【GenZ面試】00後見工潮語頻出 HR當場大黑面網民：Old Seafood要接受新時代！

CTgoodjobs' Editor

Published: 2025-08-13

Updated: 2025-08-13

00後世代進入職場，帶來顛覆性的新風格與心態。他們在面試時自信地運用各種潮語，展現自我、注重個人特色，希望能在短時間內突顯與傳統求職者的不同。然而，這股「潮語風」卻經常令資深HR感到格格不入，甚至面露難色，近日有HR就是社交專頁「奴工處」發文，表達不滿。

00後見工潮語頻出 HR當場大黑面？

+25

+24

樓主：
而家啲Gen Z見工真係差，佢哋啲語言真係聽到人好尷尬。
呢啲都係我聽過最誇張嘅Candidate對答例子：
「我都幾沉迷韓國文化，得閒都會追吓星。」
「因為我覺得自己喺呢方面都幾堅持⋯」
「啱呀⋯所以我覺得同同事相處最緊要互相尊重，如果一句直Ban落去都真係0尊重嘅，我都唔會想人咁對自己。」
「如果我想喺呢間公司升職，可以點部署？」
「通常我做嘢做到有壓力時，都會休個小息再繼續。」

網民A：
接受吓新時代啦old seafood，你而家叫仲有啲權咋，到你畀人炒埋時就係廢老㗎啦。

網民B：
樓主講得over咗。其實我覺得唔係唔畀用，而係要考慮到你見工時係present緊自己，candidate要考慮到interviewer嘅年齡層，講一啲大家都明白嘅「語言」，令對方明白你想表達嘅嘢同留個好印象。唔係叫你要擦鞋或用老人terms，而係用專業用語。

網民C：
如果話interview用潮語唔formal我認同，但如果只係新嘅潮語同你舊年講嘅唔同就話人，咁只係你唔接受新嘢。

網民D：
係咪得我一個覺得佢哋咁講嘢好得意？

網民E：
「同同事相處最緊要互相尊重」<-- 呢句又好啱喎，觀念同性格好好，係其他用詞潮啲啫。

網民F：
有乜咁尷尬？真係令人費解。

網民G：
除非你見緊嘅工係創意媒體之類，去其他公司用潮語面試，你就0尊。

網民H：
恐怕後生仔聽住啲old seafood講「過氣」嘅詞句，一樣戥你老尷、一樣笑你老餅，睇開啲啦。

網民I：
HR真係要把關。

網民J：
咁講啦，其實普通傾計又真係冇咩問題。但如果係好formal嘅interview，咁當然要執正啲。但你要知道，現今世代真係唔太接受太嚴肅個套㗎啦。

網民K：
如果個職位唔使見客都冇乜所謂嘅。如果對客就爭啲，始終唔係個個客都後生仔女，除非公司本身做潮牌。

大部分人都認同面試應該以專業、清晰的方式溝通，考慮面試官的年齡層和文化背景，避免過度使用過於生硬或冷僻的潮語導致誤解或不尊重的印象。另一方面，很多網民也強調職場應該有一定的彈性和包容，新世代通過潮語展現個性與文化認同，這是一種值得理解的表達方式。兩代人之間的差異不僅體現在語言風格，更是觀念和價值的碰撞與融合。面對這樣的新現象，上一代需要學會欣賞與接納年輕人的創新與活力，而年輕一代也應在正式場合保持適當的專業態度，以促進有效溝通與互相尊重。

延伸閱讀：【職場新人】00後新人點解成日唔過試用期？網民怒數3大死因

+20

+19