【職場二選一】繼續做HR vs 轉行做Marketing！新工開價只有$15,000 點揀好？網民1個理由反對事主轉行！

事主想從HR轉行做Marketing

點圖了解事主分享

+14

+13

事主：「唔識就問Threads，有冇做Marketing嘅行內人可以幫幫手？

利申小弟都算新社會人，之前做開行政／HR嘢，但發覺自己真心唔鍾意HR辦公室裡面好多politics同行政嘢林林總總。總之而家想轉行做Marketing。雖然唔係Marketing專業出身，但之前都算有返過intern，識簡單剪片同Photoshop。試過有兩間Marketing Assistant嘅面試，但係人工開得極低：$15,000，已經超出小弟預期。

想問下行內人咁嘅開價係正常？因為唔係好清楚市價，Marketing嘅價錢好似喺我印象中一般都比HR高……$15,000真係唔夠生活……但係自問比起行政更prefer更有創意嘅工作……好迷茫，有冇好心人可唔可以畀啲意見？」

網民回應事主

A.得罪講句，Marketing市場係講做咗幾耐同做過咩Project。你經驗又冇技術又冇，完全唔符合公司需要。喺Marketing嚟講都只係一個畢業生程度，仲要本來Marketing起薪就係低。搵工前睇清楚睇吓市價先，睇下有經驗同冇經驗分別幾錢。$15,000係而家環境嚟講唔叫極低啦。唔通個個都有$25,000咩？又唔諗吓嗰啲人CV幾勁。

個人貼士：我覺得Career Path大過起薪，轉工就會知細公司轉工有幾難轉。

頭幾年：大公司 > 起薪高；有嘢學到 > 起薪高

我相信你有料之後轉工，肯定會轉得好過頭幾年貪個少少人工。大把中年畀人炒嘅例子就係跳得人工高，但無料到，炒咗之後搵唔到工。試問有料嘅人又點會搵唔到下一份？所以你應該向遠處望，而唔係望個一千幾百人工，同埋要錢途同唔捱得咪浪費時間做Marketing。

B.而家市道唔好，更加唔應該入行做Marketing，間間公司都cut budget。其實你可以騎牛搵馬，試吓搵一啲跨國公司嘅HR，轉下工。

C.除咗 HR經驗仲有冇其他？Intern係咩Intern先，有冇其他經驗？

D.In house定agency？ 跨國公司定中小企？呢2樣對人工高低係好關鍵。

E.你做邊行Marketing先。我做product marketing做咗1x年，不知幾多人事同politics問題，而且付出同人工不成正比。利申：已轉行。

F.你係因為覺得Marketing好玩所以想轉行定點？老實講句，你覺得自己擅長嘅嘢，而家好多公司都唔想畀錢做，例如餐廳你識簡單影嘢／Photoshop，整嘢出嚟畀你影都要成本。（同埋呢啲技能好廉價，個個識玩ig、識p圖，都可以吹自己識）

同埋點解你覺得做Marketing唔使對行政同林林總總嘅嘢？ 都係要做報價、傾合作、睇contract、條款。超多行政同文字上嘅嘢要做。

迷惘同覺得前路茫茫同厭倦目前工作，證明你根本冇乜選擇，不妨試吓攞時間出嚟讀書進修下再決定下一步點做。

G.你要嘅係轉公司而唔係轉行。

H.過來人，HR先好做呀，啲野有晒Standards，有哂晒procedures。Marketing講際遇，亦講能力，咩都要識要叻。人工性價比一定係HR好，同埋15K MA算係咁啦。

I.因為Marketing Assistant基本上就係請個人打雜，多數冇乜機會畀你發揮創意同技能，除非你遇到好上司同好公司。真係好有熱誠先好做Marketing，10年後就發現回報未必Justify到人工低人一截。

J.HR絕對比較好，完全唔需要比較，千萬唔好轉行。

網民一面倒勸喻事主不要轉行，有網民坦言Marketing主要講的是經驗，假如事主是「白紙」，對公司來說只是如畢業生程度。他指事主想轉行好應該作資料搜集，了解相關職位市價。他更建議事主好應該向遠處望，而不是貪一千幾百人工。有網民指，現時市況不佳，不少公司都削減市場部資源，因此不建議事主入行，指事主好應該騎牛搵馬，找尋其他公司的HR工作。

有人就坦言Marketing Assistant的工作內容，減少有發揮創意的部分，除非遇上好上司及公司。考慮轉行前，我們都應該考慮行業的實際情況及工作內容，否則到轉工後才知道現實不如預期，就恨錯難返。

7個更易轉行的方法

+22

+21

1. 檢討現時工作中不滿的地方

列出對現時的工作滿意及不滿意之處、理想與希望避免的工作環境、現時的工作有哪些挑戰你是認為可以接受或不能容忍的。客觀分析是對所在的公司文化不滿，還是對整個行業的有所不滿。若是前者的話可能只需轉換新公司就能有效解決，後者則是需要轉行以尋求其他新發展。

2. 思考自己理想的行業是甚麼

思考自己對哪一個工種感到興趣，能夠保持熱情，不會感到絲毫厭倦；繼而成功投身該行業後，即使能力仍有進行空間，你亦有動力堅持下去。

3. 搜集行業的相關資料

當成功找到自己的興趣以及工種，就能開始搜集資料，了解有關的資訊，例如學歷要求、需要技能等。大家亦能從討論區或各大社交平台大概知道第一身角度的日常職務、行業生態、發展前景等，思考與自己的能力與期望有否落差。

4. 自行進修

初步了解行業後，就能先自行進修、報讀該行業的短期課程，對行業所需技能有基本的知識。若然時間許可，大家亦可到相同業務的機構擔當義工或兼職，加強個人資歷以及工作經驗

5. 拓展人脈

進修之外，應把握更多機會參加相關專業的協會講座、活動等以拓展人脈，藉由專業的人士親身向你講解行業的資訊、讓你有對行業有更深認識。他們亦能分享自身經歷和意見。幸運的話亦能透過他們獲得推薦或工作介紹，轉行的機會亦大大增加。

6. 面試應準備充足

倘若獲得面試機會，面試必定會詢問為何會有轉工的念頭、契機等。應答時避免批評舊有行業的問題，相反只要如實作答對行業感興趣的原因、發展前景與個人生涯規劃如何吻合，盡可能展示自己的熱誠，以及為轉行而努力自修的結果，讓面試官清晰感受到你具備基礎的「即戰力」，應付日常職務。

7. 毅力與熱誠

成功聘請後就是最艱難的部分，首數月可能因為能力上仍有不足而較為忙碌，未能適應。遇到難題可以詢問上司與同事，一同應付難關，並從中吸收經驗，成為獨當一面的員工，發展所長。

5個跡象判斷你值得更好的工作

+13

+12

1/ 感受不到自己進步

有研究顯示，成人最幸福的時刻，就是在工作中不斷學習新事物，感覺到自己有所進步。如果你每日都面對一成不變的工作，沒有吸收任何新知識，即代表現有崗位已不能滿足你，是時候尋找新發展機會。

2/ 工作表現未如理想

如果工作不時犯錯，要用上比同事更多的時間完成同一任務，或許反映出工作崗位並不符合你的能力。這種狀態遲遲未改善的話，不但會損害你的自信心，甚至影響Appraisal，添上不光彩的一筆。

3/ 與上司不咬弦

職場人際關係有時比起實務更使人困擾，如果要與不喜歡自己的人工作，無疑是一種折磨，更會影響工作表現。如果你已嘗試與上司磨合，但最終不果，可能這個工作環境真的不適合你，倒不如轉換一個更愉快的職場。

4/ 工作只為了賺錢

大部分僱員在判斷一份工作值不值得做時，都會視薪酬福利為最大考慮因素。但如果僅僅是為了賺錢而做一份工作，而沒有其他理由支撐的話，不僅會讓人失去動力，甚至變得消極，最終迷失方向。

5/ 自我價值低落

即使僱員獲得滿意的薪酬及福利，但亦有機會不能享受他們的工作。很大原因是欠缺上司的認可，導致成就感低落。這個狀況反映出公司不注重員工，或者你並非上司重點栽培的人，如有時間應該瀏覽其他職位空缺。

延伸閱讀：【辭職信範本｜辭職攻略】遞辭職信怕尷尬？教你3個好時機 （內附辭職信範本）

延伸閱讀：【辭職信範本｜辭職攻略】想好嚟好去？辭職信4大禁忌你要知！內附辭職信範本

延伸閱讀：【辭職學問】附中英文辭職信範本！教你寫一封體面辭職信 唔使同公司反面！

最新專訪片︰
【星級斜槓族】Cloud雲浩影曾做過侍應、補習老師及派傳單 風格多變深受觀眾喜愛 冀能實現演唱會夢