【職場熱話】新工加20%人工 舊公司挽留加15% 打工仔陷兩難 新公司竟然……

【職場熱話】新工加20%人工 舊公司挽留加15% 打工仔陷兩難 新公司竟然……

打工仔返工的最大目的是甚麼?當然是錢吧!人工是每個打工仔都關心的議題,有得加人工固然是好事,不過有些公司卻underpaid兼沒人工加,轉工來提高薪金似乎是唯一選擇!可是,這次公司卻……

延伸閱讀:【另類職人】凶宅清潔師見盡凶案現場 血跡未算最驚心 更試過被報夢…

有網民在社交平台專頁「奴工處」上投稿,以「兩邊都加人工畀我,我十五十六」為題分吇道:「是咁的,我原公司出名underpaid,但係多嘢學。做到耐咗,諗住in吓工睇吓自己咩價,同埋拎住個offer同原公司講加人工,唔加就辭職,做兩手準備。點知in嗰間勁大方,加咗2X%人工。遞咗信點知上司留我,幫手出聲同上面爭取,我諗住上司冇咩牙力,就話好。點知真係加,加咗15%,冇得唔留低還人情債。同in個間講唔去,點知佢加碼,加到40%,依家十五十六……」

 

加40%都還要考慮嗎?即睇網民回應:﹙按圖了解﹚

網民:「同上司講聲:『你對我嘅好,在心中!江湖再見。』」

網民:「仲要話:『我上咗位後,帶你嚟我公司做,一齊搵食!』」

網民:「出嚟工作係為搵錢,不要同工作談感情。」

網民:「香港原來咁多人返工係因為愛。」

網民:「今次加15,你留咗之後幾年就唔加㗎啦!」

網民:「加到40%都仲諗?舊公司加15%可能要做返多50%嘅嘢……」

網民:「加40%唔使諗啦吓話? 一路都underpaid,下次都唔方會再加得多畀你。分分鐘幾年都冇得再加。」

網民:「公司就係咁㗎啦,你一日唔走,佢唔會話幫你爭取,亦無機會升,平時就話你唔掂,想你自己走人,到你話走啦,佢就話你做得多,做得好,做咁多年得你清楚啲嘢,但到真係加畀你,又要求多多做多啲,你都唔諗吓我一直都愈做愈多,但人工都仲係14年前做呢個位嘅同事份人工,仲要話畀多咗我,當我唔知囉!」

網民:「我有啲陰謀論,總覺得新嘅加到咁勁咁唔尋常……都唔知係咪有一大攤屎無人接先咁。」

網民:「走啦,睇吓出面個世界係點,40%係值㗎!」

網民:「走吧,出嚟打工,主要目的係求財呀。唔走第時你好大機會會後悔,大佬原公司加咗你15%咁大把喎,你留低,佢唔用到你盡,點冚返條數。」

網民:「呢啲都叫人情債,咁你一世負資產。唔好畀人情緒勒索,咩『幫完你都要走?!』」

網民:「新公司!原公司之前出手咁低,今次之後都唔方會加幅大,魚唔過塘唔肥呀!」

 

魚唔過塘唔肥
其實新公司加到40%,都真的沒有理由不走吧?畢竟就如網民所說:「出嚟工作係為搵錢,不要同工作談感情。」各位打工仔打工都是求財為先,有合理的人工,工作才會更為暢順。

雖然事主覺得舊公司為自己增取了加人工,理應留下來還人情債,不過有網民提醒道:「呢啲都叫人情債,咁你一世負資產。唔好畀人情緒勒索,咩『幫完你都要走?!』」

經過一輪網民分析後,其實大部分都覺得事主應該去新公司,見識一下這個世界,人工與眼界都會有所提升。如果大家經歷事主的情況,都會選擇轉工吧?

延伸閱讀:【另類職人】凶宅清潔師見盡凶案現場 血跡未算最驚心 更試過被報夢…

延伸閱讀:【戶外工作】以新聞攝影紀錄歷史 上山下海、更曾中彈 只憑一份使命感

延伸閱讀:【另類職人】劍擊十年 由運動員到社工 轉職感言:兩者最着重同是「溝通」

延伸閱讀:【轉職故事】前攝影師到老字號銀都冰室學沖奶茶 賣樽仔奶茶延續傳統

延伸閱讀:【全職爸爸】由舞蹈員到全職爸爸 試過凍水開奶、搽錯cream、仲有唔小心……

⏩⏩  需要請人?立即刊登招聘廣告!  ⏪⏪

Look out for further updates on our Facebook fan page!
刊登招聘廣告
;
Follow CTgoodjobs for the latest career news, hot topics and recommended jobs!
Maybe Later Follow