【HR難做】打工仔慘呻後悔做HR！隨時都要開工？網民：快啲轉工啦！

CTgoodjobs' Editor

Published: 2024-11-11

Updated: 2024-11-11 17:51

人力資源從業員（HR）的工作範疇多樣，如招聘、培訓員工、晉升調遷及組織規劃等等。作為HR，經常要站在員工思考，構想做得更好的方法。有台灣打工仔在網上討論區Dcard講述個人經歷，指自己後悔做HR，全因隨時都要開工，網民：「快點轉工！」

點圖即睇事主的苦況：

+15

+14

事主：「有冇人做HR做到好後悔？其實我唔係正統嘅HR，但係被安排負責出Post請人。而家做咗差唔多1年，人工包埋全勤獎金都係得2萬台幣（約5,106港元），每日去公司工作9個鐘起，因為午休嘅時候，仲會有人詢問工作，讀咗Message唔覆就畀人覺得唔夠積極，所以要邊做邊食。收工之後仲會繼續覆Message，因為手機都可以覆，如果覆得慢或者冇覆，出Post請人嘅業績唔好，就要開會檢討。

返工時間周一至周五，但體感上好似無時無刻都返緊工，星期六日都諗緊方法安排面試，同求職者溝通，真係超級辛苦。有一次同屋企人旅遊三日，我根本心不在焉，都諗緊呢次出嘅Post唔夠，仲請假旅遊，業績肯定唔夠，所以覆Message覆得咁起勁。

做呢份工到而家，覺得自己嘅腦容量同用腦嘅能力好似低咗，講嘢好容易講唔晒，都好容易唔記得嘢。可能會有人為對工作咁認真，業績獎金應該好高。其實冇，統計業績嘅制度都唔透明，平均3萬台幣（約7,660港元）業績都係得1,000台幣（約255港元）獎金，而且公司每次公布業績，大家都平均3萬台幣（約7,660港元）左右。根本唔知道大家為咗嗰少少錢咁努力做啲咩，但大家都好似着咗魔咁，所以我自己都表現唔到出嚟。

如果要辭職，又怕難搵工，而家對談能力又差……心好攰，真係好想休息。」

網民留言：

A.呢個價錢要做到咁辛苦？

B.作為轉做in-house嘅過來人同你分享，如果真係對做HR有興趣，建議可以跳就快啲跳，你真係入咗行就唔係同一個世界。

C.快啲跳槽啦。

D.呢個價錢我時間到就走，要我做嘢請畀錢，冇畀錢工收工後就係我嘅時間，你理我做啲咩。

E.你睇吓，好多冇咁庹縮嘅公司，只係怕你唔敢行出Comfort Zone。

F.建議你騎牛搵馬，呢份人工太少，然後為咗嗰少少業績，食Lunch都冇得休息，仲要隨時on call真係唔化算，低薪有低薪嘅活法，呢份人工我只求準時收工，無壓力，偶爾仲可以扮吓工，不過而家年底工作難搵，搵到先辭職比較好。

G.可以辭職啦，又辭唔到職，留念咩，賺唔到錢又學唔到啲咩。

H.年資少嘅HR比較可能會後悔，做到一定年資，就會過咗難做嘅地方，去試吓真正HR嘅工作。到年底可以試吓換份工。

聽畢事主的經歷，網民都紛紛勸喻事主早日轉工，有人指這個金額的月薪，為甚麼要如此辛苦地工作。有網民指，若只有這個價錢的收入，他會選擇準時下班，不再理任何公事，因為工餘時間就是屬於他自己的時間。有人就指正常的公司多不勝數，只怕事主不敢踏出舒適圈。

因為1個行為，HR Team慘被解散？（點圖了解更多）