【職場管理】「警告信」根本無實際作用？ 網民：我未見有人收完會更加努力或辭職……

公司警告信是企業管理員工紀律和表現的重要工具，通常用於提醒員工其行為或工作表現未達標準，並給予改進機會。根據香港《僱傭條例》第9條，僱主可在員工嚴重違規時即時解僱，但這種「極刑」須有充分證據支持，否則可能面臨法律責任。警告信本身並非即時解僱的必然前提，坊間流傳的「三封警告信即炒」並無法律依據。

網民在網上平台「Threads」上發文以「魔幻」來形容公司派警告信的行為，續指據其觀察，一旦打工仔收到警告信，90％員工會在半年至一年內辭職，而餘下的10％員工會即時辭職。網民認為任何一個打工仔一旦收了警告信也會另謀高就，而不會真的受到「警告」因而努力改善工作表現，故他並不明白發警告信的意義何在，引來一眾網民熱議。

即睇派警告信有幾「魔幻」？（按圖了解）

+17

+16

事主：派Warning Letter呢件事，真係好魔幻。

通常如果唔係紀律問題，例如遲到及曠工等，而係員工Under perform，派Warning Letter的話，90％員工會喺半年至一年內遞信，而餘下的10％員工會即時辭職。我未見過有人收完警告信後唔係即時搵工走，而係發奮圖強。

員工工作唔達標，一係佢刻意偷懶，咁不如直接炒咗佢好過；二係香港的情況，多數係Overload，咁你派十封警告信畀佢都無補於事。

而好多時個Overload嘅員工辭職後，要請返兩三個人先頂得返佢。

下屬Underperform好多時係因為佢處理緊一啲超過佢能力範圍嘅工作，上司反而要留意個問題係邊，究竟係唔夠人？佢唔識做？定係公司無畀足夠資源佢做？

網民A：香港嘅職場環境有一個老大難嘅文化，就係非常重視硬件，而忽視軟件嘅重要性（例如人際關係，公司文化或者部門結構等）。

網民B：最弊係香港大部分上司都唔識你咁諗！以為炒咗一個請返個新就可以了！

網民C：除非無可奈何，否則公司出得Warning Letter其實都預咗個同事會走！

網民D：我試過走咗之後，經理打電話返嚟問功課……

網民E：識管理嘅通常都傾吓先，傾無可傾先出信預備行動！但總有人自以為是！

網民F：做嘢邊有Under Perform，都係辦公室政治的說辭！

網民G：好睇管理文化！

網民H：Overload嚟講，無權開Head Count咪唯有做晒啲前線事！

網民I：公司周圍都有計時炸彈等爆！

網民J：見過收Warning之後等到被人炒嘅案例！

網民K：其實即炒唔易！

網民L：等於皇上御賜毒酒！

警告信在香港職場常被視為「走人信號」，對提升員工表現的實際作用有限。有效的職場管理應超越形式上的警告，注重溝通、理解及資源配備，從根本解決員工的工作困難。僱主與管理層需提升管理技巧，建立支持性文化，才能真正促進員工成長與企業發展。警告信應作為輔助工具，而非單一手段，避免淪為員工離職的催化劑。

延伸閱讀：【勞工福利】公司人手不足 同事捱義氣身兼多職位 公司請到人之後竟第一個被炒？

+22

+21

延伸閱讀：【小心中伏】HR無理要求一秒激怒OT打工仔 網民共鳴：我仲試過因為咁收警告信……

延伸閱讀：【解僱員工】新入職一個月秒被炒 老細解僱原因竟然係⋯⋯ 網民：藉口嚟嘅啫！

►最新【政府/公共機構】職位空缺  

►最新【行政】職位空缺   

►最新【銀行/金融】職位空缺

►最新【非政府組織/社福】職位空缺      

►最新【人力資源】職位空缺   

最新專訪片︰

【office豪華旅行團】GT Group超日系辦公室展現年輕活力 仲有Poolside畀員工放水燈！

⏩⏩  需要請人？立即刊登招聘廣告！  ⏪⏪