【職場新人】00後新人點解成日唔過試用期？網民怒數3大死因

CTgoodjobs' Editor

Published: 2025-05-23 16:14

Updated: 2025-05-23 16:14

近年來， 00後陸續踏入職場，職場文化與工作態度的代溝日益明顯，70、80後的前輩與00後新人之間的摩擦屢見不鮮。00後強調工作與生活平衡，注重個人成長與自我實現，拒絕無止境的加班和傳統的「拼命三郎」工作模式，這與70、80後習慣的長工時、服從上級、以升職加薪為目標的職涯觀念形成鮮明對比。這種差異導致不少00後新人在試用期被公司淘汰，近日有網民在連登討論區發文，指怒數00後試用期未過的三大死因。

00後返工3宗罪係咩？

+21

+20

樓主：呢年公司新請咗幾個00後，發現普遍有幾個問題：自我中心、鍾意駁嘴、扮晒醒目.
有次公司個head manager過嚟巡場，個後生仔夠膽死當住佢面玩IG。Head manager笑笑口問：「你好得閒咩？啲嘢上手未呀？」個後生仔竟然好串咁答：「同事冇畀嘢我做，我唔會主動做㗎！」講緊嘅係基本文書工作，影印填表嗰啲，個post明明寫明要負責。最後幾個00後先後被炒，有一半過唔到試用期。點解而家啲00後咁唔掂？

網民A：要人做見工時冇講明嘅工作，係老闆違反商品說明條例喎。
網民B：人哋屋企有幾層樓收租，使咩睇你面色？駁你嘴就駁你嘴啦。
網民C：冇經濟壓力係咁㗎啦。
網民D：你應該同佢講清楚要求。
網民E：你出咩價錢就請到咩人㗎啦。
網民F：我哋要靠00後整頓職場㗎。
網民G：完全冇責任心真係頂唔順。
網民H：我公司請咗個35K嘅，有嘢搵佢，3日打咗6、7次電話都唔聽，同事話佢忙緊講電話。留咗言都唔覆，而家我索性唔打，等出事就話佢唔覆機。
網民I：Fresh grad 25K嘅人都可以hea到乜都唔做。
網民J：一睇就知你係老海鮮。
網民K：00後父母多數係70後，好多有幾層樓。00後一出世就唔憂做，唔少仲玩美股/Crypto賺咗錢，身家可能多過上司。

網民意見主要圍繞職場責任心與世代差異展開。部分網民認為僱主若要求員工做超出原定職責的工作，可能違反透明度原則，建議與僱主明確溝通職務要求。另有意見指出，部分年輕員工（特別是00後）因家庭經濟背景較好，缺乏經濟壓力，導致職場表現散漫，責任心不足，如不回覆信息或不積極工作。網民提到00後的父母多為70後，可能擁有物業收入，子女因此無需為生計過分操心，甚至通過投資賺取財富，身家或超越上司，因而對工作態度較隨意。此外，有人批評部分員工高薪卻效率低下，影響職場運作，甚至期待00後能「整頓職場」。另有網民認為薪酬與員工表現成正比，僱主出價決定聘請的人才質素。

新同事入職半年升經理？00後教路：識扮呢種蠢老闆即刻Buy！

+22

+21