Discovery Feed is launched!
【IT熱話】見工坦承曾hack公司電腦發現有bug 老細即請！
CTgoodjobs' Editor
大家公司的IT同事可靠嗎？之前有些網民曾分享公司IT同事很閒，最大的任務是製作有毒電郵鎖同事電腦，旨在讓同事知道網絡安全卻阻慢大家工作進度；不過，有些公司的IT員工卻身懷絕技，改善公司系統之餘，更不停測試出系統的漏洞，然後將系統升級得更加完善。你公司的IT同事又是哪一種呢？
延伸閱讀：【職場熱話】以為倉頡、九方過時 速成、筆劃成主流？網民：新同事唔識打字…
最近有網民在社交平台專頁「奴工處」分享，指公司有個IT同事非常厲害，入職的事跡更非常「巴閉」，他分享道：「公司有個IT同事programming同事好勁，但個人奇奇怪怪，唔係點同人講嘢，後尾聽同事講，老細in佢嗰時，佢話之前hack咗公司server發現有bug，老細覺得佢幫咗大忙而請咗佢。」大家都對該同事坦承曾hack入公司系統嘖嘖稱奇，如果你是該老闆，你會請這位IT同事嗎？
即睇網民回應：（按圖了解）
網民：「咁都得？」
網民：「幾多大公司重金禮聘hackers去測試自己公司 IT 系統嘅漏洞，依家可以相對平價請一個返嚟長駐公司真係賺咗！」
網民：「Google好似有白客比賽！」
網民：「請咗佢唔炒得佢。」
網民：「請佢=放個炸彈在身邊；唔請=即時引爆個炸彈；然而，今日割一城，明日割十城，可有多少個城池可割？搵商業罪案調查科幫手可能會好啲。」
網民：「返工成日吹水仲奇怪，請你返嚟做嘢㗎嘛，講嘢㗎咩？」
網民：「資訊保安成本好貴支出，仲要喺深淵嚟請到個勁人返嚟！老細先勁！」
網民：「有呢種老細間公司應該有啲前途！」
網民：「做IT內向啲都好正常，人哋呢啲叻人世外高人嚟！唔同非夫俗子一般言語。」
網民：「我公司啲IT竟然好鬼多嘢講。」
網民：「做IT都唔一定內向，應該係同你channel 唔啱，我做IT公司幾年，同programmer溝通冇問題，工作上定吹水都正常。」
網民：「外國的大學資訊保安科，係教學生做hacker，用實戰經驗去防hacker。電影《Catch me if you can》FBI喺男主角出獄後，都請返個男主角。」
網民：「黑客有都有好與壞之分，有啲黑客被稱為白武士（hack入某公司嘅system度做壓力測試）」
惜才好老細
不少網民都覺得事主投訴該IT同事奇奇怪怪不與人交談的指控很無理，畢竟返工應以工作為先。大家反而覺得老細聘用這IT同事的舉動很明智，更指老細惜才，這間公司應該有前途。亦有不少網民指出其實坊間的黑客都有分不同的種類，而該IT同事似乎不是有惡意的黑客，網民指有一些好的黑客專為公司測試系統，更指：「Google好似有白客比賽！」亦有網民表示：「幾多大公司重金禮聘hackers去測試自己公司 IT 系統嘅漏洞，依家可以相對平價請一個返嚟長駐公司真係賺咗！」
但都有網民憂慮這位IT同事會否不能解僱，怕放了一個計時炸彈在身邊，有網民則覺得不應聘請，應找商業罪案調查科解決。不知道大家又點睇呢？哪一個做法才比較好？
不過，網民所提到的「白客」大家又知道是甚麼嗎？其實黑客都有分很多種，以下為大家簡單分成了幾類：
6種黑客你又識唔識分？（按圖了解）
黑帽 Black Hat
黑帽亦稱 Cracker，以利益為目標，會於非法的情況下攻擊系統，透過破解、入侵去獲取不法利益。黑帽黑客乃網絡罪犯，會hack入系統盜竊數據，從而進行金錢勒索或轉售予黑市，令網絡世界很危險。
白帽 White Hat
白帽是Ethical Hacker，即道德黑客。不少白帽受聘於網絡安全公司或大企業，在完全合法的情況下攻擊系統、進行安全測試、找出安全漏洞，以「改善」為目標，令網絡世界更安全。
灰帽 Grey Hat
灰帽介乎黑白黑客之間，他們不為錢，亦不為正義，以「展現」為目標，透過破解、入侵系統，然後公告天下，以炫耀自己擁有技術高超，此舉可能幫到該系統修正漏洞，但同時有機會被黑帽利用犯案。
紅帽 Red Hat
紅帽比較偏激，以他們自以為的「正義」為目標，手段比較激進，會用「以暴易暴」手段制止黑帽，包括上載病毒、阻斷服務攻擊Dos攻擊甚至入侵並摧毀對方部腦，前幾年日本自衛隊亦計劃「紅帽化」，授權向黑帽發動DDoS攻擊。
綠帽 Green Hat
黑客中的新手，發問大量基本問題而被其他黑客惡言相向，仍熱衷學習，並聽命有經驗的黑客。
藍帽 Blue Hat
藍帽是報復者，針對激怒他們的對象而入侵網絡，除非被招惹，否則不會主動攻擊他人。
延伸閱讀：【職場熱話】以為倉頡、九方過時 速成、筆劃成主流？網民：新同事唔識打字…
延伸閱讀：【職場熱話】畀新同事取笑 話打表情符號好老套！有邊啲你仲用緊？
延伸閱讀：【香港人在外國】情侶移民澳洲 由自己策劃事業路 自由決定返幾多日工！
延伸閱讀：【見工面試】想由小薯晉身成管理層 面試可以點樣凸顯管理技能？
CTgoodjobs is Hong Kong’s leading recruitment platform. Our editors brings you the latest salary trends, interview tips, and professional courses. We provide comprehensive career insights to help you navigate career transitions, break through bottlenecks, and stay ahead in the workplace!
Explore Job
Follow CTgoodjobs for the latest career news, hot topics and recommended jobs!