居然被衞生署定義為非緊密接觸者」,他更表示該救護員完成是次工作後,家居檢疫、隔離都沒有,大鬧「好荒謬」。

救護車不滿現時的工作安排,非單一事件,早幾日亦人自稱是救護員的網友,指在開車期間為了減低病毒傳播至其他地方,高層指示不能開車內冷氣及小風扇,只可以開車窗,他說︰「我唔係要開冷氣,我想有少少風啫,唔想內褲都濕,一更8個鐘唔計OT,濕到痕呀!同自己間局啲老闆講過架,佢咪又唔理,坐冷氣房,有無跟過我哋兄弟出過去一轉呀!」他更指即使向高層表達意見,依然無解決到救護員現時的問題,只能說一句「鬼叫我窮呀!頂硬上」。

延伸閱讀︰【新冠肺炎】同住大廈有確診 須放AL等檢測結果 員工網上爆︰公司計到盡

市民濫用救護車 救護員︰唔係免費的士
廣告經常有講「切勿濫用救護服務」、「留返畀有需要嘅人」,但總有些人無論只是輕微頭暈或眼花,都堅持使用救護車,阻礙救援工作,令有真正需要的市民得不到最快的治療。有救護員就在網上投訴「救護車唔係免費的士,醫院唔係畀你去渡假去休息嘅地方。少少頭暈就叫救護車去醫院,明知自己有三高就注意飲食,準時食藥,做吓運動啦。二三百磅要我哋抬你落樓,我哋唔係淨係服侍你一個呀!」,他更指在疫情期間,救護員經常忙到無時間食飯,甚至一更踩14至15小時,但最令他們痛心的,是有很多市民在抗疫期間周圍去玩,特別是在酷熱天氣下行山,中暑、扭傷腳又分薄救援服務,因此他呼籲大家留在家中抗疫,待疫情有好轉才回復正常社交生活。

延伸閱讀︰【新冠肺炎】點解全民檢測唔配合禁足令? 特首:香港情況承受唔起

CTgoodjobs 推出全港首創 WhatsApp 搵工平台「搵工快」,八大行業 2,000+ 前線、兼職空缺等緊你!

⏩⏩  需要請人?立即刊登招聘廣告!  ⏪⏪

Look out for further updates on our Facebook fan page!

Related News

  • 【政府工略】公務員群組瘋傳「害羞小女生」表白潮文 打工仔︰好hehe呀!

  • 【中年轉工】40歲由銀行轉做政府工?碩士打工仔月入$57,000︰擔心入去就一世

  • 【政府工略】29歲做7年ACO月入$24000 住公屋有30萬儲蓄 因咩事怕無未來?

  • 【政府工略】公務員少打扮?女同事化妝扮靚返工被恥笑 打工仔︰政府工都有辦公室政治

  • 【新冠肺炎】公司想同事打疫苗 打工仔驚覺經理級秘密!

  • 【政府工略】衞生署請公務員!牙科手術助理員中學學歷就做得 月薪最高$35,040

  • 【政府工略】IT畢業生轉考ACO?自稱過來人列公務員12大好處

  • 【政府工略】自稱公務員網上大踢爆3宗罪︰EO係被欺凌對象

  • 【政府工略】衞生署請兩助理職位 月薪$12,275及$17,295

  • 【政府工略】衞生署請健康監察督導員 中學學歷 月薪$17,605仲有獎金?

刊登招聘廣告