【世代職場觀】準時收工=浪費時間！資深員工炮轟新一代：收工淨係識煲劇碌手機網民反擊鬧爆

CTgoodjobs' Editor

Published: 2026-02-19

Updated: 2026-02-19

近日，有資深員工在網上發文，批評新一代打工仔「一到放工時間就立即關機走人」，甚至直指準時收工是「浪費時間」，認為年輕人放工後只懂煲劇、打機、碌手機，既不進修、又不加班，完全欠缺上進心，更與自己當年「捱更抵夜、死跟老細」的工作態度相比，大感不值。這番言論一出，即時在網上掀起強烈反彈，成為世代職場價值觀衝突的縮影。

打工仔熱話速遞：00後唔過試用期│請內地專才都唔請00後│中年網民給00後15大忠告

準時收工=浪費時間？

+23

+22

樓主：講真，我唔係幾建議後生仔只係追求「準時收工」。如果收工之後淨係碌電話、煲劇，咁只係換個地方逃避人生。我見過真正勁嘅人，6點收工，6點半已經喺健身室、進修。佢哋唔係為公司搏命，係為自己升level。你收工後嗰4個鐘，用嚟做咩？夠唔夠膽講句真心話？

網民A：講真，我唔係幾建議你建議我。
網民B：收工之後都係畫漫畫。而家度緊新漫畫。都係平時收工放假先有時間做嘅嘢。
網民C：好奇，點解你要理人哋收工後4個鐘做咩？
網民D：我收工會去跑步健身，但唔需要亦唔會畀你拎嚟情感勒索其他人。每個人做完自己份工，都有自己嘅自由時間，一切係自己嘅選擇。拒絕比較。
網民E：你建議得好好，建議你下次唔好亂咁畀建議。
網民F：你理人做咩啫？我每日準時收工，唔係好好咩？身體健康，身心愉快，搵得重多過你。
網民G：搵到自己嘅生活方式先最重要，唔係一味叫人努力，好嗎？我都遇過嗰種每日將自己行程排到滿晒，但實際問起又唔知自己點解要生存嘅人，睇落好上進啫，但呢啲係真係自己想要㗎咩？定係社會覺得你應該要？
網民H：平時返工都要早10至15分鐘到啦，點解仲要剝奪我收工嘅時間？
網民I：咁你又唔講下自己做緊啲咩，淨係要求人哋？
網民J：講真，準時收工係阻住你咩？

多數留言都對「干預他人下班時間安排」的觀點表示強烈反感，認為準時下班後如何運用個人時間，屬於個人自由選擇，旁人無權置喙或道德綁架。有人指出，下班時間本就有限，自己會用來畫漫畫、構思創作、做運動或健身，也有人強調，只要上班時已完成職責，下班後追求身心健康、享受休息，並不影響專業表現，更無需向外人交代。有意見批評，與其高高在上「給建議」，不如先檢視自身行為，別單方面要求他人努力，卻忽視每個人對人生節奏與目標的不同理解。亦有網民直言，平日已經提早上班，實在沒有理由再被剝奪下班時間；準時收工既未妨礙他人，亦未損害公司利益，根本無需被貼上負面標籤。

🔗職位空缺傳送門🔗

延伸閱讀：【世代之爭】上司派job冇人肯接？2個00後一人一句金句KO全場！網民大讚：好勇！

+24

+23