【職場熱話】老闆疑心病嚴重懷疑員工偽造中學畢業證書、穿櫃桶底

2021-08-31

職場上最難應付的老闆之一，就是有「疑心病」的人。在他們眼中所有員工都不可信，在嚴密監視下讓人工作起來困難重重，辦公室環境更令人窒息。最近有打工仔分享疑心重的老闆事跡，指她不但懷疑員工偽造中學畢業證書，更「屈」人穿櫃桶底，令當事人憤然辭職。

延伸閱讀：【網絡熱話】同主管報備遲到後仍收警告信網民：早走早著

按圖了解事發經過：

打工仔表示：「話說我前公司係一間位於觀塘嘅細公司，全公司office得幾丁友。老闆係兩公婆，男嘅係超級自大狂，女嘅有超級疑心病，成日懷疑人哋陰佢同間公司。個老闆娘好易就唔鍾意而針對同事，會講另一個同事壞話，但又唔敢炒人，因為出手太低成日請唔到人。有一次佢叫我私下打去間中學check一個同事嘅中六證書堅定流，要我出封信畀間學校。因為覺得佢做事甩漏多英文又差，我心諗你都多餘嘅，係都整張大學證書啦，整張中六DSE把鬼咩，重要科科肥佬包尾。直到有一次，佢竟然屈我，話我幫公司買嘢時特登買錯，價值幾舊水。但我記得係佢指明要我買，點知佢超激動話我講大話，仲私下打去間舖查我。有理說不清，嗰下真係嬲到痴線，一怒之下即時劈炮賠咗一星期代通知金。」
（以上內容來自Facebok專頁「奴工處」）

正所謂「疑人不用，用人不疑」，遇到這些疑神疑鬼的老闆，長久工作下去不但得不到工作滿足感，能力未能好好發揮，甚至會令情緒更差。與其強行抑壓自己，倒不如轉換工作環境，找一間真正懂得欣賞員工的公司。

要判斷一間公司值不值你留下，可根據以下6大指標，測量工作環境的「含毒量」：（按圖了解）